Միքայել Մանուչարյան

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Մանուչարյան (այլ կիրառումներ)
Միքայել Մանուչարյան
Ծնվել է1885
ԾննդավայրԱրծվանիկ, Սյունիքի մարզ, Հայաստան
Մահացել է1963
Ազգությունհայ
Մասնագիտությունհեղափոխական
Քաղաքական կուսակցությունԽՄԿԿ

Միքայել Ծատուրի Մանուչարյան, (Մանուչարով) Միքայել (1885, գյուղ Արծվանիկ (այժմ՝ Ղափանի շրջանում) - 1963, Բաքու), բանվոր-հեղափոխական։ ԽՄԿԿ անդամ 1905 թվականից։

Հեղափոխական գործունեությունն սկսել է Բաքվի նավթարդյունաբերողների մեխանիկական արհեստանոցներում։ 1909 թվականին ձերբակալվել է և 4 տարով աքսորվել Ղափանի պղնձահանքերը։ 1914-1919 թվականներին գործուն մասնակցություն է ցուցաբերել Բաքվի պրոլետարիատի հեղափոխական շարժմանը։ Եղել է Ստեփանոս Շահումյանի կազմակերպած մարտական դրուժինայի շարքերում, ընտրվել բանվորների և զինվորների Բաքվի խորհրդի անդամ։ Նշանակվել է Բաքվի կոմունայի արտակարգ հանձնաժողովի օպերատիվ մասի պետ։ Կոմունայի պարտությունից հետո տեղափոխվել է Աստրախան։ Աշխատել է 11-րդ և 12-րդ կարմիր բանակների հատուկ բաժիններում։ 1919 թվականին ընդգրկվել է Կամոյի մարտական ջոկատի կազմում։ Անդրկովկասում խորհրդային կարգեր հաստատվելուց հետո՝ 1921-1925 թվականներին, տնտեսական աշխատանք է կատարել Բաքվում։ 1925 թվականին տեղափոխվել է Հայաստան, նշանակվել Ղափանի պղնձաձուլական գործարանի և հանքերի շահագործման տնօրենի տեղակալ (1925-1928)։ 1928-1936 թվականներին վերստին աշխատել է Բաքվում՝ եղել է ԱԿ (բ) կ Կենտկոմի, ԱԽՍՀ Կենտգործկոմի, ԱԿ (բ) կ և ԱԽՖՍՀ կենտրոնական վերստուգիչ հանձնաժողովների անդամ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 256 CC-BY-SA-icon-80x15.png