Նավահանգստում (մուլտֆիլմ)

Նավահանգստում
Տեսակ	մուլտֆիլմ
Ռեժիսոր	Ինեսա Կովալևսկայա
Սցենարիստ	Սերգեյ Կոզլով
Երկիր	ԽՍՀՄ
Ընկերություն	Սոյուզմուլտֆիլմ

Նավահանգստում (ռուս.՝ В порту), խորհրդային երաժշտական մուլտիպլիկացիոն ֆիլմ, որը պատմում է ծովային մեծ նավահանգստի կյանքի մասին։ Ռեժիսոր Ինեսա Կովալևսկայան շարունակել է երաժշտական թեման մուլտիպլիկացիայում։ Նրա «Փոքրիկ նավակ» (1970, ըստ Վլադիմիր Շաինսկու երաժշտության), «Ինչպես կորյունը և կրիան երգ երգեցին» (1974, ըստ Գենադի Գլադկովի երաժշտության) և «Նավահանգստում» (1975, ըստ Մարկ Մինկովի երաժշտության) աշխատանքները մեծ ճանաչում են ձեռք բերել հեռուստատեսության շնորհիվ։

Սյուժե

Մուլտֆիլմի սյուժեն և դրա երգերը հիմնված են հայտնի մանկագիր և բանաստեղծ Սերգեյ Կոզլովի համանուն բանաստեղծության և Օլեգ Անոֆրեևի բանաստեղծությունների վրա։

Տարբեր երկրներից երեխաների մեծ խումբ է ժամանում սևծովյան նավահանգիստ, ովքեր մեկնում էին միջազգային պիոներական «Արտեկ» ճամբար։ Այնտեղ մնացած երկու օտարերկրացիներին դիմավորում են տեղի պատանիները և էքսկուրսիա են կազմակերպում նրանց համար նավահանգստում։

Մուլտֆիլմում հնչել են հետևյալ երգերը` «Մենք այսօր եկանք նավահանգիստ», «Բեռնակիրներ», «Տանկեր», «Փոքրիկ նավակ», «Զբոսանք», «Կռունկավարների երգը», «Փայտակրանավ», «Առյուծի մասին», «Դելֆիններ»։

Հեղինակները

սցենարի հեղինակ	Սերգեյ Կոզլով, Վլադիմիր Վալուցկի
բանաստեղծության հեղինակներ	Սերգեյ Կոզլով, Օլեգ Անոֆրիև
ռեժիսոր	Ինեսա Կովալևսկայա
բեմադրող նկարիչ	Ստանիսլավ Սոկոլով
նկարիչ	Սվետլանա Սկրեբնևա
կոմպոզիտոր	Մարկ Մինկով
օպերատոր	Սվետլանա Կոշչեևա
հնչյունային օպերատոր	Վլադիմիր Կուտուզով
մոնտաժող	Իզաբելլա Գերասիմովա
խմբագիր	Պյոտր Ֆրոլով
նկարիչներ	Ս. Սվետլիցա, Ա. Ատամանովա
օգնականներ	Տ. Լիտկո, Ե. Գոլոլոբովա, Լ. Կրուտովսկայա
նկարիչ-մուլտիպլիկատորներ	Օլեգ Սաֆրոնով, Էլվիրա Մասլովա, Ալեքսնադր Գորլենկո, Վիտալի Բոբրով, Ալեքսանդր Մազաև, Օլեգ Կոմարով, Լև Ռյաբինին, Վլադիմիր Արբեկով, Իոսիֆ Կուրոյան, Օլգա Օռլովա, Վիկտոր Լիխաչյով
երգում են	Վալենտինա Տոլկունովա, Օլեգ Անոֆրիև
ֆիլմի տնօրեն	Ֆյոդր Իվանով

Հետաքրքիր փաստ

Օլեգ Անոֆրիևը հարցազրույցի ժամանակ պատմել է, որ «Արջ» փայտակրի վոկալային նախատիպը եղել է Լուի Արմսթրոնգը, իսկ տանկերի կապիտանինը` Թոմ Ջոնսը։
Գոյություն ունի լայն տարածված երգերի ձայնագրություն (19.05 րոպե տևողությամբ), որ չի մտել մուլտֆիլմի մեջ, սակայն որոշ կայքերում մակագրվում է որպես մուլտֆիլմի երաժշտություն։

Թողարկում

2005 թվականին մուլտֆիլմը թողարկվել է մուլտֆիլմերի «Ինչպես էին կրիան ու առյուծիկը երգում» հավաքածուի մեջ («Խոշոր պլան» ընկերություն)։

Արտաքին հղումներ