Մարիե Հյոգ

Վիքիպեդիայից՝ ազատ հանրագիտարանից
Jump to navigation Jump to search
Մարիե Հյոգ
Դիմանկար
Ծնվել էապրիլի 15, 1866(1866-04-15)[1][1]
ԾննդավայրԿանգեսուն, Telemark, Էստլանն, Նորվեգիա
Մահացել էփետրվարի 22, 1949(1949-02-22)[2] (82 տարեկան)
Մահվան վայրՕսլո, Նորվեգիա
ՔաղաքացիությունFlag of Norway.svg Նորվեգիա
Մասնագիտությունլուսանկարիչ և սուֆրաժիստ
Marie Høeg Վիքիպահեստում

Մարիե Հյոգ (ապրիլի 15, 1866(1866-04-15)[1][1], Կանգեսուն, Telemark, Էստլանն, Նորվեգիա - փետրվարի 22, 1949(1949-02-22)[2], Օսլո, Նորվեգիա), նորվեգացի լուսանկարիչ և սուֆրաժիստ[3]։ Հյոգի հրատարակած աշխատանքը բնույթով ավանդական է, իսկ նրա անձնական լուսանկարները, ներառյալ նրա ընկերոջ՝ Բոլեթ Բերգի արածները, շոշափում են գենդերային գաղափարներ[3]։ Նա հիմնադրել է Հորթեն քննարկման միությունը, որ առ այսօր ակտիվ է[4][5]։ Հյոգը նաև ձեռնարկել է Նորվեգիայի կանանց քվեարկության ազգային միության Հորթենի մասնաճյուղը, Հորթենի Կանանց խորհուրդը և Հորթենի Տուբերկուլոզի միությունը[6]։

Կենսագրություն[խմբագրել | խմբագրել կոդը]

Հյոգը ծնվել է 1866 թվականի ապրիլի 15-ին Կանգեսունում[4]։ Լուսանկարչություն սովորել է Բրևիկում, ավարտել է 1890 թվականին։

1890-1895 թվականներին ապրել է Ֆինլանդիայում և որպես լուսանկարիչ աշխատել Էկենասում և Հանկոյում[4]։ Այստեղ նրա վրա մեծ ազդեցություն է թողել ֆիննական կանանց իրավունքների շարժումը[7]։

1895 թվականին Հյոգը Բոլեթ Բերգի հետ միասին Ֆինլանդիայից տեղափոխվեց Հորթեն։ Բերգը հինգ տարով փոքր էր Հյոգից և հավանաբար լուսանկարչություն սովորել է Ֆինլանդիայում ապրելու տարիներին[4][8]։ Հյոգն ու Բերգը հաստատվեցին և ստեղծեցին իրենց լուսանկարչական ստուդիան[9], որը կոչվում էր Բերգ և Հյոգ[4]։ Հյոգն այդ ստուդիան օգտագործում էր ոչ միայն լուսանկարչության համար, այլև հանդիպումներ էր կազմակերպում ֆեմինիզմով և կանանց քվեարկության իրավունքով մտահոգված կանանց հետ[4]։

1903 թվականին Հյոգն ու Բերգը տեղափոխվեցին Քրիստիանիա, որտեղ շարունակեցին պրոֆեսիոնալ լուսանկարչի աշխատանքը՝ հիմնականում անելով բեմական նկարներ և դիմանկարներ[8][10]։

Նրանք միասին հիմնադրեցին «Berg og Høghs Kunstforlag A.S.» հրատարակչությունը, տպագրեցին գրքեր, օրինակ՝ եռահատոր «Norske Kvinder»-ը, որը ներկայացնում է նորվեգացի կանանց պատմությունը։

Մարիե Հյոգը մահացել է 1949 թվականի փետրվարի 22-ին Օսլոյում[4]։

Մահվանից հետո՝ 1980-ական թվականներին, Հյոգի ապակյա նեգատիվներից շատերը հայտնաբերվեցին ախոռում[11]։ Այդ ախոռը գտնվում էր այն ֆերմայի տարածքում, որտեղ Բերգն ու Հյոգն ապրում էին մինչև իրենց կյանքը վերջը[11]։ Նեգատիվների մի շարքը, որը պիտակավորված էր «անձնական» կոչվող տուփում, պարունակում էր այնպիսի նկարներ, որտեղ Բերգն ու Հյոգը հագել էին տղամարդու հագուստ, ծխում էին և բեղեր ունեին[12]։ Ապակյա նեգատիվներից 440-ը այժմ պահվում է Պրեուս թանգարանի հավաքածուում[6]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 https://nbl.snl.no/Marie_H%C3%B8eg
  2. 2,0 2,1 2,2 https://rkd.nl/explore/artists/402200
  3. 3,0 3,1 «Marie Høeg Meets Klara Lidén»։ ONE Archives at the USC Libraries։ University of Southern California։ 2014։ Վերցված է մայիսի 9, 2016 
  4. 4,0 4,1 4,2 4,3 4,4 4,5 4,6 Moksnes Aslaug։ «Marie Høeg»։ Norsk biografisk leksikon (Norwegian)։ Վերցված է մայիսի 9, 2016 
  5. «Velkommen til Hortens Diskusjonsforening!»։ Hortens Diskusjonsforening (Norwegian)։ Վերցված է մայիսի 9, 2016 
  6. 6,0 6,1 «Bolette Berg (1872-1944) and Marie Høeg (1866-1949)»։ Preus Museum։ Վերցված է մայիսի 9, 2016 
  7. Baggethun 1974, p. 42
  8. 8,0 8,1 Bonge 1980, pp. 58, 185
  9. Breen Marta (հոկտեմբերի 22, 2008)։ «De første fotofeministene»։ Dagbladet Kunst (Norwegian)։ Վերցված է մայիսի 9, 2016 
  10. «The ‘private’ photographs of Marie Høeg and Bolette Berg: Questioning gender roles circa 1900»։ DangerousMinds։ 2017-02-27։ Վերցված է 2017-06-14 
  11. 11,0 11,1 Eler Alicia (ապրիլի 11, 2014)։ «An Androgynous Suffragette Portrait, Rediscovered»։ Hyperallergic։ Վերցված է մայիսի 9, 2016 
  12. Cliff Martha (մարտի 11, 2016)։ «Incredible Photos Show a Victorian Woman Daring to Dress Up As a Moustachioed Gentleman, Arctic Explorer and Thief in Ground-breaking Studio Portraits»։ Daily Mail։ Վերցված է մայիսի 9, 2016 

Արտաքին հղումներ[խմբագրել | խմբագրել կոդը]

Գրականություն[խմբագրել | խմբագրել կոդը]