Մերալ Աքշեներ

Վիքիպեդիայից՝ ազատ հանրագիտարանից
Մերալ Աքշեներ
Meral Akşener, September 2021 (cropped).jpg
 
Կուսակցություն՝ True Path Party? (2001), Ազգայնական շարժման կուսակցություն (2016) և Լավ կուսակցություն[1]
Կրթություն՝ Ստամբուլի համալսարանի գրականության ֆակուլտետ, Մարմարա համալսարան և Ստամբուլի համալսարան
Մասնագիտություն՝ քաղաքական գործիչ
Դավանանք իսլամ
Ծննդյան օր հուլիսի 8, 1956(1956-07-08)[2] (66 տարեկան)
Ծննդավայր Իզմիթ, Թուրքիա[2]
Քաղաքացիություն Flag of Turkey.svg Թուրքիա
 
Կայք՝ meralaksener.com.tr

Մերալ Աքշեներ (թուրքերեն՝ Meral Akşener, հուլիսի 8, 1956(1956-07-08)[2], Իզմիթ, Թուրքիա[2]), թուրք քաղաքական գործիչ։ Եղել է Թուրքիայի ներքին գործերի նախարար, խորհրդարանի փոխխոսնակ։ 2016 թվականին Ազգայնական շարժման կուսակցության (MHP) շրջանակներում ընդդիմադիր խմբին առաջնորդել է կուսակցության ղեկավար Դևլեթ Բահչելիի դեմ։

Կենսագրություն[խմբագրել | խմբագրել կոդը]

Մերալ Աքշեները ծնվել է 1956 թվականի հուլիսի 8-ին Իզմիթում, Թահիր Օմերի և Սիդդիկայի ընտանիքում[3][4]։

Ստամբուլի համալսարանում ուսանել է պատմություն։ Գիտական աստիճան ստացել է Մարմարա համալսարանի Սոցիալական գիտությունների ինստիտուտից։ Նախքան քաղաքականությամբ զբաղվելը դասավանդել է Յիլդիզի տեխնիկական համալսարանում, Իզմիթի և Մարմարայի համալսարաններում[4]։

Քաղաքականություն[խմբագրել | խմբագրել կոդը]

Քաղաքականություն մտել է 1995 թվականի ընդհանուր ընտրությունների ժամանակ որպես Ստամբուլի մարզի պատգամավոր Ճշմարիտ ուղի կուսակցությունից (DYP)։ 1996 թվականի նոյեմբերի 8-ից մինչև 1997 թվականի հունիսի 30-ը եղել է Թուրքիայի ներքին գործերի նախարար՝ այդ պաշտոնում փոխարինելով Մեհմեթ Ագարին, որը հրաժարական էր ներկայացրել Սուսուրլուկյան սկանդալի արդյունքում[4]։

Աքշեները վերընտրվել է խորհրդարանում որպես Քոջայելիի մարզի պատգամավոր։ Ավելի ուշ վերընտրվել է 2007 և 2011 թվականների ընդհանուր ընտրությունների ժամանակ՝ որպես Ստամբուլի մարզի պատգամավոր Ազգայնական շարժման կուսակցությունից (MHP).[4]։

2007 թվականի օգոստոսի 10-ից մինչև 2015 թվականի հունիսի 7-ը Աքշեներն եղել է խորհրդարանի փոխխոսնակը[4]։

Ծանոթագրություններ[խմբագրել | խմբագրել կոդը]