Նատալյա Լավրովա

Նատալյա Լավրովա
Անձնական տեղեկություն
Սեռ՝	իգական
Մասնագիտացում՝	գեղարվեստական մարմնամարզություն
Երկիր՝	Ռուսաստան
Ծննդյան ամսաթիվ՝	օգոստոսի 4, 1984
Ծննդավայր՝	Պենզա, ՌԽՖՍՀ, ԽՍՀՄ
Մահվան ամսաթիվ՝	ապրիլի 23, 2010 (25 տարեկան)
Մահվան վայր՝	Պենզայի մարզ, Ռուսաստան
	175 սանտիմետր
Օլիմպիական խաղեր
Աշխարհի առաջնություններ
Եվրոպայի առաջնություններ

Նատալյա Ալեքսանդրովնա Լավրովա (ռուս.՝ Наталья Александровна Лаврова, օգոստոսի 4, 1984(1984-08-04), Պենզա, ՌԽՖՍՀ, ԽՍՀՄ - ապրիլի 23, 2010(2010-04-23)^[1], Պենզայի մարզ, Ռուսաստան), ռուս մարմնամարզուհի, Եվրոպայի քառակի չեմպիոն, աշխարհի հնգակի չեմպիոն, առաջին երկակի օլիմպիական չեմպիոնը գեղարվեստական մարմնամարզությունից խմբային վարժություններում (նրանից հետո նույն ցուցանիշին հասել են Ելենա Պոսևինան և Անաստասիա Բլիզնյուկը խմբային վարժություններում, ինչպես նաև Եվգենյա Կանաևան անհատական բազմամարտում)։ Նատալյա Լավրովան եղել է առաջին մարմնամարզուհին, որին հաջողվել է հաղթել Օլիմպիական խաղերում 16 տարեկանում։ 2000 թվականին արժանացել է Ռուսաստանի սպորտի վաստակավոր վարպետի կոչման, եղել է Ռուսաստանի գեղարվեստական մարմնամարզության հավաքականի մարզիչ։

Կենսագրություն[խմբագրել | խմբագրել կոդը]

Նատալյա Լավրովան ծնվել է 1984 թվականի օգոստոսի 4-ին Պենզայում։ Սպորտով զբաղվել սկսել է հինգ տարեկանում, առաջին մարզիչը եղել է Օլգա Ստեբենևան^[2]։ Սովորել է Պենզայի № 75 միջնակարգ դպրոցում։ Ավարտել է Պենզայի Վիսարիոն Բելինսկու անվան պետական մանկավարժական համալսարանում։

Ռուսաստանի գեղարվեստական մարմնամարզության հավաքականում ընդգրկվել է 1998 թվականին։ Մարզիչը եղել է Տատյանա Վասիլևան։ 1999 թվականի աշխարհի առաջնությունում զբաղեցրել է առաջին տեղը խմբային վարժություններում։

2000 թվականի սեպտեմբերի 30-ին Նատալյա Լավրովան Սիդնեյում (Ավստրալիա) անցկացվող Օլիմպիական խաղերում նվաճել է ոսկե մեդալ գեղարվեստական մարմնամարզության խմբային վարժություններում։ 2004 թվականին Աթենքի Օլիմպիական խաղերում Նատալյա Լավրովան կրկին արժանացել է ոսկե մեդալի՝ դառնալով առաջին երկակի օլիմպիական չեմպիոնը գեղարվեստական մարմնամարզությունից։

Նատալյա Լավրովան բազմիցս հաղթել է Գրան պրիի միջազգային մրցությունների խմբային վարժություններում։

Նատալյա Լավրովան եղել է «Դինամո» մարզական ակումբի գլխավոր մարզիչ գեղարվեստական մարմնամարզությունից, ինչպես նաև օլիմպիական նախապատրաստական կենտրոնի մարզիչ գեղարվեստական մարմնամարզությունից^[3]։

2010 թվականի ապրիլի 23-ին Նատալյա Լավրովան դարձել է ավտովթարի զոհ^[2]^[3]^[4] Պենզայի մոտ՝ Պենզա-Շեմիշեյկա ավտոճանապարհին, իր կրտսեր քրոջ՝ 23-ամյա Օլգայի հետ։ ՎԱԶ-2114 ավտոմեքենան, որի ղեկին եղել է Նատալյայի քույրը, դուրս է եկել հանդիպակաց գոտի և բախվել Մազդա մակնիշի ավտոմեքենային։ Հարվածից Լավրովայի մեքենան դուրս է նետվել ճանապարհից, ինչից հետո այրվել է։ Լավրովայի քույրը նույնպես զոհվել է ավտովթարից^[2]^[3]^[4]^[5]։

Նատալյա Լավրովան քրոջ՝ Օլգայի հետ թաղվել է Պենզայի Նովոզապադնի գերեզմանատան Փառքի ծառուղում։

Պարգևներ[խմբագրել | խմբագրել կոդը]

Պատվո շքանշան – ֆիզիկական կուլտուրայի և սպորտի զարգացման գործում ունեցած մեծ ավանդի, Աթենքում 2004 թվականի 28-րդ Օլիմպիադայում ցուցաբերած մարզական բարձր ձեռքբերումների համար^[6]
Բարեկամության շքանշան – ֆիզիկական կուլտուրայի և սպորտի զարգացման գործում ունեցած մեծ ավանդի, Սիդնեյում 2000 թվականի 27-րդ Օլիմպիադայում ցուցաբերած մարզական բարձր ձեռքբերումների համար^[7]

Հիշատակ[խմբագրել | խմբագրել կոդը]

2011 թվականի հունիսի 24-ին Պենզայի քաղաքային Դումայի № 657-29/5 որոշմամբ Պենզա քաղաքի Պերվոմայսկի շրջանի նոր փողոցներից մեկը կոչվել է Լավրովայի փողոց։
2012 թվականի հոկտեմբերի 19-21-ը Պենզայի «Буртасы» սպորտի պալատում անցկացվել է Համառուսական երրորդ մրցաշարը գեղարվեստական մարմնամարզության խմբային վարժություններից երկակի օլիմպիական չեմպիոն Նատալյա Լավրովայի գավաթի խաղարկմամբ^[8]։
2010 թվականի ապրիլի 26-ին Պենզայի իշխանությունները հայտարարել են, որ քաղաքում կանգնեցվելու է երկակի օլիմպիական չեմպիոն Նատալյա Լավրովայի հուշարձանը։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 http://in.reuters.com/article/idINIndia-47955620100423
↑ ^2,0 ^2,1 ^2,2 Российская олимпийская чемпионка погибла в ДТП
↑ ^3,0 ^3,1 ^3,2 Тренер сборной РФ по художественной гимнастике Лаврова погибла в ДТП
↑ ^4,0 ^4,1 Тренер сборной России по художественной гимнастике погибла в ДТП
↑ В ДТП погибла двукратная олимпийская чемпионка Наталья Лаврова Արխիվացված 2010-04-26 Wayback Machine — Эхо планеты
↑ Указ Президента РФ от 4 ноября 2005 г. N 1256 «О награждении государственными наградами Российской Федерации»
↑ «УКАЗ Президента РФ от 19.04.2001 N 450 «О награждении государственными наградами Российской Федерации спортсменов, тренеров, работников физической культуры и спорта»». Արխիվացված է օրիգինալից 2013 թ․ մայիսի 14-ին. Վերցված է 2011 թ․ հոկտեմբերի 5-ին.
↑ «Погибшей чемпионке Лавровой установят памятник в Пензе ЭХО планеты». Արխիվացված է օրիգինալից 2013 թ․ դեկտեմբերի 29-ին. Վերցված է 2020 թ․ մարտի 31-ին.

Արտաքին հղումներ[խմբագրել | խմբագրել կոդը]

Նատալյա Լավրովան Օլիմպիական խաղերում Արխիվացված 2010-04-27 Wayback Machine (անգլ.)
«Однажды мама подарила плюшевого медвежонка…» — «Советский спорт», 23 апреля 2010

[_c292f23c92482e43-1] 1,0 ^1,1 ^1,2 http://in.reuters.com/article/idINIndia-47955620100423

[Lenta.Ru-2] 2,0 ^2,1 ^2,2 Российская олимпийская чемпионка погибла в ДТП

[RIAN-3] 3,0 ^3,1 ^3,2 Тренер сборной РФ по художественной гимнастике Лаврова погибла в ДТП

[News_Ru-4] 4,0 ^4,1 Тренер сборной России по художественной гимнастике погибла в ДТП

[5] В ДТП погибла двукратная олимпийская чемпионка Наталья Лаврова Արխիվացված 2010-04-26 Wayback Machine — Эхо планеты

[6] Указ Президента РФ от 4 ноября 2005 г. N 1256 «О награждении государственными наградами Российской Федерации»

[7] «УКАЗ Президента РФ от 19.04.2001 N 450 «О награждении государственными наградами Российской Федерации спортсменов, тренеров, работников физической культуры и спорта»». Արխիվացված է օրիգինալից 2013 թ․ մայիսի 14-ին. Վերցված է 2011 թ․ հոկտեմբերի 5-ին.

[8] «Погибшей чемпионке Лавровой установят памятник в Пензе ЭХО планеты». Արխիվացված է օրիգինալից 2013 թ․ դեկտեմբերի 29-ին. Վերցված է 2020 թ․ մարտի 31-ին.

[1]

[2]

[3]

[4]

[5]

[6]

[7]

[8]