Մոխրագույն բադ

Վիքիպեդիայից՝ ազատ հանրագիտարանից
Jump to navigation Jump to search
Մոխրագույն բադ
Մոխրագույն բադ
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Ընտանիք Բադեր
Լատիներեն անվանում
Anas strepera
Արեալ
պատկեր

Wikispecies-logo.svg
Դասակարգումը
Վիքիցեղերում

Commons-logo.svg
Պատկերների որոնում
Վիքիպահեստում




Mareca strepera

Մոխրագույն բադ, բադերի ընտանիքի ջրլող թռչուն։ Նստակյաց է, քիչ տարածված։

Կառուցվածք[խմբագրել | խմբագրել կոդը]

Մարմնի երկարությունը՝ 46-56 սմ է, թևերի բացվածքը՝ 84-95 սմ, կենդանի զանգվածը՝ 650-900 գ։ Արուի փետրածածկը մոխրագույն է, կրծքի ստորին մասը և փորը՝ սպիտակ, վերնապոչը և ներքնապոչը՝ սև։ Էգը դարչնագույն-մոխրագույն է՝ խայտավոր, գլուխը՝ ավելի բաց գույնի, կտուցի կողքերը՝ նարնջագույն։ Հանգստի պահին ու թռչելիս տեսանելի է և՝ էգի և՝ արուի սպիտակ փետրահայելին։

Կենսակերպ[խմբագրել | խմբագրել կոդը]

Մոխրագույն բադերը սովորաբար հանդիպում են առանձին զույգերով և փոքր ու մեծ երամներով (60-300 թռչուն)։ Բնակվում է լճակներում, ճահճուտներում, ծանծաղ գետերում, թաց մարգագետիններում։

Սննդառություն[խմբագրել | խմբագրել կոդը]

Սնվում է բույսերով։

Բազմացում[խմբագրել | խմբագրել կոդը]

Բնադրազույգերը կազմվում են մայիսի սկզբից։ Բույնը ոչ խորը փոսիկ է՝ խոտաբույսերից։ Բնադրում է գետնին, ջրին մոտ, առանձին դեպքերում՝ ջրափից քիչ հեռու՝ խիտ խոտերի մեջ։ Ձվերը բներում հայտնվում են մայիսի կես-հունիսին։ Դնում է 55 մմ տրամագծով, դեղնավուն-սպիտակ 8-12 ձու։ Թխսակալում է էգը՝ 27-28 օր։ Ձագերը բնում հայտնվում են հունիսի 2-րդ տասնօրյակ-հուլիսին։ Սևանա լճի մակարդակի նվազման և Գիլլի լճի չորացման հետևանքով ողջ ավազանի տարածքում բնադրող խոշոր համակեցություններն անհետացել են, մասամբ էլ տեղափոխվել Արարատյան դաշտի լճերն ու լճակները։

Գրանցված է Հայաստանի Կարմիր գրքում։

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png