Նարինե Աբգարյան

Նարինե Աբգարյան
Ծնվել է	հունվարի 14, 1971(1971-01-14) (52 տարեկան)
Ծննդավայր	Բերդ, Հայկական ԽՍՀ, ԽՍՀՄ
Մասնագիտություն	արձակագիր, բլոգեր և գրող
Լեզու	ռուսերեն
Քաղաքացիություն	ԽՍՀՄ և  Հայաստան
Կրթություն	Վ․ Բրյուսովի անվան պետական համալսարան
Ժանրեր	արձակ
Պարգևներ	Ալեքսանդր Գրինի անվան մրցանակ և Յասնայա Պոլյանա
Կայք	greenarine.livejournal.com
Նարինե Աբգարյան Վիքիդարանում
Narine Abgaryan Վիքիպահեստում

Նարինե Յուրիի Աբգարյան (հունվարի 14, 1971(1971-01-14), Բերդ, Հայկական ԽՍՀ, ԽՍՀՄ), հայ գրող, բլոգեր։

Կենսագրություն

Ավարտել է Երևանի Վալերի Բրյուսովի անվան պետական լեզվաբանական համալսարանը։ Հայաստանի քաղաքացի է, 1993 թվականից ապրում է Մոսկվայում։ Հայտնի է դարձել «Մանյունյա» ինքնակենսագրական գրքի հրատարակումից հետո։ Այդ գրքով դարձել է Ռուսաստանի ազգային գրական «Տարվա ձեռագիր» մրցանակի դափնեկիր՝ «Լեզու» անվանակարգում։ 2011 թվականին եղել է «Մեծ գիրք» անվանակարգի ցուցակում։

2011 թվականին լույս է տեսնում Մանյունյայի պատմության երկրորդ մասը. «Մանյունյան գրում է ֆանտաստիկ վեպ»։

2011 թվականին լույս է տեսնում ինքնակենսագրական վեպը (կարճ պատմությունների ժողովածու), որը ստանում է «Տարվա ձեռագիր» մրցանակը։

2012 թվականին սեպտեմբերին լույս է տեսնում «Սեմյոն Անդրեևիչ. Տարեգրություն խզբզոցներով» վիպակը։ 2013 թվականին ապրիլին Նարինե Աբգարյանը ստացել է «BABY-НОС» (նոր ռուսական բանահյուսություն) մրցանակը։ «Սեմյոն Անդրևիչ. Տարեգրություն խզբզոցներով»-ը դարձել է վերջին տասնամյակի լավագույն մանկական գիրքը։ Մրցանակը սահմանվել է Միխայիլ Պրոխորովի հիմնադրամը։ 2013 թվականին հրատարակվում է «Հսկան, որը երազում է ջութակ նվագել» հեքիաթը։ Գիրքը «Պարմամբուկ» պորտալի կողմից ճանաչվել է 2014 թվականի լավագույն մանկական գիրք։

2014 թվականի փետրվարին հրատարակվում է «Մարդիկ, ովքեր միշտ ինձ հետ են» վեպը։

2014 թվականի դեկտեմբերին լույս է տեսնում «Շոկոլադե պապիկը» մանկական գիրք, որի համահեղինակն էր Վալենտին Պոստիկովը։

2015 թվականի մարտին լույս է տեսնում «Երկնքից ընկավ երեք խնձոր» վեպը։

«Մանյունյայի» շուրջ զարգացումները

2017 թվականին «Մանունյան» հրատարակվել է հայերեն։ Ընդ որում, գրքի վաճառքի հասույթից գոյացած գումարը նախատեսված է եղել է ուղղել Տավուշի սահմանամերձ համայնքներին և երեխաների կարիքները հոգալուն։ Գրքի երևանյան շնորհանդեսին ներկա են եղել բազմաթիվ հայտնի դեմքեր, այդ թվում նաև Տիգրան Մանսուրյանը։

Ստեղծագործություններ

Թվական	ժանր	Անվանում
2010	վեպ	«Մանյունյա»
2011	վեպ	«Մանյունյան գրում է ֆանտաստիկ վեպ»
2011	վեպ	Հավաքածուները
2012	վեպ	«Մանյունյա. Բայի տարեդարձը և այլ անհանգստություններ»
2012	վեպ	«Սեմյոն Անդրեևիչ. Տարեգրություն խզբզոցներով»
2014	վեպ	«Մարդիկ, ովքեր միշտ ինձ հետ են»
2015	վեպ	«Երկնքից ընկավ երեք խնձոր»
2015	վեպ	«Մուռայի երջանկությունը»
2016	պատմվածքների ժողովածու	«Զուլալի»
2016	պատմվածքների ժողովածու	«Մեր բակի մարդիկ»
2018	պատմվածքների ժողովածու	«Շարունակել ապրել»
2020	վեպ	«Սիմոն»

Արտաքին հղումներ

• Նարինե Աբգարյան
• «Տարվա ձեռագիր» մրցանակը հանձնվում է Նարինե Աբգարյանին Archived 2016-03-04 at the Wayback Machine.