Մասնակից:Roobenstein/8
| Թիրիոն Լանիսթեր | |
|---|---|
| Պատկեր:Peter Dinklage as Tyrion Lannister.jpg Փիթեր Դինքլեյջը Թիրիոն Լանիսթերի դերում | |
| Ստեղծագործություն | Գահերի Խաղ |
| Սեռ | արական |
| Ազգություն | անդալներ |
| Բնակության վայր | Մեերին |
| Տարիք | 39 [1][2] |
| Ծննդյան տարեթիվ | Վ․ է․ հետո 263 թ․ |
| Ծննդավայր | Քասթեռլիի ժայռ |
| Ընտանիք | Լանիսթերներ |
| Մականուն | սատանա, կիսամարդ |
| Կոչում | Թագուհու Գլխավոր Օգնական |
| Դերը կատարել են | Փիթեր Դինքլեյջ |
Թիրիոն Լանիսթեր, ամերիկացի գրող Ջորջ Մարտինի կողմից ստեղծված գեղարվեստական կերպար է, որը նաև HBO հեռուստաալիքի Գահերի խաղը հեռուստասերիալի գլխավոր հերոսներից է։ Թիրիոն Լանիսթերի դերը հեռուստասերիալում խաղացել է Փիթեր Դինքլեյջը:
Արտաքին տեսք[խմբագրել | խմբագրել կոդը]
Գահերի Խաղը հեռուստասերիալի սկզբում Թիրիոն Լանիսթերը 23 տարեկան է[3]: Թիրիոնը ցածրահասակ է, աչքերի տարբեր գույնով (սև և կանաչ) և խայտաբղետ մազերով (բաց և մուգ): Սև Ջրի կռվում Թիրիոնը կորցրեց քթի մի մասը և ստացավ մեծ սպի իր դեմքին, որը նրան ավելի տգեղ դարձրեց: Թիրիոնը Լորդ Թայվինի ամենափոքր զավակն է, և անտարակույս ամենատգեղը: Թիրիոնին չհասավ ոչինչ նրանից ինչ աստվածները տվել էին նրա քրոջ՝ Սերսեյաին և եղբոր՝ Ջեյմեին: Ցածրահասակ Թիրիոնը մեծ դժվարությամբ էր հասնում եղբոր հետևից, իր կարճ ոտքերով: Նրա գլուխը շատ մեծ էր, համեմատած իր մարմնին:
Անձ[խմբագրել | խմբագրել կոդը]
Թիրիոն Լանիսթերի մանկությունը շատ դժվար էր: Նա չարժանացավ հոր սիրուն,[3] քանի որ նրա մայրը մահացել էր նրան ծննդաբերելու ժամանակ: Միակ համեմատաբար նրան մոտ մարդը դա նրա եղբայր Ջեյմեն էր: 13 տարեկանում Թիրիոնն ամուսնանում է Թիշա անունով մի սովորական աղջկա հետ, որը Ջեյմեի խոսքերով մարմնավաճառուհի էր: Այս ամուսնությունը դուր եկավ Լորդ Թայվինին և նա չափազանց դաժանորեն վերաբերվեց իր որդու հետ՝ նրա հրամանով Գվարդեականներից յուրաքանչյուրը բռնաբարեց Թիշային Թիրիոնի աչքի առաջ:
Դերը սյուժեում[խմբագրել | խմբագրել կոդը]
Գահերի Խաղը[խմբագրել | խմբագրել կոդը]
Սկզբում Թիրիոնը թագավոր Ռոբերրտ Բարաթեոնի հետ գնաց Վինթերֆելլ, որտեղից էլ գնաց Պատ, Բենժեն Սթարքի և Ջոն Սնոուի հետ: Թագավորական նստավայր գնալու ժամանակ Թիրիոնը ձերբակալվեց Քեյթլին Սթարքի կողմից, իր որդի՝ Բրենդոն Սթարքի սպանության փորձի մեղադրանքով: Այնուհետև Քեյթլի Սթարքը Թիրիոնին տարավ Արծվի Բույն, որտեղ էլ Քեյթլինի քույր Լիզա Արրենը նրան մեղադրեց իր ամուսնուն թունավորելու մեջ: Որից հետո Թիրիոնը մի քանի օր անցկացրեց Արծվի բույնի օդային զնդանում:
|
֊ Օդային զնդանը կոտրում է բոլորին, խոսի՛ր, Սատանա։
- Գահերի խաղը
|
|
Թագավորների կռիվը[խմբագրել | խմբագրել կոդը]
Ջեյմե Լանիսթերի գերության մեջ հայտնվելուց հետո Թիրիոնը նշանակվեց Ջոֆրի Բարաթեոնի գլխավոր խորհրդական, որից հետո նա իր քույր Սերսեյայի դրածոների փոխարեն, իր օգնականներ նշանակեց վստահելի մարդկանց: Մշակեց ստրատեգիական պլան Սև Ջրի ճակատամարտի համար և մասնակցեց ճակատամարտին, սակայն վիրավորվեց, որի արդյունքում կորցրեց քթի մի մասը:
Թրերի մրրիկ[խմբագրել | խմբագրել կոդը]
Թայվին Լանիսթերի վերադառնալուց հետո, Թիրիոնը զիջեց Թագավորի Գլխավոր Օգնականի պաշտոնն իր հորը: Թայվինի ցանկությամբ Թիրիոնը ամուսնացավ Սանսա Սթարքի հետ: Թագավոր Ջոֆրի Բարաթեոնի մահանալուց հետո, որը մահացավ իր իսկ ամուսնության ժամանակ, նրան մեղադրեցին Ջոֆրիի սպանության մեջ, որը սակայն նա չէր արել: Նա պահանջեց փորձություն մենամարտով, սակայն նրա մարտիկ Օբերին Մարթելը պարտվեց մենամարտը Սիր Գրեգոր Կլեգանին և մահացավ, որից հետո Թիրիոնին դատապարտեցին մահապատժի: Սակայն նրան զնդանից ազատեց իր եղբայր Ջեյմեն, որից հետո նա պետք է Լորդ Վարիսի հետ գնար Պենտոս: Բայց միչև Պենտոս գնալը Թիրիոնը մտնելով իր հոր ննջասենյակ սպանեց իր սիրուհուն՝ Շայային, ապա զուգարանում գտնելով իր հորը սպանեց նրան աղեղնազենով[3]:
Պարը վիշապների հետ[խմբագրել | խմբագրել կոդը]
Վալանտիս հասնելուց հետո Թիրիոնին առևանգում է Ջորոխ Մորմոնտը, որն էլ ցանկանում էր նրան հասցնել Դեներիս Թարգարիենի մոտ։ Սակայն Քվարթ գնալու ճանապարհին նրանց ձերբակալում են ստրկավաճառները և վաճառում Մեերինի դարպասների մոտ՝ Մորմոնտին որպես ռազմիկ, իսկ Թիրիոնին որպես ծաղրածու։ Մարմոնտը հաղթում է բոլորին ռազմիկների հորում, իսկ այնուհետև փրկում Դեներիս Թարգարիենին։ Որից հետո էլ Դեներիս Թարգարիենը Թիրիոնին նշանակում է որպես Թագուհու Գլխավոր Օգնական։
Էկրանավորում[խմբագրել | խմբագրել կոդը]
Թիրիոն Լանիսթերի դերը Գահերի Խաղը հեռուստասերիալում խաղացել է Փիթեր Դինքլեյջը[4]։ Առաջին եթերաշրջանում իր կատարած դերի համար Դինքլեյջը ստացել է Էմմի մրցանակը որպես 2֊րդ պլանի լավագույն դերասան դրամատիկական սերիալում, Ոսկե Գլոբուս մրցանակը, 2֊րդ պլանի լավագույն դերասան անվանակարգում, Satellite մրցանակը՝ նույն անվանակարգում, Scream որպես 2֊րդ պլանի լավագույն դեր։ Deadline֊ ը հաստատեց, որ Փիթեր Դինքլեյջը, ինչպես նաև Լինա Հիդին, Նիկոլայ Կոստեր-Վալդաուն, Էմիլիա Քլարկը և Քիթ Հարինգթոնը բանակցություններ էին վարում վերջին 2 եթերաշրջանների համար։ Նաև տեղեկացվում էր, որ նրանց վճարում էին $500 000 Գահերի Խաղի 7֊րդ և 8֊րդ եթերաշրջանների մեկ սերիայի համար[5][6]։ Սակայն 2016 թվականի նոյեմբերի 18֊ին հաստատվեց, որ նրանք վերջին երկու եթերաշրջաններում մեկ սերիայի համար պետք է ստանան $1 100 000։ 2017 թվականի ապրիլի թջ֊ին նրանց աշխատավարձը մեկ սերիայի համար բարձրացավ մինչև $2 600 000[7][8]։
Վեցերորդ եթերաշրջան[խմբագրել | խմբագրել կոդը]
Վեցերորդ եթերաշրջանի սկզբում Թիրիոնը, առանց Մեսանդեյաին և Մոխրագույն Ճիճվին տեղեկացնելու Մեերին է հրավիրում Յունքայի և Աստապորի ստրկավաճառներին և նրանց հետ բանակցություններ վարում։ Վեցերորդ եթերաշրջանի 5֊րդ սերիայում նա Վարիսի հետ հանդիպում է Ռգլոր Քինվարուին։ 8֊րդ սերիայում Դեներիսի հետ հանդիպում է Յարա և Թեոն Գրեյջոյների հետ։ Իսկ 10֊րդ սերիայում Դեներիսից ստացավ Թագուհու Գլխավոր Օգնականի կրծքանշան և նրա հետ մեկնեց գրավելու Վեսթերոսը[9]։
Անուն[խմբագրել | խմբագրել կոդը]
Կերպարի հանրաճանաչությունը հասավ այնպիսի մեծ մասշտաբների, որ Մեծ Բրիտանիայում շատ նորածինների տալիս էին Թիրիոն անունը[10]։
Ծանոթագրություններ[խմբագրել | խմբագրել կոդը]
- ↑ Tyrion Lannister
- ↑ Тирион Ланнистер
- ↑ 3,0 3,1 3,2 Дмитрий Злотницкий. Играющие в престолы: Великие дома Вестероса // Мир фантастики, № 13 (сентябрь 2004)
- ↑ Нелли Андреева HBO lures McCarthy, Dinklage to «Game» Reuters. 05.05.2009
- ↑ Andreeva, Nellie (June 21, 2016). «'Game Of Thrones' Stars Set For Potential Season 8 On HBO With Big Raises». Deadline. Վերցված է June 27, 2016-ին.
- ↑ Robinson, Joanna (June 21, 2016). «Game of Thrones: Are These Characters "Safe" After Renewing Contracts Through Season 8?». Vanity Fair. Վերցված է June 28, 2016-ին.
- ↑ Parker, Mike (April 25, 2017). «Game Of Thrones season 7: Stars set to earn £2 Million per episode». Daily Express. Արխիվացված է օրիգինալից April 25, 2017-ին. Վերցված է April 25, 2017-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ Hooton, Christopher (April 25, 2017). «Game of Thrones season 7: Actors 'set to earn £2million per episode', making them highest-paid ever». The Independent. Արխիվացված է օրիգինալից April 25, 2017-ին. Վերցված է April 25, 2017-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ 'Game Of Thrones' Season 6 Needs To Resolve These 'ASOIAF' Book Cliffhangers
- ↑ Cleveland Kent Evans. The great big book of baby names. — Publications International, Ltd, 2006. — P. 305. — 608 p. — ISBN 1412713005