Մարգարիտա Աբուե

Վիքիպեդիայից՝ ազատ հանրագիտարանից
Jump to navigation Jump to search
Մարգարիտա Աբուե
Դիմանկար
Ծնվել է1971[1][2][3][…]
ԾննդավայրԱբիջան, Կոտ դ'Իվուար[1][4]
ՔաղաքացիությունFlag of Côte d'Ivoire.svg Կոտ դ'Իվուար[5]
Մասնագիտությունդերասանուհի, գրող, սցենարիստ և comics writer
ԱմուսինClément Oubrerie?
Պարգևներ և
մրցանակներ
Արվեստների և գրականության շքանշանի ասպետ և Peter Pan prize?
ԱնդամությունCollectif des créatrices de bande dessinée contre le sexisme?[6]

Մարգարիտա Աբուե (ֆր.՝ Marguerite Abouet, 1971[1][2][3][…], Աբիջան, Կոտ դ'Իվուար[1][4]), իվուարցի գրող, կոմիքսների հեղինակ, առավել հայտնի է իր «Աիյա» գրաֆիկական վեպերի շարքով[7]։

Կենսագրություն[խմբագրել | խմբագրել կոդը]

Մարգարիտա Աբուեն ծնվել է 1971 թվականին Աբիջանում (Կոտ դ'Իվուար)[7] և 12 տարեկան հասակում եղբոր հետ Ֆրանսիա է տեղափոխվել իր խորթ պապի մոտ[8]։ Այժմ նա բնակվում Է Փարիզի արվարձանում՝ Ռոմենվիլում՝ իր ամուսնու՝ նկարիչ Կլեման Ուբերիի հետ, որը նկարազարդում է նրա գրաֆիկական հայեցակարգերը և իրենց փոքրիկ որդու հետ[9]։ Մարգարիտա Աբուեն աշխատել է որպես իրավաբանի օգնական Փարիզում, երբ ստեղծել է իր առաջին գրաֆիկական վեպը՝ «Աիյան»։ Աբուեն փորձել է գրել նաև երիտասարդների համար, սակայն հրաժարվել է դրանից այն պատճառով, որ ըստ նրա, խիստ խանգարել է սահմանափակումները, որոնք դրվում են այդ ժանրի վրա հրատարակիչների կողմից։ Նա թողել է իր իրավաբանի օգնականի աշխատանքը, որպեսզի ամբողջ օրը նվիրի ստեղծագործությանը, այդ թվում՝ «Աիյա» շարքի հաջորդ երկու գրաֆիկական վեպերի ստեղծմանը»[9]։

«Աիյա»[խմբագրել | խմբագրել կոդը]

«Աիյան» Աբուեի առաջին հրապարակված աշխատանքն է։ Այն համատեղ աշխատանք էր ամուսնու հետ, որի համար «Աիյան» գրաֆիկական վեպերի նկարազարդումներ ստեղծելու առաջին աշխատանքն էր։ Աբուեի ոգեշնչման աղբյուր է հանդիսացել Մրժան Սաթրապին՝ «Պերսեպոլիս» գրաֆիկական վեպի հեղինակը[8]։ Նրան նաև ստեղծագործելու է մղել ցույց տալ Աֆրիկան՝ շեշտը դնելով խնդիրների վրա, բացի պատերազմից և սովից, որի վրա սովորաբար կենտրոնանում են լրատվամիջոցները՝ Աֆրիկան ներկայացնելիս[10]։ Նրա ստեղծագործությունների հերոսները դպրոց են գնում, հոգնում աշխատանքից, ապագայի ծրագրեր են կառուցում և հայտնվում տնային ինտրիգների ծուղակում։ Գործողությունը տեղի են ունենում Կոտ դ'Իվուարում[11]։ Նրա պատմությունը ադապտացվել է անիմացիոն ֆիլմի՝ Աբուեի հետ համագործակցությամբ[12]։

Աբուեն հերքում է «Աիյայի» ինքնակենսագրականությունը, բացառությամբ այն բանի, որ այն պատկերում է Կոտ դ'Իվուարը, որի հետ ծանոթ էր։ Այդ կերպարները հիմնված են այն մարդկանց վրա, ում նա ճանաչում էր մանկության տարիներին, բայց սյուժեները հորինված Էին[8]։

«Աիյան» մեծ հաջողություն է ունեցել, հատկապես սկսնակ հեղինակի համար։ 2006 թվականին Աբուեն Անգուլեմում կոմիքսների միջազգային փառատոնի մրցանակին է արժանացել կոմիքսների առաջին գրքի համար, որի ավելի քան 200 հազար օրինակ վաճառվել է Ֆրանսիայում[13],։ Կանադական «Drawn and Quarterly» հրատարակչությունը տարածել է գրքի անգլալեզու տարբերակը ԱՄՆ-ում։ Այն տպագրել է ավելի քան 10 000 օրինակ[13], ԱՄՆ-ում առաջնաելույթի գրաֆիկական վեպի համար զգալի գումար էր[13]։ Աբուեն իր ֆրանսիացի հրատարակչին համոզել է իր գրաֆիկական վեպի ավելի էժան նմուշներ վաճառել իր հայրենի Կոտ դ'Իվուարում[13]։

Ծանոթագրություններ[խմբագրել | խմբագրել կոդը]