Մերի Հեյլի Բել

Մերի Հեյլի Բել; անգլ.՝ Mary Hayley Bell
Ծնվել է	հունվարի 22, 1911
Ծննդավայր	Շանհայ, Սոնցզյան
Մահացել է	դեկտեմբերի 1, 2005 (94 տարեկան)
Մահվան վայր	Բաքինհեմշիր, Հարավարևելյան Անգլիա, Անգլիա, Միացյալ Թագավորություն
Քաղաքացիություն	Միացյալ Թագավորություն
Մայրենի լեզու	բրիտանական անգլերեն
Կրթություն	Դրամատիկական արվեստի թագավորական ակադեմիա (1933)
Մասնագիտություն	գրող, վիպասան, սցենարիստ, դրամատուրգ, թատրոնի դերասանուհի և կինոդերասանուհի
Ամուսին	Ջոն Միլս
Ծնողներ	հայր՝ Francis Hayley Bell?, մայր՝ Agnes Ellen Bell?
Երեխաներ	Հայլի Միլս և Juliet Mills?

Մերի Հեյլի Բելլ (անգլ.՝ Mary Hayley Bell, Lady Mills ; հունվարի 22, 1911(1911-01-22)^[1]^[2], Շանհայ, Սոնցզյան - դեկտեմբերի 1, 2005(2005-12-01)^[3]^[1]^[2], Բաքինհեմշիր, Հարավարևելյան Անգլիա, Անգլիա, Միացյալ Թագավորություն ) անգլիացի դերասանուհի, գրող և դրամատուրգ ։ Դերասան Ջոն Միլսի կինը, դերասանուհիներ Հեյլի Միլսի և Ջուլիետ Միլսի մայրը։

Կենսագրություն[խմբագրել | խմբագրել կոդը]

Մերի Հեյլի Բելը ծնվել է Շանհայում, որտեղ Չինաստանի հարկային ծառայությունում աշխատում էր նրա հայրը։ Հետագայում Բելերի ընտանիքը տեղափոխվել է Տյանցզին, որտեղ էլ Մերին առաջին անգամ հանդիպել է իր ապագա ամուսնուն՝ Ջոն Միլսին, ով հյուրախաղերի էր եկել Չինաստան։ Նրանց երկրորդ հանդիպումը տեղի է ունեցել 1939 թվականին Ուեսթ Էնդի թատրոններից մեկում, որտեղ Մերին խաղում էր կատակերգական մի բեմադրությունում։

Ջոն Միլսը և Մերի Հեյլի Բելը ամուսնացել են 1941 թվականի հունվարի 16-ին Լոնդոնում։ Ամուսնությունը ձգվել է 64 տարի՝ մինչև Ջոն Միլսի մահը, որը տեղի է ունեցել 2005 թվականին ։ Այս ամուսնությունից ծնվել են երեք երեխա՝ Ջուլիետ Միլսը (ծնված 1941թ.), Հեյլի Միլսը (ծնված 1946թ.) և Ջոնաթան Միլսը (ծնված 1949թ.): Մերի Հեյլի երկու դուստրերն էլ դարձել են հայտնի դերասանուհիներ, իսկ որդին՝ Քրիսպիան Միլսը, դարձել է Kula Shaker երաժշտախմբի ղեկավարը, ճանաչված երգիչ ու երաժիշտ։

Կյանքի վերջին տարիներին լեդի Միլսը տառապում էր Ալցհեյմերի հիվանդությամբ և հաշմանդամի սայլակ էր օգտագործում։ Նա մահացել է 2005 թվականի դեկտեմբերի 1-ին՝ 94 տարեկան հասակում՝ ամուսնու մահից ութ ամիս անց։

Դերերը թատրոնում և կինոյում[խմբագրել | խմբագրել կոդը]

Մերի Հեյլի Բելն առաջին անգամ Բրոդվեյում հայտնվել է 1928 թվականի ապրիլի 9-ին Volpone կատակերգությունում։ 1935 թվականին խաղացել է Vintage Wine ֆիլմում, իսկ 1955 թվականին մարմնավորել է Միսս Ուինգեյթի կերպարը The Shrike (1955) ֆիլմում, որտեղ գլխավոր դերերում հանդես են եկել Խոսե Ֆերերը և Ջուն Էլիսոնը։ 1958 թվականին Մերի Հեյլին այդ նույն դերը խաղացել է բրոդվեյյան թատերական ներկայացման մեջ։

Գրական գործունեություն[խմբագրել | խմբագրել կոդը]

Մերի Հեյլի Բելը գրել է չորս պիես՝ «Men in Shadow» / «Տղամարդիկ ստվերում» (1942), «Duet for Two Hands» / «Դուետ երկու ձեռքի համար» (1945), «Angel» / «Հրեշտակ» (1947), «The Uninvited Guest» / «Անկոչ հյուրը» (1953)։ Նրա ամենահայտնի ստեղծագործությունը «Whistle Down the Wind» / «Քամու սուլիչ» (1961) վեպն է, որն առաջին իսկ հրատարակության տարում էկրանավորվել է։ Անգլիացի հայտնի կոմպոզիտոր Էնդրյու Լլոյդ Ուեբերը ֆիլմի հիման վրա 1996 թվականին ստեղծել է համանուն մյուզիքլը ։ 1968 թվականին Մերի Հեյլի Բելը հրատարակել է իր ինքնակենսագրությունը՝ «What Shall We Do Tomorrow?» / «Ի՞նչ անենք վաղը» խորագրով։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Broadway Database — 2000.
↑ ^2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 ^3,2 http://www.guardian.co.uk/obituaries/story/0,3604,1657611,00.html
↑ https://www.rada.ac.uk/profiles?aos=acting&yr=1933&fn=mary&sn=bell
↑ ^5,0 ^5,1 ^5,2 Geni(բազմ․) — 2006.

Գրականություն[խմբագրել | խմբագրել կոդը]

The Times (2005 թ․ դեկտեմբերի 3), «Mary Hayley Bell: Actress and author who supported her family in their careers and wrote the enchanting novel Whistle Down the Wind», The Times

Արտաքին հղումներ[խմբագրել | խմբագրել կոդը]

Mary Hayley Bell (англ.) на сайте Internet Movie Database
Mary Hayley Bell (англ.) на сайте Internet Broadway Database

[_3abfac290f32db62-1] 1,0 ^1,1 ^1,2 ^1,3 ^1,4 Internet Broadway Database — 2000.

[_73ee204a71594f7b-2] 2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_1622224e48d78df3-3] 3,0 ^3,1 ^3,2 http://www.guardian.co.uk/obituaries/story/0,3604,1657611,00.html

[_36d5e4c757cdb9e5-4] ttps://www.rada.ac.uk/profiles?aos=acting&yr=1933&fn=mary&sn=bell

[_0f1567bb53a786b9-5] 5,0 ^5,1 ^5,2 Geni(բազմ․) — 2006.

[1]

[2]

[3]

[4]

[5]