Մատիտեղ մանդիկ

Վիքիպեդիայից՝ ազատ հանրագիտարանից
Jump to navigation Jump to search
Մատիտեղ մանդիկ
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Մատիտեղազգիներ
Տեսակ Մատիտեղ մանդիկ
Լատիներեն անվանում
Polygonum cerneum


Մատիտեղ մանդիկ (լատ.՝ Polygonum cerneum), մատիտեղազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

Հաստ պալարանման կոճղարմատով և եռանիստ ակոսավոր ցողուններով բազմամյա խոտաբույս է, որի բարձրությունը 30-100 սմ է։ Երկար կոթուններով, երկարավուն-նշտարաձև, ստորին տերևները սրածայր են։ Նշտարաձև, նստադիր կամ ցողունագիրկ տերևները մանր են և գտնվում են ցողունի միջին և վերին մասում։ Տերևների ստորին մակերեսը թույլ մազոտ է։ Հասկանման ծաղկաբույլը կազմված է բազմաթիվ խիտ դասավորված, մանր, վարդագույն կամ կարմիր, հնգանդամ ծաղիկներից։ Մուգ կարմիր փոշանոթներով առէջները երկար առէջաթելերի շնորհիվ դուրս են գալիս ծաղկից։ 5 մմ երկարությամբ, եռանիստ ձվաձև փայլուն պտուղը փոքր սերմնիկ է[1]։

Տարածվածություն[խմբագրել | խմբագրել կոդը]

Աճում է վերին լեռնային գոտու մերձալպյան և ալպյան մարգագետիններում։ Հանդիպում է Շիրակի, Արագածոտնի, Կոտայքի, Գեղարքունիքի մարզերում։ Մեղրատու բույս է[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են C, K վիտամիններ, դաբաղանյութեր (մոտ 20 %), օսլա (մոտ 25 %), կարոտին, ֆլավոնոիդներ, օրգանական թթուներ պարունակող արմատները։ Ունի արյունադադար, խորխաբեր, կապող և կազդուրիչ ազդեցություն[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689