Մահմուդ Թեյմուր
Մահմուդ Թեյմուր արաբ․՝ محمود تيمور | |
|---|---|
| Ծնվել է | հունիսի 16, 1894[1][2] |
| Ծննդավայր | Կահիրե, Եգիպտոս |
| Վախճանվել է | օգոստոսի 25, 1973[1][2] (79 տարեկան) |
| Վախճանի վայր | Լոզան, Շվեյցարիա |
| Մասնագիտություն | գրող և լրագրող |
| Քաղաքացիություն | .svg){kind=small} Եգիպտոս |
| Ազգականներ | Աիշա Թայմուր |
Մահմուդ Թեյմուր (արաբ․՝ تيمور، محمود،,հունիսի 16, 1894[1][2], Կահիրե, Եգիպտոս - օգոստոսի 25, 1973[1][2], Լոզան, Շվեյցարիա), արաբ գրող։ Արաբերենի ակադեմիայի (Կահիրե) իսկական անդամ։ Եգիպտական ռեալիստական նորավեպի հիմնադիր, Մուհամմադ Թեյմուրի ավագ եղբայրը։
Կենսագրություն[խմբագրել | խմբագրել կոդը]
Մահմուդ Թեյմուրը ծնվել է բանասեր Ահմեդ Թեյմուրի ընտանիքում։ Սովորել է Բարձրագույն գյուղատնտեսական դպրոցում[3]։
1925 թվականին սկսել է հրապարակել իր ստեղծագործությունները։ Նրա վաղ ստեղծագործությունների վրա ազդել են Իվան Տուրգենևը, Անտոն Չեխովը և Գի դը Մոպասանը[3]։
1920-1930-ական թվականների պատմվածքներում նա ցույց է տվել եգիպտական հասարակության տարբեր շերտերի կյանքը։ 1930-ականների վերջից սկսել է դրսևորվել սիմվոլիզմի ազդեցությունը՝ «Անհայտի կանչը» (1939), «Սալվան քամու պոռթկումներում» (1947)[3]։
Եգիպտական հեղափոխությունից (1952) հետո նրա ստեղծագործություններում սկսել են գերիշխել ռեալիզմի միտումները[3]։
Գրել է «Շամրուխ» (1958) և «Կապույտ լապտերներ» (1960) վեպերը, պատմվածքներ, պիեսներ, գրականության պատմությանը և գրական արաբերենին նվիրված աշխատություններ[3]։
Արձակն առանձնանում է հոգեբանական հատկանիշների նրբությամբ և հումանիստական ուղղվածությամբ[3]։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 168)։ 
|