Մելիսանտի
| Ծնվել է | ապրիլի 7, 1907 |
|---|---|
| Վախճանվել է | նոյեմբերի 9, 1991 (84 տարեկան) |
| Մասնագիտություն | բանաստեղծուհի, լրագրող, գրող և ուսուցչուհի |
| Քաղաքացիություն |  Հունաստան |
| Պարգևներ | |
Մելիսանտի (հունարեն՝ Μελισσάνθη, իսկական անուն-ազգանունը՝ Էվա Կուգիա-Սկանդալակի հուն․՝ Ήβη Κούγια - Σκανδαλάκη, ապրիլի 7, 1907 - նոյեմբերի 9, 1991[1]), 20-րդ դարի հույն բանաստեղծուհի, թատերագիր, մանկավարժ, թարգմանչուհի[2]։
Կենսագրություն
[խմբագրել | խմբագրել կոդը]Էվա Կուգիան ծնվել ու մեծացել է Հունաստանի մայրաքաղաք Աթենքում։ Մանուկ հասակից երաժշտության, նկարչության, բալետի, դասական պարերի դասեր է առել։ 1923-1924 թվականներին Շվեյցարիայի առողջարաններից մեկում բուժվել է տուբերկուլյոզից[1]։
Ֆրանսերեն, անգլերեն ու գերմաներեն է սովորել և ֆրանսիական գրականություն ուսումնասիրել Աթենքի ֆրանսիական ինստիտուտում և Abendschule-ում[3], ապա դասավանդել է Հունաստանի մայրաքաղաքի միջնակարգ դպրոցներում։ Միաժամանակ թերթերում ու գրական ամսագրերում հանդես է եկել քննադատական հոդվածներով ու թղթակցություններով։ Իր ուժերը փորձել է նաև քնարերգության ասպարեզում և 1930 թվականին Մելիսանտի գրական կեղծանունով լույս է ընծայել իր առաջին բանաստեղծական ժողովածուն։ 1932 թվականին ամուսնացել է փաստաբան և քաղաքական գործիչ Յանիս Սկանդալակիսի (հուն․՝ Ιωάννη Σκανδαλάκη) հետ։
Մահացել է 1991 թվականին (ըստ որոշ աղբյուրների՝ 1990 թվականին)[3]։
Ստեղծագործություններ
[խմբագրել | խմբագրել կոդը]Phōnes entomou («Միջատների ձայները») խորագիրը կրող բանաստեղծական առաջին ժողովածուին հաջորդել են ևս տասը ժողովածուներ; 1976 թվականին լույս է տեսել նաև նրա քնարերգության հատընտիրը՝ Ta poiimata tis Melissanthis 1930-1974 («Մելիսանտիի տաղերը») խորագրով։ Տաղանդավոր կին գրողը հեղինակել է նաև O mikros adhelfos («Փոքրիկ եղբայրը») թատերգությունը, որն արժանացել է «Սիկիարիդիո» մրցանակի։ Մելիսանտիի վաղ շրջանի գեղարվեստական ստեղծագործություններում արծարծվում են հավատին, դավանանքին առնչվող, կրոնական թեմաներ։ Ուշ շրջանի երկերում իրեն զգացնել է տալիս էքզիստենցիալիզմը[3]։
- Երկերի ընտրանի[1]
- Phōnes entomou («Միջատների ձայները») (1930)
- Profiteies («Մարգարեություններ») (1931, 1940) (Ի դեպ, անվանի բանաստեղծ Միլտիադիս Մալակասիսն այս ժողովածուն բնորոշել է որպես «բանաստեղծական ֆենոմեն, որը մոտենում է հրաշքի»)։
- O gyrismos tou asotou («Անառակի վերադարձը») (1935)[4]
- Lyriki Exomologisi («Քնարական խոստովանություններ») (1945)[5]
- Anthropino Schima («Մարդու նման») (1961)[6]
- To fragma tis Siopis («Լռության պատնեշը») (1965)[7]
- Ta poiimata tis Melissanthis 1930-1974 («Մելիսանտիի տաղերը») (1976)
Թատերգություն
[խմբագրել | խմբագրել կոդը]- Ο μικρός αδελφός («Փոքրիկ եղբայրը», 1960, մանկական թատրոնում իրականացված բեմականացումն արժանացել է Սկիարիդիո մրցանակի)
Այս ամենից զատ՝ Մելիսանտին հունարեն է թարգմանել արտասահմանյան անվանի բանաստեղծների, այդ թվում՝ Ռոբերտ Ֆրոսթի, Էմիլի Դիքինսոնի[1], Ռայներ Մարիա Ռիլկե մի շարք ստեղծագործություններ[3]։
Մրցանակներ, պարգևներ
[խմբագրել | խմբագրել կոդը]- Աթենքի ակադեմիայի մրցանակ (1936) O gyrismos tou asotou ժողովածուի համար[8]
- «Պալամաս» պատվավոր պարգև (1945) Exomologisi ժողովածուի համար[9][10]
- Պետական 2-րդ կարգի մրցանակ պոեզիայի համար (1965)
- «Վաստակի համար» ոսկե շքանշան և Ոսկե խաչ (1965)[1]
- Պետական 1-ին կարգի մրցանակ պոեզիայի համար (1976 թ.)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Wilson, Katharina M (1991). An Encyclopedia of Continental Women Writers. Vol. Volume 1. էջեր 815–16. ISBN 0824085477.
{{cite book}}:|volume=has extra text (օգնություն) - ↑ Women in World History: A Biographical Encyclopedia. Արխիվացված է օրիգինալից 2015 թ․ ապրիլի 2-ին.
- ↑ 3,0 3,1 3,2 3,3 Merry, Bruce (2004). Encyclopedia of Modern Greek Literature. էջ 269. ISBN 0313308136.
- ↑ Google knihy - Návrat k rozmarnosti
- ↑ Google knihy Lyrické vyznania
- ↑ Google knihy Ľudský tvar
- ↑ Google knihy Bariéra ticha
- ↑ Βιογραφικό Κούγια - Δασκαλάκη Արխիվացված 2020-02-10 Wayback Machine, από την ιστοσελίδα του ekebi.org
- ↑ Parker, Alan; Willhardt, Mark (2005). Who's Who in Twentieth Century World Poetry. էջ 216. ISBN 1134713762.
- ↑ Google books Lyrické priznanie
Աղբյուրներ
[խմբագրել | խմբագրել կոդը]- Το ομώνυμο λήμμα στη Νέα Ελληνική Εγκυκλοπαίδεια «Χάρη Πάτση», τόμος 17, σελ. 534 (Հունական նոր հանրագիտարան, հատոր 17, էջ 534)
