Մանուել Սրմաքեշ Կեսարյան
| Մանուել Սրմաքեշ Կեսարյան | |
|---|---|
| Կրոն | Հայ Առաքելական Եկեղեցի |
| Մասնագիտություն | աստվածաբան և քարոզիչ |
Մանուել Սրմաքեշ Կեսարյան, (Մանուել դպիր Կոստանդնուպոլսեցի, Մանուել Փոքր), 18-րդ դարի հայ աստվածաբան, քարոզիչ։
Կենսագրություն[խմբագրել | խմբագրել կոդը]
Փոքր հասակից հրապուրվել է կաթոլիկ քարոզչությամբ, սակայն Հակոբ Նալյանի ջանքերով դարձել է Հայ առաքելական եկեղեցու հավատավոր։ Մանուել Սրմաքեշ Կեսարյանի երկերը վերաբերում են Հայ առաքելական և կաթոլիկական եկեղեցիների ծիսական հարցերին (մկրտություն, հաղորդություն, մյուռոն, Սուրբ Երրորդություն, ծիսակատարություններ, պատարագ և այլն), որոնք տպագրվել են ոչ միայն հայերեն, այլև հայատառ թուրքերեն[1]։
Աշխատություններ[խմբագրել | խմբագրել կոդը]
Հայ հնատիպ գրքի շրջանում տպագրվել են Մանուել Սրմաքեշ Կեսարյանի՝
- «Լուծիչ տարակուսանաց» եկեղեցական ծիսակարգին նվիրված երկը. 1755 թվականին Կ. Պոլսում՝ Բարսեղ Սեբաստացու տպարանում։ Ա տիտղոսաթերթին` «Գիրք որ կոչի Լուծիչ տարակուսանաց…», Բ-ին՝ նույնը (160 էջ, 8°, 9,5×6 սմ)։
- «Ակնոց աչաց սրտի» քրիստոնեական վարդապետության աշխարհաբար երկը (աղանդավորության դեմ). 1780 թվականին Կ. Պոլսում՝ առանց տպարանի հիշատակության։ Տիտղոսաթերթին՝ «Տետրակ որ կոչի Ակնոց աչաց սրտի...» (48 էջ, 8°, 13×7,3 սմ)։
- «Գաւազան կրկնազօր» հայատառ թուրք. կրոնադավանաբան. երկը։ 1780 թվականին Կ. Պոլսում՝ Ստեփանոս Պետրոսյանի տպարանում։ Տիտղոսաթերթին՝ «Տետրակ որ կոչի Գաւազան կրկնազօր...» (136 էջ, 8°, 13×7 սմ)։
- «Ակն լուսատու» հայատառ թուրքերեն դավանաբանական երկը. 1782 թվականին նույն տպարանում։ Ա տիտղոսաթերթին՝ «Գիրք որ կոչի Ակն լուսատու…», Բ-ին՝ նույնը (264 էջ, 8°, 13,2×7 սմ)։
- «Հիմն ստուգութեան» քրիստոնեական վարդապետության երկը. 1783 թվականին Կ. Պոլսում՝ առանց տպարանի հիշատակության։ Տիտղոսաթերթին՝ «Գիրք որ կոչի Հիմն ստուգութեան...» (352 էջ, 8°, 13×8 սմ)[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 Այվազյան, Հովհաննես, ed. (2015). Հայ գրատպություն և գրքարվեստ. հանրագիտարան. Երևան: Հայկական հանրագիտարան հրատարակչություն. էջեր 690–691. ISBN 978-5-89700-042-5.