Մարկ Վիդուկա

Մարկ Վիդուկա; անգլ.՝ Mark Viduka
Անձնական տվյալներ
Ամբողջական անուն	Մարկ Էնտոնի Վիդուկա
Քաղաքացիությունը	Ավստրալիա
Մականուն	Վիդիկ
Ծննդյան ամսաթիվ	հոկտեմբերի 9, 1975 (49 տարեկան)
Ծննդավայր	Մելբուրն, Ավստրալիա
Հասակ	188 սմ
Քաշ	92 կգ
Դիրք	կենտրոնական հարձակվող
Ակումբային տեղեկություններ
Ներկա ակումբ	Կարիերան ավարտել է
Պատանեկան կարիերա
1992-1993	ԱՍԻ
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ օգոստոսի 14, 2009:; ‡ Ազգային հավաքականի խաղերն ու գոլերը ըստ հուլիսի 22, 2007

Մարկ Էնտոնի Վիդուկա (անգլ.՝ Mark Anthony Viduka, հոկտեմբերի 9, 1975(1975-10-09)^[1]^[2]^[3], Մելբուռն, Ավստրալիա), ավստրալիացի ֆուտբոլիստ, կենտրոնական հարձակվող։ 2006 թվականի աշխարհի առաջնությանը նա եղել է Ավստրալիայի հավաքականի ավագը։

Ակումբային կարիերա

Մելբուրն Նայթս

1993 թվականին Վիդուկան Մելբուրն Նայթս ակումբի կազմում սկսեց իր մասնագիտական կարիերա։ Նայթսի կազմում նա դարձավ Ֆուտբոլի Ազգային Լիգայի լավագույն ռմբարկու և երկու անգամ՝ 1993-1994 և 1994-1995 մրցաշրջաններում որպես ՖԱԼ լավագույն ֆուտբոլիստ՝ պարգևատրվեց Ջոնի Ուորենի մեդալով^[4]։ Մելբուրն Նայթսի կազմում 1994-1995 մրցաշրջանի ընթացքում Վիդուկան նվաճեց ՖԱԼ գավաթը։

Դինամո Զագրեբ

1995 թվականին, Վիդուկան տեղափոխվեց Խորվաթիա՝ խաղալու Խորվաթիա Զագրեբ ակումբում։ Նայթսի տնային մարզադաշտի տրիբունան ի պատիվ նրա՝ կոչվեց «Մարկ Վիդուկայի տրիբունա»։

Ակումբի հետ անցկացրեց 3,5 տարի, 1996-1998 թվականների ընթացքում օգնելով նրան նվաճել երեք Ոսկե Դուբլ։

Սելտիկ

Սելտիկը Վիդուկային գնեց 1998 թվականի դեկտեմբերին՝ 3,5 միլիոն եվրոյի դիմաց։ 1999 թվականի փետրվարի 27-ին նա իր նորամուտը նշեց ակումբի հիմնական կազմում՝ խաղալով Դանդի Յունայթեդի դեմ^[5], իսկ առաջին գոլը խփեց 1999 թվականի մարտի 8-ին, Շոտլանդիայի գավաթի խաղարկությունում, Մորտոն ակումբի դեմ խաղում^[6]։ 1999-2000 մրցաշրջանում Սելտիկ Պարկում խփած 27 գոլերից հետո նա դարձավ Շոտլանդիայի Պրեմիեր Լիգայի լավագույն ֆուտբոլիստ։

Լիդս Յունայթեդ

Լիդս Յունայթեդի գլխավոր մարզիչ Դավիդ Օ'Լիրին Վիդուկայի հետ պայմանագիր կնքեց 2000-2001 մրցաշրջանում՝ 6 միլիոն եվրոյի դիմաց։ Իր առաջին մրցաշրջանում Վիդուկան խփեց 22 գոլ, այդ թվում՝ Լիվերպուլի դեմ խաղում գրանցած պոկերը (3-4)։

2002-2003 մրցաշրջանում Վիդուկան նորից խփեց 22 գոլ, այդ թվում Չարլթոն Ատլետիկի (6-1) և Արսենալի (3-2) դեմ խաղերում գրանցած հեթ-թրիկները^[7]։

2004 թվականի ամռանը Լիդսի ֆինանսական վիճակով պայմանավորված՝ նա վաճառվեց Միդլսբրոյին։

Միդլսբրո

Միդլսբրոյում Վիդուկայի դեբյուտային մրցաշրջանը տպավորիչ էր, թեկուզ եղան վնասվածքներ։ 2005-2006 մրցաշրջանում Վիդուկան բոլոր մրցաշարերում գտնվում էր շատ լավ վիճակում։ Ակումբի համար նա կարևոր դեր էր խաղում նաև ՈՒԵՖԱ Գավաթի խաղարկությունում։ 2006 թվականի մայիսի 10-ին ՈՒԵՖԱ գավաթի եզրափակչում նրանք պարտվեցին իսպանական Սևիլյային։

2006-2007 մրցաշրջանում նա կրկին լավ խաղաց և խփեց 19 գոլ, ինչից հետո Վիդուկայով սկսեցին հետաքրքրվել շատ ակումբներ։ 2007 թվականի հունիսի 7-ին ազատ տրանսֆերով նա տեղափոխվեց Նյուքասլ^[8]։

Նյուքասլ Յունայթեդ

Նյուքասլում իր դեբյուտը նշեց օգոստոսի 11-ին, Պրեմիեր Լիգայի շրջանակներում, Բոլթոն Ուոնդերերսի դեմ խաղում։ Նոր թիմում իր առաջին գոլը խփեց օգոստոսի 26-ին՝ Միդլսբրոյի դարապսին։

Մունդիալ 2006

Մեծ մասամբ նրա լավ խաղի միջոցով Ավստրալիան դուրս եկավ Գերմանիայի ԱԱ 2006-ի փլեյ օֆֆ, 3-1 հաշվով հաղթելով ճապոնացիներին, 2-0 հաշվով պարտվելով Բրազիլիային և 2-2 խաղալով Խորվաթիայի հետ։ 1/8 եզրափակչում ավստրալիացիները իսպանացի մրցավար Լուիս Մեդինա Կանտալեխոյի՝ խաղավերջում նշանակած վիճահարույց 11-մետրանոցի պատճառով պարտվեցին առաջնության ապագա չեմպիոն Իտալիային։

Ձեռքբերումներ

Ակումբային

Մելբուրն Նայթս

Ֆուտբոլային Ազգային Լիգա (1)՝ 1994–95

Դինամո Զագրեբ

Խորվաթիայի առաջնություն (3)՝ 1995–96, 1996–97, 1997–98
Խորվաթիայի ֆուտբոլի գավաթ (3)՝ 1995–96, 1996–97, 1997–98

Սելտիկ

Շոտլանդիայի լիգայի գավաթ (1)՝ 1999–00

Միջազգային

Ավստրալիա (Մ-20)

ՕՖԿ Մ-20 մրցաշար՝ 1994

Անձնական

Օկեանայում տարվա ֆուտբոլիստ՝ 2000
ՇՊԼ լավագույն ֆուտբոլիստ՝ 2000
ՖԱԼ լավագույն ռմբարկու՝ 1993–1994, 1994–1995
ՖԱԼ տարվա երիտասարդ խաղացող՝ 1993–1994, 1994–1995
Ջոնի Ուորենի մեդալ՝ 1993–1994, 1994–1995
ՇՊԼ լավագույն ռմբարկու՝ 1999–2000
ԱՍԻ լավագույններից լավագույն^[9]՝ 2001
Ալեքս Տոբինի մեդալ՝ 2011

Անձնական կյանք

Վիդուկան և իր կինը՝ Իվանան ունեն երեք երեխա՝ Ջոսեֆ (2002 թվական), Լուկաս (2006 թվականի սեպտեմբեր) և Օլիվեր (2008 թվականի մայիս)։ Նրանք ապրում են Մելբուրնում^[10]։ Նրա հայրը՝ Ջոն, Խորվաթիայից է, ով Ավստրալիա է գաղթել 1960-ականներին^[11]։

Ծանոթագրություններ

↑ Transfermarkt.com(բազմ․) — 2000.
↑ FBref.com(բազմ․)
↑ Արգենտինական ֆուտբոլի տվյալների շտեմարան (իսպ.)
↑ Player Of The Year Awards – OzFootball, accessed 8 July 2006 Արխիվացված 27 Ապրիլ 2006 Wayback Machine
↑ «Celtic 2 Dundee United 1». Sporting Life. 1999 թ․ փետրվարի 27. Վերցված է 2010 թ․ օգոստոսի 21-ին.(չաշխատող հղում)
↑ McKinney, David (1999 թ․ մարտի 8). «Viduka goals send Celtic cruising through». London: The Independent. Վերցված է 2010 թ․ օգոստոսի 21-ին.
↑ «Leeds thrash Charlton». BBC News. 2003 թ․ ապրիլի 5.
↑ «Viduka makes switch to Newcastle». BBC Sport. bbc.co.uk. 2007 թ․ հունիսի 7. Վերցված է 2007 թ․ հունիսի 7-ին.
↑ «Australian Institute of Sport 'Best of the Best'». Արխիվացված է օրիգինալից 2012 թ․ մարտի 23-ին. Վերցված է 2016 թ․ հունիսի 5-ին.
↑ «Viduka leaving his mark». Herald Sun. News Limited. 2011 թ․ փետրվարի 5. Վերցված է 2012 թ․ հունիսի 3-ին.
↑ The Away Game by Matthew Hall, pag. 45

Արտաքին հղումներ

Վիքիպահեստն ունի նյութեր, որոնք վերաբերում են «Մարկ Վիդուկա» հոդվածին։

[_eae8d085a5c13fb4-1] Transfermarkt.com(բազմ․) — 2000.

[_87b85e5ec6a2459b-2] FBref.com(բազմ․)

[_398959f46de8ad55-3] Արգենտինական ֆուտբոլի տվյալների շտեմարան (իսպ.)

[4] Player Of The Year Awards – OzFootball, accessed 8 July 2006 Արխիվացված 27 Ապրիլ 2006 Wayback Machine

[5] «Celtic 2 Dundee United 1». Sporting Life. 1999 թ․ փետրվարի 27. Վերցված է 2010 թ․ օգոստոսի 21-ին.(չաշխատող հղում)

[6] McKinney, David (1999 թ․ մարտի 8). «Viduka goals send Celtic cruising through». London: The Independent. Վերցված է 2010 թ․ օգոստոսի 21-ին.

[7] «Leeds thrash Charlton». BBC News. 2003 թ․ ապրիլի 5.

[8] «Viduka makes switch to Newcastle». BBC Sport. bbc.co.uk. 2007 թ․ հունիսի 7. Վերցված է 2007 թ․ հունիսի 7-ին.

[9] «Australian Institute of Sport 'Best of the Best'». Արխիվացված է օրիգինալից 2012 թ․ մարտի 23-ին. Վերցված է 2016 թ․ հունիսի 5-ին.

[10] «Viduka leaving his mark». Herald Sun. News Limited. 2011 թ․ փետրվարի 5. Վերցված է 2012 թ․ հունիսի 3-ին.

[11] The Away Game by Matthew Hall, pag. 45

[1]

[2]

[3]

[4]

[5]

[6]

[7]

[8]

[9]

[10]

[11]