Մելիսա Փոնզիո (անգլ.՝ Melissa Ponzio, օգոստոսի 3, 1972(1972-08-03), Նյու Յորք, Նյու Յորք, ԱՄՆ)՝ ամերիկացի դերասանուհի։ Փոնզիոն ծնվել է Նյու Յորքում և սովորել է Ջորջիա նահանգի համալսարանում։ Փոնզիոն առավել հայտնի է շնորհիվ «Army Wives» (2007-2009) և «Պատանի գայլը» (MTV, սկսած 2011 թվականից) հեռուստասերիալներում կատարած երկրորդական դերերի։ «Պատանի գայլը» հեռուստասերալում նա խաղում է գլխավոր հերոսի մոր դերը[1]։ 2013 թվականին Փոնզիոն կատարել է Կարենի դերը «Քայլող մեռյալները» հեռուստասերիալի 3-րդ և 4-րդ եթերաշրջաններում[2][3]։ 2014 թվականին նա միացավ «Chicago Fire» հեռուոստասերիալին, որտեղ խաղում է Դոննա Ռոմինսի դերը։