Մոստարի համալսարան
Մոստարի համալսարան | |
|---|---|
 | |
| Տեսակ | համալսարան |
| Հիմնադրված է | փետրվարի 11, 1977 |
| Ընդհանուր անձնակազմ | 1002 մարդ |
| Անդամակցություն | Եվրոպայի համալսարանների միություն[1] և Ֆրանկոֆոնիայի համալսարանական գործակալություն[2] |
| Երկիր |  Բոսնիա և Հերցեգովինա |
| Տեղագրություն | Մոստար |
| Կայք | sum.ba |
  Մոստարի համալսարան, Բոսնիա և Հերցեգովինա | |
Մոստարի համալսարան (խորվ.՝ Sveučilište u Mostaru, լատ.՝ Universitas Studiorum Mostariensis), Բոսնիա և Հերցեգովինայի Մոստար քաղաքի համալսարանը, գտնվում է Ռոնդոյի տարածքում։ Այն միակ համալսարանն է երկրում, որտեղ ուսուցումը լիովին իրականացվում է Խորվաթիայի լեզվով։
Մոստարի համալսարանի արմատները ծագում են 1895 թվականին, երբ ստեղծվել է Ֆրանցիսկյան աստվածաբանական դպրոցը[3]։ 1950 թվականին Մոսարում սկսել է աշխատել բարձրագույն ուսումնական դպրոցը, ապա 1959 թվականին ստեղծվել է բարձրագույն տեխնիկական դպրոց, իսկ 1960 թվականին՝ բարձրագույն գյուղատնտեսական դպրոցը։
Համալսարանը հիմնադրվել է Մոստարում 1977 թվականի փետրվարի 11-ին։ Ի սկզբանե կրում էր Ջեմալ Բիեդիչի՝ բոսնիացի հարավսլավացի պետական գործչի անունը, որը զոհվել էր 1977 թվականին ավիավթարում։ Հիմնադրման պահին համալսարանում եղել են 4 ֆակուլտետներ, 1 քոլեջ և 2 ինստիտուտներ։ 1977/1978 ուսումնական տարում համալսարանում ուսանել է 5016 ուսանող[4]։
1992 թվականին Բոսնիական պատերազմի ժամանակ համալսարանը ստացել է ներկայիս անվանումը, իսկ նրա պաշտոնական լեզուն խորվաթերենն է։ Համալսարանից հեռացած մուսուլման պրոֆեսորները 1993 թվականին Մոստարում հիմնել են նոր ուսումնական հաստատություն, որը ստացել է հին անվանում՝ Ջեմալ Բիեդիչի համալսարանը։ Այն գտնվում էր նախկին հարավսլավական բանակային զորանոցներում։
Համալսարանում սովորում է շուրջ 14 000 ուսանող, որոնցից մոտ 17%-ը Խորվաթիայից[5]։ Աշխատում է մոտ 1000 աշխատակից։ Համալսարանն ունի տասը ֆակուլտետներ, արվեստի ակադեմիա, ութ ինստիտուտներ և ուսանողական կենտրոն։ Բակալավրի և մագիստրատուրայի ուսումնական ծրագրերը համապատասխանում են Բոլոնիայի կանոններին[6]։ Համալսարանի ռեկտորը Լերկա Օստոիչն է[7]։ Համալսարանը գտնվում է Մեծ Խորվաթիայի շուկայի հրապարակում, 1[8]։ Համալսարանի կնիքի վրա պատկերված է Ֆրանցիսկյան վանքի շենքը։
Ծանոթագրություններ[խմբագրել | խմբագրել կոդը]
- ↑ https://eua.eu/about/member-directory.html
- ↑ https://www.auf.org/les_membres/nos-membres/
- ↑ «International Summer School - Sveučilište u Mostaru»։ Արխիվացված է օրիգինալից 2017-10-24-ին։ Վերցված է 2019-04-05
- ↑ Enciklopedija Jugoslavije: Bje-Crn. Jugoslavenski Leksikografski Zavod, 1980
- ↑ Gudelj Jurica (օգոստոսի 4, 2014)։ «Nova akademska godina: U Mostaru više od 21.000 studenata»։ Oslobođenje (խորվաթերեն)։ Վերցված է դեկտեմբերի 16, 2014
- ↑ «Sveučilišta u Mostaru: O nama»։ Արխիվացված է օրիգինալից 2017-06-06-ին։ Վերցված է 2019-04-05
- ↑ Sveučilišta u Mostaru: Rektorat Archived 2015-04-02 at the Wayback Machine., abgerufen am 2. April 2015
- ↑ «Договоры и соглашения ОмГУПСа с зарубежными вузами»։ Արխիվացված է օրիգինալից 2017-07-22-ին։ Վերցված է 2019-04-05
Արտաքին հղումներ[խմբագրել | խմբագրել կոդը]
- Официальный сайт Archived 2014-02-16 at the Wayback Machine.