Մարտին Սարգսյան

Մարտին Սարգսյան
Ծնվել է	մարտի 3, 1958(1958-03-03) (65 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Մարտին Գրիգորի Սարգսյան (մարտի 3, 1958(1958-03-03), Երևան, Հայկական ԽՍՀ, ԽՍՀՄ), ՀՀ պետական և քաղաքական գործիչ, ՀՀ Կառավարությանն առընթեր Անշարժ գույքի կադաստրի պետական կոմիտեի նախկին նախագահ, ՀՀ Առևտրաարդյունաբերական պալատի նախկին նախագահ։

Կրթություն

• 1979 թ. ավարտել է ֆիզիկական կուլտուրայի հայկական պետական ինստիտուտը` մանկավարժի մասնագիտությամբ։
• 2003 թ. ավարտել է Երևանի ֆինանսաբանկային եւ բորսայական համալսարանը՝ տնտեսագետ-ֆինանսիստի մասնագիտությամբ։ Տնտեսական ոլորտի մի շարք հոդվածների հեղինակ։

Աշխատանքային գործունեությունը

• 1979-1982 թթ. - աշխատել է մանկավարժ Ապարանի դպրոցներում։
• 1982-1984 թթ. - ծառայել է խորհրդային բանակում։
• 1984-1990 թթ. - զբաղեցրել է տարբեր պաշտոններ Երևանի քաղաքային խորհրդի և Խորհրդային շրջանի շրջխորհրդի գործադիր կոմիտեներում։
• 1991-1995 թթ. - Շենգավիթի շրջխորհրդի պատգամավոր։
• 1993-1998 թթ. - ՀՀ թեթև արդյունաբերության նախարարության «Մոդելային կոշիկներ» ֆաբրիկայի գլխավոր տնօրեն, ապա` խորհրդի նախագահ։
• 1998 թ. ընտրվել, 2001 և 2004 թթ. վերընտրվել է Շենգավիթ համայնքի ղեկավարի պաշտոնում՝ պաշտոնավարելով մինչև 2007 թ.։
• 1999 թ. հիմնել է «Շենգավիթ» բարեգործական հիմնադրամը։
• 1999-2001 թթ. եղել է Եվրախորհրդի տեղական ինքնակառավարման պալատում ՀՀ ներկայացուցիչը։
• 2002 թ. հիմնադիր ժողովում ընտրվել, 2005 և 2006 թվականներին՝ վերընտրվել ՀՀ առևտրաարդյունաբերական պալատի նախագահի պաշտոնում։
• 2003-2004 թթ. եղել է ԱՊՀ երկրների ԱԱՊ ղեկավարների խորհրդի նախագահ, Համաշխարհային առևտրի պալատների ասոցիացիայի, Եվրապալատի, ԱՊՀ երկրների ԱԱՊ ղեկավարների, Սևծովյան ավազանի երկրների ԱԱՊ խորհուրդների անդամ։
• 2003 թվականից Հայաստանի Փոքր և միջին ձեռնարկատիրության զարգացման ազգային կենտրոնի հոգաբարձուների խորհրդի անդամ է։
• 2009 թ. - ԱՊՀ երկրների միջխորհրդարանական վեհաժողովի բյուջետային հանձնաժողովի անդամ։

Քաղաքական գործունեությունը

• 1998-1999 թթ. - ՀՀ Ազգային ժողովի առաջին գումարման պատգամավոր (թիվ 3 ընտրատարածք)։ ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի անդամ։ «Երկրապահ» պատգամավորական խմբի անդամ։ ՀՀԿ անդամ։
• 2007-2012 թթ. - ՀՀ Ազգային ժողովի չորրորդ գումարման պատգամավոր (համամասնական ընտրակարգ, ՀՀԿ)։ ՀՀ Ազգային ժողովի տնտեսական հարցերի մշտական հանձնաժողովի անդամ։
• 2012 թ. մայիսի 6-ին ՀՀ Ազգային ժողովի հինգերորդ գումարման պատգամավոր է ընտրվել համամասնական ընտրակարգով Հայաստանի Հանրապետական կուսակցությունից։
• 2014 թ. հունիսի 3-ին ՀՀ Նախագահի հրամանագրով նշանակվել է ՀՀ Կառավարությանն առընթեր Անշարժ գույքի կադաստրի պետական կոմիտեի նախագահ։
• Շենգավիթ համայնքի ՀՀԿ խորհրդի նախագահ է եղել։ ՀՀԿ խորհրդի անդամ է եղել։
• 2018 թ․-ից այլևս կուսակցական չէ։

Պարգևներ և կոչումներ

• ՀՀ պաշտպանության նախարարի շնորհակալագիր (1999 թ.),
• ՀՀ վարչապետի պարգև (2001 թ.),
• ՀՀ վարչապետի շնորհակալագիր (2005 թ.),
• ՀՀ վարչապետի հուշամեդալով (2006 թ.),
• Գարեգին Նժդեհի անվան ոսկե հուշամեդալ (2006 թ.),
• ԱՊՀ երկրների առևտրաարդյունաբերական պալատների ղեկավարների խորհրդի պատվոգիր(2006 թ.),
• ՌԴ տնտեսական զարգացման և առևտրի նախարար Գ. Գրեֆի պատվոգիր (2006 թ.),
• ՀՀ ԱԱՊ-ի «Մերկուրի» մրցանակ (2007 թ.),
• ՀՀ առևտրաարդյունաբերական պալատի ոսկե հուշամեդալ (2009 թ.),
• Բնության և հասարակության մասին գիտությունների միջազգային ակադեմիայի իսկական անդամ։
• Շենգավիթ համայնքի պատվավոր քաղաքացի (2006 թ.)։

Ամուսնացած է, ունի երկու զավակ։

Նախորդող

Շենգավիթ համայնքի ղեկավար Մարտին Սարգսյան 1998-2007 թթ.

Հաջորդող Սարգիս Հովհաննիսյան

Նախորդող Երվանդ Զախարյան

ՀՀ ԿԱ Անշարժ գույքի կադաստրի պետական կոմիտեի նախագահ Մարտին Սարգսյան 3 հունիսի 2014 -

Հաջորդող ներկայումս պաշտոնավարում է