Մադաթ Պետրոսյան

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Մադաթ Պետրոսյան
Ծնվել է	1867
Վախճանվել է	1944
Վախճանի վայր	Թբիլիսի, Վրացական ԽՍՀ, ԽՍՀՄ
Մասնագիտություն	արձակագիր
Կուսակցություն	ԽՄԿԿ
Մադաթ Պետրոսյան Վիքիդարանում

Մադաթ Պետրոսյան (1867 - 1944, Թբիլիսի, Վրացական ԽՍՀ, ԽՍՀՄ), հայ արձակագիր, Վրացական ԽՍՀ աշխատանքի հերոս (1928), ԽՍՀՄ գրողների միության անդամ 1934 թ.-ից։ ԽՄԿԿ անդամ 1918 թվականից։

Կենսագրություն

Ծնվել է Կոթի (հետո Նոյեմբերյանի շրջանի Շավարշավան) գյուղում։ 1886 թվականին ավարտել է Թիֆլիսի արհեստավորաց դպրոցը, ապա աշխատանքի անցել Ավճալայի ջրմուղում որպես մեքենավար։ Խորհրդային իշխանության հաստատումից հետո բնակվելով Թիֆլիսում, զբաղվել է հասարակական աշխատանքով, ղեկավարել Թիֆլիսի կաշվի գործարանի գրական խմբակը, աշխատակցել տեղի պարբերականներին։ Մահացել է 1944 թ.-ին, Թբիլիսիում։

Մ. Պետրոսյանի երկերի մատենագիտություն

• Պատմվածքներ, Թիֆլիս, տպարան «Հերմես», 1906, 112 էջ։
• Պատմվածքներ, գրքույկ երկրորդ, Թիֆլիս, տպարան «Էպոա», 1911, 72 էջ։
• Նոր դարբնոց, Թիֆլիս, հայ պրոլետգրողների ասոցացիա, 1925, 32 էջ։
• Պատմվածքներ, Երևան, Պետհրատ, 1930, 187 էջ։
• Պատմվածքներ, գիրք երկրորդ, Երևան, Պետհրատ, 1931, 157 էջ։
• Պիոներները հնգամյակում, Թիֆլիս, Սախելգամի, 1932, 48 էջ։
• Միշտ պատրաստ (պատմվածք), Երևան, Պետհրատ, 1932, 16 էջ։
• Փոքրիկ մեքենավարը, Թիֆլիս, Սախելգամի, 1934, 60 էջ։
• Պատմվածքներ, Թիֆլիս, հրատ. «Պրոլետար» օրաթերթի, 1935, 45 էջ։
• Մանկություն, Թիֆլիս, Սախելգամի, 1935, 115 էջ։
• Մանկական պատմվածքներ, Երևան, Հայպետհրատ, 1940, 32 էջ։
• Պատմվածքներ, Երևան, Հայպետհրատ, 1949, 116 էջ։

Ծանոթագրություններ

Վիքիդարանն ունի նյութեր, որոնք վերաբերում են «Մադաթ Պետրոսյան» հոդվածին։