Մարսելա Ագոնսիլո
| Մարսելա Ագոնսիլո | |
|---|---|
 | |
| Ծնվել է | հունիսի 24, 1859 |
| Ծննդավայր | Taal, Բատանգաս, Captaincy General of the Philippines, Նոր Իսպանիայի փոխարքայություն, Իսպանական կայսրություն, Իսպանիա |
| Մահացել է | մայիսի 30, 1946 (86 տարեկան) |
| Մահվան վայր | Մանիլա, Ֆիլիպիններ |
| Գերեզման | La Loma Cemetery |
| Քաղաքացիություն | .svg){kind=small} Ֆիլիպիններ |
| Մասնագիտություն | dressmaker |
| Ամուսին | Ֆելիպե Ագոնսիլյո |
| Երեխաներ | Լորենցա Ագոնչիլո |
 Marcela Agoncillo Վիքիպահեստում | |
Մարսելա Մարինո Ագոնսիլո (իսպ.՝ Marcela Agoncillo, հունիսի 24, 1859, Taal, Բատանգաս, Captaincy General of the Philippines, Նոր Իսպանիայի փոխարքայություն, Իսպանական կայսրություն, Իսպանիա - մայիսի 30, 1946, Մանիլա, Ֆիլիպիններ)[1][2][3], Ֆիլիպինների անկախության ազատամարտիկ, երկրի պատմության լեգենդար գործիչ, Ֆիլիպինների առաջին պաշտոնական դրոշի ստեղծող, հայտնի է նաև Ֆիլիպինների դրոշի մայր անվամբ։
Կենսագրություն[խմբագրել | խմբագրել կոդը]
Ծնվել է ունևորի ընտանիքում, մինչ 16 տարեկանը սովորել է աղջիկների գիշերօթիկ դպրոցում։ 30 տարեկանում ամուսնացել է փաստաբան Ֆելիպե Ագոնցիլոյի հետ, որը եղել է Ֆիլիպինների անկախության կողմնակից, հեղափոխական և հետագայում դարձել է առաջին ֆիլիպինցի դիվանագետը, որը 1895 թվականին ստիպված լքել էր երկիրը՝ Իսպանիայի գաղութատիրական վարչակարգը քննադատելու համար։ Սկզբնական շրջանում ապրել է Ճապոնիայում, այնուհետև ֆիլիպինցի այլ աքսորյալների հետ հաստատվել է Հոնկոնգում։ Մարսելան երեխաների հետ գտնվել է ամուսնու կողքին․ երբ նրա ամուսինը Ֆիլիպինների հեղափոխության բռնկման ժամանակ Հոնկոնգում էր, Մարսելան իր ընտանիքի անդամների հետ միացան նրան և ժամանակավորապես բնակություն հաստատեցին այնտեղ՝ Իսպանիան գրավելու հակաֆիլիպինյան ռազմական գործողություններից խուսափելու համար։
1898 թվականի մայիսին Մարսելան իր ավագ դստեր և զարմուհու հետ կարեց Ֆիլիպինների դրոշը։ Այդ հանձնարարությունը նա ստացել էր ապագա նախագահ էմիլիո Ագուինալդոյի կողմից։ 5 օր անց էմիլիո Ագուինալդոն դրոշը բարձրացրեց ռազմանավի վրա և վերադարձավ Ֆիլիպիններ։
1898 թվականի հունիսի 12-ին՝ Ֆիլիպինների անկախության հռչակման ժամանակ, դրոշը Կավիտեում բարձրացվեց Ֆիլիպինների առաջին նախագահ էմիլիո Ագուինալդոյի կողմից։
Այն բանից հետո, երբ 1898թվականին ԱՄՆ վերահսկողություն է սահմանել Ֆիլիպինների նկատմամբ, 1903 թվականին Մարսելան և իր ընտանիքը վերադարձել են հայրենիք՝ հպարտ իրենց կատարած աշխատանքով։ Չնայած աղքատությանը՝ ընտանիքը շարունակել է օգնել Մանիլայի թշվառ բնակիչներին։ Ճապոնացիների կողմից Ֆիլիպինների շրջափակման ժամանակ (1941—1944) Մարսելա Ագոնսիլոն նորից դարձել է հայրենասիրության, արիության և առատաձեռնության խորհրդանիշ։ Չնայած տարեց հասակի, տան և գույքի կորստի՝ պատվով տարել է շրջափակման ողջ դժվարությունները։
Դրոշը, որը ձեռքով կարել էր Մարսելան, շարունակում է մնալ Ֆիլիպինների Հանրապետության առաջին պաշտոնական դրոշը։
Ծանոթագրություններ[խմբագրել | խմբագրել կոդը]
- ↑ «Miriam College Library». Mc.edu.ph. Արխիվացված է օրիգինալից 2006 թ․ մայիսի 6-ին.
- ↑ Mercado, Monina A. (1977), Profiles in Achievement, Philippine Appliance Corp., էջ 58, Վերցված է 29 November 2007-ին
- ↑ Zaide, Gregorio F. (1968), The Philippine Revolution, Modern Book Company, էջեր 194–195
Գրականություն[խմբագրել | խմբագրել կոդը]
- Carlos Quirino, Who’s who in Philippine history, Tahanan Books, Manilla (1995)(անգլ.)