Նախապատմական Սանտորինիի թանգարան

Վիքիպեդիայից՝ ազատ հանրագիտարանից
Jump to navigation Jump to search
Նախապատմական Սանտորինիի թանգարան
Prähistorisches Museum Thira 01.jpg
Տեսակհնաբանական թանգարան
ԵրկիրՀունաստան
ՏեղագրությունՀունաստան Հունաստան, Կիկլադյան կղզիներ, Սանտորինի
ՎայրՍանտորինի և Թիրա
Ժանրպատմության թանգարան
Հիմնադրված է2000 թվական
Կոորդինատներ: 36°24′53″ հս․ լ. 25°26′28″ ավ. ե. / 36.41472° հս․. լ. 25.44111° ավ. ե. / 36.41472; 25.44111
Կայքodysseus.culture.gr/h/1/eh151.jsp?obj_id=3325

Նախապատմական Սանտորինիի թանգարան (հուն․՝ Μουσείο Προϊστορικής Θήρας), հնագիտական թանգարան, որը գտնվում է Հունաստանի Սանտորինի կղզում:

Այն կառուցվել է նախկին Իպապանտի եկեղեցու տեղում, որն ավերվել էր 1956 թվականի ավերիչ երկրաշարժի հետևանքով: Թանգարանում ներառված են Թիրա կամ Սանտորինի կղզու տարածքից հայտնաբերված հնագիտական օբյեկտները:

Սանտորինիում առաջին պեղումները կատարվել են դեռևս 1867 թվականին՝ ֆրանսիացի երկրաբան և հնագետ պարոն Ֆոուքիեի գլխավորությամբ: 1895-1900 թվականներին այստեղ պեղումներ են կատարել գերմանացի հնագետ Ֆրիդրիխ Հիլլեր ֆոն Գաերտրինգենի արշավախումնը, ովքեր հայտնաբերել են, որ մարդն այստեղ բնակություն է հաստատել դեռևս վաղ ժամանակներից:

Նրանք ապացուցել են, որ մ.թ.ա. 9-րդ դարում կղզին եղել է Սպարտայի տիրապետության տակ: Ավելի ուշ կղզում հետազոտություններ են կատարել նաև Աթենքի գերմանական հնագիտական ինստիտուտի երկրաբանները:

Վերջին ժամանակներումս Սանտորինիի Ակրոտիրի գյուղում հետազոտություններ են կատարվել Աթենքի հնագիտական կազմակերպության կողմից:

Ցուցադրություն[խմբագրել | խմբագրել կոդը]

Թանգարանն ընդգրկում է կղզու պատմությանը սկսած ուշ նեոլիթյան ժամանակաշրջանից մինչև կիկլադյան ժամանակահատված: Ակրոտիրիի պատմության սկիզբը կարելի է համարել մ.թ.ա. 3300 թվականը, սակայն մեզ հայտնի է, որ քաղաքը հատկապես ծաղկում ապրեց ուշ կիկլադյան ժամանակահատվածում՝ մ.թ.ա. 17-րդ դարում:

Այս շրջանից պահպանված արտեֆակտները հիմնականում պատկերազարդ են: Այդ հավաքածուն ներառում է կերամիկական իրեր, քանդակներ, ոսկերչական, որմնանկարչական և ծիսական իրեր: Ամենայն մանրամասությամբ ներկայացված է պատի գեղանկարչության մոնումենտալ արվեստը:

Թանգարանում ցուցադրվում է նորքարեդարյան խեցեղեն: Ակրոտիրիի տարածքից հայտնաբերված կերամիկական կուժը թվագրվում է մինչև մ.թ.ա. 1700 թվական:

Մեզ հասած թանգարանային նմուշները վկայում են, որ դեռևս հնագույն ժամանակներց Հունաստանում զարգացած է եղել սափորանկարչությունը: Սանտորինիում հայտնաբերված շատ սափորների վրա պատկերված էին թռչուններ, որոնք աստվածացվում էին կղզում:

Կիկլադյան շրջանից մեզ են հասել նաև տարբեր տեսակի մետաղական արտեֆակտներ:

Պատկերասրահ[խմբագրել | խմբագրել կոդը]

Տե՛ս նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]