Մեխակ Գրոսհայմի
Մեխակ Գրոսհայմի | |
Դասակարգում | |
Թագավորություն | Բույսեր (Plantae) |
Ենթատիպ | Սերմնավոր բույսեր (Spermatophytes) |
Կարգ | Մեխակածաղկավորներ (Caryophyllales) |
Ընտանիք | Մեխակազգիներ (Caryophyllaceae) |
Ենթաընտանիք | Մեխակայիններ (Caryophylloideae) |
Տրիբա | Caryophylleae |
Ցեղ | Մեխակ (Dianthus) |
Տեսակ | Մեխակ Գրոսհայմի (D. grossheimii) |
Միջազգային անվանում | |
Dianthus grossheimii | |
Կարգավիճակ | |
Հատուկ պահպանության կարգավիճակ՝ Վտանգված տեսակ |
Մեխակ Գրոսհայմի (լատին․՝ Dianthus grossheimii), մեխակազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
20-40 սմ բարձրությամբ բազմամյա բույս է։ Ունի 12-17 մմ երկարությամբ բաժակ։ Ծաղկաբույլերում ծաղիկները վահանիկանման են կամ միայնակ։ Ծաղկակից թփերը 4-6 (8) հատ են։ Պսակաթերթերը վարդագույն են, ծիրանագույն, անհավասար ու ատամնեզր, վերևում ունեն մազիկներ[1]։
Տարածվածություն[խմբագրել | խմբագրել կոդը]
Հայաստանում հանդիպում է Սևանի (Սևան, Արգիճի) և Դարեղեգիսի (Սելիմի լեռնանցք, Քարվանսարայի շրջակայք) ֆլորիստիկական շրջաններում[1]։
Էկոլոգիա[խմբագրել | խմբագրել կոդը]
Աճում է վերին լեռնային գոտում՝ ծովի մակարդակից 1800-2000 մ բարձրությունների վրա, քարքարոտ լանջերին, լեռնային տափաստանում և մարգագետնատափաստանում, մարգագետիններում։ Ծաղկում է հուլիս ամսին, պտղաբերում՝ օգոստոսին[1]։
Պահպանություն[խմբագրել | խմբագրել կոդը]
Վտանգված տեսակ է։ Հայաստանի էնդեմիկ է։ Տարածման և բնակության շրջանների մակերեսը 500 կմ²-ից պակաս է։ Տեսակին պայմանների փոփոխություն գյուղատնտեսական հանդակների և ռեկրեցիայի ինտենսիվացման պատճառով սպառնում է աճելավայրերի կրճատման վտանգ ։ Կարմիր գրքի առաջին հրատարակությամ մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։
Պոպուլյացիայի մի մասը պահպանվում է «Սևան» ազգային պարկի տարածքում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Մեխակ Գրոսհայմի» հոդվածին։ |
|
|