Միսակ Արամյան

Վիքիպեդիայից՝ ազատ հանրագիտարանից
Jump to navigation Jump to search
Միսակ Արամյան
Ծնվել է1845
ԾննդավայրՍտամբուլ, Օսմանյան կայսրություն
Մահացել է1909
Ազգությունհայ

Միսակ Արամյան (1845 - 1909), հայ մշակութային գործիչ, արևելահայ թատրոնի սկզբնավորողներից։

Ծնվել է Կ. Պոլսում։ Մատթեոս կաթողիկոսը նրան փոքր հասակից բերել է Թիֆլիս և հանձնել Ներսիսյան դպրոցը, որտեղ ստացել է կրթությունը։ Այստեղ դպրոցական ընկերների հետ կազմակերպել է «Մեծն Ներսես» պիեսի ներկայացումը, որին մասնակցել է և ինքը որպես դերակատար։

Դպրոցն ավարտելուց հետո հետևել է բժշկության, շարունակելով մասնակցել հայ հասարակական կյանքին։ 1887 թվականին Թիֆլիսում լույս է տեսել նրա «Սալյանից Էջմիածին» գիրքը, որը նախօրոք տպագրվել է «Նոր Դարում»։ 1891 թվականին Մոսկվայում հրատարակել է «Եկեղեցական նշմարները» բանավիճային աշխատությունը, ուղղված Արիստակես Սեդրակյանի «Ամուսնական խնդիրներ» գրքի դեմ։ Աշխատակցել է «Կռունկ», «Նոր Դար» և այլ պարբերականների՝ գերազանցապես ազգային ընթացիկ հարցերին նվիրված հոդվածներով[1]:

Աղբյուրներ[խմբագրել | խմբագրել կոդը]

  1. Գառնիկ Ստեփանյան (1973)։ Կենսագրական բառարան, հատոր Ա։ Երևան: «Հայաստան»։ էջ էջ 140