Մանուկ Մանուկյան (երաժիշտ)

Անվան այլ կիրառումների համար տե՛ս՝ Մանուկ Մանուկյան (այլ կիրառումներ)

Մանուկ Մանուկյան
Ծնվել է	հունիսի 5, 1924(1924-06-05) Բուխարեստ, Ռումինիա
Երկիր	Հայաստան
Մահացել է	դեկտեմբերի 11, 2010(2010-12-11) (86 տարեկան) Երևան, Հայաստան
Մասնագիտություն	երաժշտագետ
Աշխատավայր	ՀՀ ԳԱԱ արվեստի ինստիտուտ, Շիրակի պետական համալսարան և Հայկական պետական մանկավարժական համալսարան
Կրթություն	Ռոմանոս Մելիքյանի անվան պետական երաժշտական քոլեջ (1953) և Երևանի Կոմիտասի անվան պետական կոնսերվատորիա (1958)

Մանուկ Թորոսի Մանուկյան (հունիսի 5, 1924(1924-06-05), Բուխարեստ, Ռումինիա - դեկտեմբերի 11, 2010(2010-12-11), Երևան, Հայաստան), հայ երաժշտագետ։ Երաժշտագիտության թեկնածու (1969)։

Կենսագրություն

Մանուկ Մանուկյանը ծնվել է Բուխարեստում։ 1948 թվականին հայրենդարձել է։ 1953 թվականին ավարտել է Երևանի երաժշտական ուսումնարանը, 1958 թվականին՝ Երևանի կոնսերվատորիան։ 1959-1980 թվականներին աշխատել է ՀՀ ԳԱԱ արվեստի ինստիտուտում։ 1956-1980 թվականներին մասնակցել է երաժշտական բանահավաքչության, բազմաթիվ գիտարշավների, միաժամանակ, դասավանդել է Երևանի տարբեր երաժշտական ուսումնարաններում, Գյումրիի մանկավարժական ինստիտուտում, 1980 թվականից Հայկական պետական մանկավարժական համալսարանում։

Ուսումնասիրությունները վերաբերում են հայ երաժշտության պատմության, ժողովրդական և աշուղական երգարվեստի խնդիրներին։

Երկեր

• Անտոն Մայիլյան «Կյանքն ու գործունեությունը», Երևան, 1965։
• «Ժողովրդական ավետիսներ», Էջմիածին, 1995։
• «Ջիվանի. Ձայնագրյալ երգարան», Երևան, 1998։
• «Սիմոն Հովհաննիսյան», Երևան, 2000։
• Гусаны Армении, Москва, 1977.