Մասնակից:Gevorg Ghazaryan/Լինա Օդենա
Gevorg Ghazaryan/Լինա Օդենա | |
Պաուլինա Օդենա Գարսիա, Լինա Օդենա (կատ.՝ Paulina Ódena Garcia, ), կատալոնացի պետական և քաղաքական գործիչ, կոմունիստ, Կատալոնիայի կոմունիստական երիտասարդություն կազմակերպության գլխավոր քարտուղար, մահացել է Իսպանիայում քաղաքացիական պատերազմի ժամանակ[1]:
Կենսագրություն[խմբագրել | խմբագրել կոդը]
Երիտասարդ տարիքից Լինան աշխատում էր իր ընտանիքին պատկանող դերձակի արվեստանոցում։ Բայց կոմունիզմով տարվելու և մասնակցությունը Կատալոնիայի կոմունիստական երիտասարդության գործունեությանը հանգեցրել են ծնողների հետ հակամարտության, որի արդյունքում Լինա Օդենան սկսել է ինքնուրույն կյանք:
1931 թվականին Իսպանիայի երկրորդ հանրապետության հռչակումից անմիջապես հետո Լինան երիտասարդ կատալոնացիների պատվիրակության կազմում 14-ամսյա ուսուցմանն է ուղարկվել Մոսկվայի Լենինյան միջազգային դպրոց: Վերադառնալով Իսպանիա՝ մասնակցել Է Կատալոնիայի կոմունիստական կուսակցության ստեղծմանը, ընդգրկվել Իսպանիայի կոմունիստական կուսակցության Ազգային բյուրոյում՝ որպես Կատալոնիայից պատվիրակ։ 1933 թվականին նշանակվել է Կատալոնիայի կոմունիստական երիտասարդության գլխավոր քարտուղար և առաջադրվել Հանրապետության խորհրդարանական ընտրությունների թեկնածու։ Բայց ընտրություններում հաղթել են աջերը:
1934 թվականի հոկտեմբերի 6-ին Իսպանիայում Հոկտեմբերյան ապստամբության ժամանակ մասնակցել է զինված բախումներին Սան Կուգատ դել Վալյեսում և Բարսելոնայում։
1936 թվականին ուղևորվել է Մադրիդ, որտեղ ակտիվորեն մասնակցել է համընդհանուր ընտրությունների նախընտրական քարոզարշավին։ Նա Դոլորես Իբարուրիի հետ հանրահավաքներ է կազմակերպել Իսպանիայի բազմաթիվ քաղաքներում։
1936 թվականի հուլիսի 18-ի հեղաշրջման ժամանակ Լինա Օդենան գտնվում էր Ալմերիայում՝ Իսպանիայի սոցիալիստական երիտասարդության համագումարում։ Նա կամավոր է եղել Հանրապետական բանակում և մասնակցել է Ալմերիայի, Խաենի, Գուադիսի, Մոտրիլի և Գրանադայի մարտերին:
1936 թվականի սեպտեմբերի 14-ին, ճանապարհից ավտոմեքենայով դուրս գալուց, հայտնվել է ֆալանգիստների կողմից գրավված գյուղում։ Ձերբակալությունից խուսափելու համար ինքնասպան է եղել։
Ծանոթագրություններ[խմբագրել | խմբագրել կոդը]
- ↑ http://granadamemoriahistorica.es/?p=604.
{{cite web}}
: Missing or empty|title=
(օգնություն); Unknown parameter|apellido=
ignored (|last=
suggested) (օգնություն); Unknown parameter|fechaacceso=
ignored (|access-date=
suggested) (օգնություն); Unknown parameter|idioma=
ignored (|language=
suggested) (օգնություն); Unknown parameter|título=
ignored (|title=
suggested) (օգնություն)
Արտաքին հղումներ[խմբագրել | խմբագրել կոդը]
- «Biografia de Lina Ódena Garcia — Política, miliciana comunista» (կատալաներեն). El Diccionari Biogràfic de Dones — Xarxa Vives d'Universitats. Վերցված է 2015-06-10-ին.
- Б. Розенцвейг. Слава храбрым. Лина Одена — Соратница Пассионарии // Смена. — 1936. — № 11. — С. 15-16.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Gevorg Ghazaryan/Լինա Օդենա կատեգորիայում։ |
Կատեգորիա:Կատալոնացի քաղաքական գործիչներ
Կատեգորիա:20-րդ դարի կին քաղաքական գործիչներ
Կատեգորիա:Ինքնասպան քաղաքական գործիչներ