Նայրոբի (Թղթե տունը)
Նայրոբի | |
---|---|
«Թղթե տունը»-ի հերոս | |
Առաջին անգամ հայտնվել է | «Գործիր ըստ ծրագրի» (2017) |
Վերջին անգամ հայտնվել է | «Փարիզի ծրագիրը» (2020) |
Ստեղծող | Ալեքս Պինա |
Տեղեկություններ | |
Մականուն(ներ) | Նայրոբի |
Մասնագիտություն | Գող, թալանող |
Ազգություն | Իսպանացի |
Նայրոբի (Ագաթա Հիմենես), Նեթֆլիքս հեռուստաալիքի թողարկած «Թղթե տունը» հեռուստասերիալի կերպար, որի մարմնավորումը կատարել է դերասանուհի Ալբա Ֆլորեսը[1]։ Առաջին և երկրորդ եթերաշրջաններում եղել է պատասխանատու Իսպանիայի Թագավորական դրամահատարանում փողերի տպագրության համար, իսկ երրորդ և չորրորդ եթերաշրջաններում հետևել է Իսպանիայի բանկում ոսկու ձուլման գործընթացին։
Կերպար[խմբագրել | խմբագրել կոդը]
Պրոֆեսորին հանդիպելուց առաջ նա մանկուց ունեցել է խնդիրներ ոստիկանության հետ։ Ունեցել է որդի Աքսել անունով, նրա խնամակալությունից զրկվել է այն բանից հետո, երբ բանտում է հայտնվել թմրանյութերի վաճառքի և փաստաթղթերի կեղծման համար[1]։
Նայրոբին հայտնի է իր եռանդուն, խարիզմատիկ և մոտիվացիոն բնավորությամբ։ Բնածին առաջնորդ, որը պատասխանատու է պատանդների համար և տրամադրում է թիմին ուրախություն, կիրք և ոգևորություն, գործի ընթացքում նա հաճախ կրկնում է «Չիքիփում, չիքիփում, չիքիփում» արտահայտությունը մոտիվացիա հաղորդելու համար[2]։
Համեմատած խմբի մյուս անդամներին, նա հավասարակշռված է և չի տրվում էմոցիաներին։ Շատ սիրված է թիմի, ինչպես նաև որոշ պատանդների կողմից, Պարոն Տորեսը, առաջին և երկրորդ եթերաշրջաններում` գումար տպագրելու համար պատանդը, նույնիսկ գովել է նրան, ասելով, որ նա լավագույն շեֆն է երբևէ[3]։
Իր մայրական բնազդների շնորհիվ նա կարողացել է կարեկցել որոշ պատանդների, օրինակ` թե ինչպես է նա պաշտպանել և մոտիվացրել Էլիսոն Փարքերին դիմակայել դասարանցի խուլիգաններին և սովորեցրել նրան արտասանել «Soy La Puta Ama» արտահայտությունը, որը թարգմանվում է որպես «Ես եմ գրողի տարած շեֆը»[4]։
Սերիալի ողջ ընթացքում նա զզվանք էր ցուցաբերում՝ կասկածի տակ դնելով Բեռլինի և Պալերմոյի ղեկավարության գործողությունները։ Երկրորդ եթերաշրջանի տեսարաններից մեկում, երբ նա տապալում է Բեռլինի ղեկավարությունը և ժամանակավորապես վերցնում է Իսպանիայի Թագավորական դրամահատարանի վերահսկողությունն իր վրա, նա բղավում է, որ նա գլխավորն է, հպարտությամբ հայտարարում է «Empieza el Matriarcado»[5]:
Երրորդ եթերաշրջանում Ալիսիա Սիերան օգտագործում է Նայրոբիին որդուն նրան խաբելու համար։ Նայրոբին երկար ժամանակ չէր տեսել որդուն, նա պատուհանից նայում է։ Ոստիկանները կրակում են նրա կրծքավանդակին։ Լիսաբոնի կեղծ մահապատիժը և Նայրոբիի գնդակահարությունը առաջացնում են Պրոֆեսորի և թիմի զայրույթը, ստիպելով նրանց վրեժխնդիր լինել` գնդակահարելով զինվորականների զրահապատ ֆուրգոնը և դրանով իսկ պատերազմ հայտարարելով[6]։
Նայրոբին հազիվ է փրկվում չորրորդ եթերաշրջանի սկզբում, երբ ոստիկանությունը մերժում է օգնել նրան։ Վախեցած և ապակողմնորոշված, Նայրոբին աղերսում է Տոկիոյին և մնացած թիմի անդամներին հանձնել իրեն ոստիկանությանը, քանի որ նա իրոք ցանկանում է ապրել, նույնիսկ, եթե դա նշանակում է, որ նա պետք է լինի բանտում։ Սակայն Պալերմոն մերժում է նրան, ասելով, որ ոստիկանությունը կսպանի նրան այնպես, ինչպես սպանեցին Լիսաբոնին։ Տոկիոն և թիմի մնացած անդամները պակիստանցի վիրաբույժի օգնությամբ տեսազանգով հաջողությամբ վիրահատում են Նայրոբիին` հեռացնելով փամփուշտն ու կտրելով նրա թոքի մի մասը։ Սակայն բոլոր ջանքերը լինում եմ զուր, երբ Իսպանիայի բանկի անվտանգության ծառայության ղեկավար և նախկին պահակ Գանդիան փախնում է Պալերմոյի օգնությամբ։ Նայրոբին, որը դեռևս հազիվ է ապաքինվում իր մահացու կրակոցից և վիրահատությունից, դառնում է Գանդիայի թիրախը։ Ոստիկանության հետ կապ հաստատելուց հետո նա ասում է, որ պատրաստվում է ոչնչացնել թիմին։ Նրան սպանելու մի քանի անհաջող փորձերից հետո Գանդիան կրակում է Նայրոբիի գլխին, անմիջապես սպանելով նրան թիմի առջև[7]։
Նայրոբիի մահից հետո Պրոֆեսորը մի շարք հրթիռներ է արձակում ոստիկանության և համակարգի դեմ՝ հայտարարելով, որ նրանք հազար անգամ վրեժ կլուծեն նրա մահվան համար։ Հետո, լինում է նրա հուղարկավորությունը։ Նրա մարմինը դնում են ինքնաշեն դագաղի վրա` «Nairobi, La Puta Ama» մակագրությամբ և դուրս բերում Բանկի սահմաններից՝ նահանգապետի անձնական թիկնապահների ուղեկցությամբ։ Բոլոր նրանք, ովքեր դուրս էին եկել շենքից, ներառյալ ոստիկանությունը և ցուցարարները, նահանջում են հանպատրաստից հուղարկավորության։ Լիսաբոնը, որին ապօրինաբար տարել էին հարցաքննության վրան, լաց է լինում Նայրոբիի դագաղը տեսնելով, իսկ Պրոֆեսորը և թիմի մյուս անդամները լաց են լինում լռության մեջ։
Չորրորդ եթերաշրջանի վերջում, երբ Լիսաբոնը վերադառնում է Իսպանիայի բանկ, ամբողջ թիմը Նայրոբիի պատվին միասին բղավում է «Նայրոբիի համար»[8]։
Զարգացում[խմբագրել | խմբագրել կոդը]
Հարցազրույցներից մեկում Ալբա Ֆլորեսը խոստովանել է, որ իր դերը նախատեսված չի եղել օրիգինալ սցենարում։ Ալեքս Պինան գրել է սցենարը և հասկացել, որ թիմում կա միայն մեկ կին կերպար՝ Տոկիոն։ Ֆլորեսը նախկինում նկարահանվել է Պինայի «Դեմ առ դեմ» հեռուստասերիալում։ Պինան զանգահարել է նրան և հարցրել, արդյոք Ալբան չի ուզում նկարահանվել իր նոր սերիալում և առաջարկել ուղարկել սցենարի առաջին երկու սերիաների սցենարը։ Պինան ասել է. «Եթե դա քեզ դուր է գալիս, ես կարող եմ քեզ համար դեր գրել»։ Եվ այսպես, ծնվել է Նայրոբին[9]։
Ծանոթագրություններ[խմբագրել | խմբագրել կոդը]
- ↑ 1,0 1,1 «PERSONAJES 'LA CASA DE PAPEL' - LOS ATRACADORES - Alba Flores es Nairobi» (իսպաներեն). antena3.com. Վերցված է 2020 թ․ ապրիլի 15-ին.
- ↑ «Nairobi hace funcionar el plan a toda máquina: "Alegría, fiesta e ilusión"» (իսպաներեն). antena3.com. Վերցված է 2020 թ․ հունիսի 7-ին.
- ↑ «Money Heist:Why (Spoiler) Season 4 death was Controversial» (անգլերեն). Screenrant.com. Վերցված է 7June 2020-ին.
- ↑ «Los miedos de Alison Parker desaparecen gracias a Nairobi» (իսպաներեն). antena3.com. Վերցված է 2020 թ․ հունիսի 7-ին.
- ↑ «Nairobi toma las riendas del mayor atraco de la historia: "Comienza el matriarcado"» (իսպաներեն). antena3.com. Վերցված է 2020 թ․ հունիսի 7-ին.
- ↑ «"Money Heist" Season 3, Breaking down that Ending, D-Day and what happened to Nairobi» (անգլերեն). Decider.com. Վերցված է 2020 թ․ հունիսի 7-ին.
- ↑ «Money Heist Season 4. Did Nairobi survive? Character's fate finally revealed» (անգլերեն). express.co.uk. Վերցված է 2020 թ․ հունիսի 7-ին.
- ↑ «La Casa de Papel/Money Heist Season 4 Ended on a Major Cliffhanger» (անգլերեն). oprahmag.com. Վերցված է 2020 թ․ հունիսի 7-ին.
- ↑ «Alba Flores reveals La Casa de Papel/Money Heist creator wrote Nairobi's role for her» (անգլերեն). oprahmag.com. Վերցված է 2020 թ․ հունիսի 7-ին.