Մաքսակետ (ֆիլմ)
 ռուս.՝ Таможня | |
|---|---|
| Երկիր |  ԽՍՀՄ |
| Ժանր | դետեկտիվ ֆիլմ |
| Թվական | 1982 |
| Լեզու | ռուսերեն |
| Ռեժիսոր | Ալեքսանդր Մուրատով |
| Սցենարի հեղինակ | Volodymyr Mazur? |
| Դերակատարներ | Միխայիլ Բոյարսկի, Վալենտին Գաֆտ և Վադիմ Յակովլև |
| Օպերատոր | Վլադիմիր Վասիլև |
| Կինոընկերություն | Լենֆիլմ |
| Տևողություն | 78 րոպե |
«Մաքսակետ» (ռուս.՝ «Таможня»), 1982 թվականի խորհրդային լիամետրաժ գունավոր գեղարվեստական կինոնկար, որը բեմադրել է ռեժիսոր Ալեքսանդր Մուրատովը «Լենֆիլմ» կինոստուդիայում[1]։
Ֆիլմի պրեմիերան ԽՍՀՄ-ում տեղի է ունեցել 1982 թվականի նոյեմբերի 9-ին։
Սյուժե[խմբագրել | խմբագրել կոդը]
Նավով ոսկե մետաղադրամներ տեղափոխող (գրպաններով հատուկ գոտում) մաքսանենգը (Վադիմ Յակովլև) գաղտնի բեռը տեսած մոտորիստին նետում է ջուրը։ Լենինգրադի նավահանգստում սկսնակ մաքսավորն (Միխայիլ Բոյարսկի) ուղարկվում է այդ նավի զննմանը։ Նավի բժիշկը (Վլադիմիր Երյոմին), որը մաքսավորի դպրոցական ընկերն է, մաքսակետն անցնում է առանց ստուգման, ինչից էլ օգտվում է մաքսանենգը՝ նրա պայուսակի մեջ դնելով մետաղադրամներով գոտին։ Այնուհետև մաքսանենգը գնում է բժշկի մոտ, վերցնում գոտին և տալիս նրան 5 հազար ռուբլի։ Երիտասարդ բժիշկը դժգոհում է, իսկ ավելի ուշ գնում է մաքսանենգի ամառանոց, որտեղ սպանում է նրան։ Մաքսանենգի հանցակիցը որոշում է, որ մաքսակետի հետ կապված իրավիճակը խիստ լարված է, և առաջարկում է հերթական երթի ժամանակ ոչինչ չտանել։ Բայց մաքսանենգն իր ծրագիրն է իրականացնում․ նա որոշում է ամբողջ ոսկով փախչել արտասահման։ Երիտասարդ մաքսավորը, որոնելով իր ընկերոջը, դուրս է գալիս մաքսանենգի հետքի վրա և, ի վերջո, նավից դուրս գալու ժամանակ նրան զննելիս բացահայտում է հանցագործին։
Դերերում[խմբագրել | խմբագրել կոդը]
- Միխայիլ Բոյարսկի - Յուրի Խորունժև, սկսնակ մաքսավոր
- Վալենտին Գաֆտ - Վլադիմիր Նիկոլաևիչ Նիկիտին, փորձառու մաքսավոր, ստուգման խմբի ղեկավար
- Վադիմ Յակովլև - Նիկոլայ Դելկով, նավի մեխանիկ, մաքսանենգ
- Վլադիմիր Երյոմին - Վիտյա Մալիշև, նավի բժիշկ
- Տատյանա Տաշկովա - Նատալյա, Մալիշևի կինը
- Վալերի Զախարև - Պաշկա
- Յուրի Բաշկով - Եվսեյիչ
- Վիկտոր Իլիչով - Գրոմով, նավի մեխանիկ
- Իվան Կրասկո - Կոննիկով, բժշկական պահեստի ղեկավար, Դելկովի հանցակիցը
- Վյաչեսլավ Սորոկին - Պերով, մաքսային ծառայող
- Կոնստանտին Բուտաև - Սերապյան, սկսնակ մաքսավոր
դերերում`
- Հերբերտ Դմիտրիև - նավապետ
- Լյուբով Մալինովսկայա
- Պյոտր Շելոխոնով - մաքսատան պետ
Նկարահանող խումբ[խմբագրել | խմբագրել կոդը]
- Սցենարի հեղինակ` Վլադիմիր Մազուրը՝ Ի. Կոնստանտինովի մասնակցությամբ
- Բեմադրող ռեժիսոր՝ Ալեքսանդր Մուրատով
- Բեմադրող օպերատոր՝ Վլադիմիր Վասիլև
- Բեմադրող նկարիչ՝ Եվգենի Գուկով
- Կոմպոզիտոր` Ալեքսանդր Միխայլով
- Հնչյունային օպերատոր՝ Գալինա Գորբոնոսովա
- Մոնտաժող՝ Գյուլսյում Սուբաևա[2]
Ծանոթագրություններ[խմբագրել | խմբագրել կոդը]
- ↑ «Մաքսակետ» ֆիլմը kino-teatr.ru կայքում
- ↑ «Մաքսակետ» ֆիլմը kinopoisk.ru կայքում
Արտաքին հղումներ[խմբագրել | խմբագրել կոդը]
- ««Таможня»». Государственный регистр фильмов. Министерство культуры Российской Федерации. Վերցված է 2013 թ․ մայիսի 16-ին.(չաշխատող հղում)
- «Таможня» Аннотированный каталог фильмов киностудии «Ленфильм» 1918—2003.
- «Մաքսակետ» ֆիլմը «Энциклопедия отечественного кино» կայքում
|
