Մասնավոր պատերազմ (անգլ.՝ A Private War), ռեժիսոր Մեթ Հեյնեմանի բրիտանաամերիկյան ռազմական դրաման։ Գլխավոր դերում Ռոզամունդ Փայկն է[2][3][4]։ Ֆիլմն առաջադրվել է «Ոսկե գլոբուս» մրցանակի` «Դրամատիկական ֆիլմի լավագույն դերասանուհի» և «Լավագույն երգ» անվանակարգերում։
Ֆիլմը պատմում է ռազմական լրագրողի մասին, որն աշխատանքի բերումով մեկնում է թեժ կետեր` այնտեղ կատարվողը լուսաբանելու համար[5]։ Ֆիլմի հիմքում 2012 թվականին Vanity Fair ամսագրում լույս տեսած «Մարի Քոլվինի մասնավոր պատերազմը» հոդվածն է։ Հրապարակումը նվիրված էր հայտնի լրագրող Մարի Քոլվինի գործունեությանը, որը բրիտանական Sunday Times թերթի արտասահմանյան թղթակիցն էր[6]։
Ֆիլմը հիմնականում դրական արձագանքներ է ստացել կինոքննադատների կողմից։ Rotten Tomatoes կայքում ֆիլմն ունի 89 % վարկանիշ` ըստ 91 գրախոսականի, 10-ից` 7.3 գնահատականով[7]։ Metacritic կայքում ֆիլմը 100-ից ստացել է 76 գնահատական` ըստ 28 գրախոսականի, ինչը համապատասխանում է «հիմնականում դրական արձագանքներ» կարգավիճակին[8]։
ԱՄՆ