Ղարիբ Աղասարյան

Վիքիպեդիայում կան հոդվածներ Աղասարյան ազգանունով այլ մարդկանց մասին։

Ղարիբ Վոլոդյայի Աղասարյան
հունվարի 13, 1965 - սեպտեմբերի 19, 1992 (27 տարեկան)
Ծննդավայր	Խնձրիստան, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ
Մահվան վայր	Քարագլուխ, Ասկերանի շրջան, Արցախ
Գերեզման	Խնձրիստան
Քաղաքացիություն	ԽՍՀՄ, Արցախ
Մարտեր/ պատերազմներ	Արցախյան ազատամարտ
Պարգևներ

Ղարիբ Վոլոդյայի Աղասարյան (հունվարի 13, 1965, Խնձրիստան, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ - սեպտեմբերի 19, 1992, Քարագլուխ, Ասկերանի շրջան, Արցախ), հայ ազատամարտիկ, Արցախյան ազատամարտի մասնակից։

Կենսագրություն

Ծնվել է 1965 թ. հունվարի 13-ին Ասկերանի շրջանի Խնձրիստան գյուղում։ Տեղի դպրոցում ութամյա կրթություն ստանալուց հետո ուսումը շարունակել է Ստեփանակերտի գյուղատնտեսական տեխնիկումի մեքենայացման բաժնում։ Ծառայել է Խորհրդային բանակում։ Զորացրվելուց հետո աշխատել է գյուղի կոլտնտեսությունում։ Առաջինների թվում զինվորագրվել է գյուղի ինքնապաշտպանական ջոկատին։ Մասնակցել է Քարագլխի համար մղված մարտերին, հերթապահել է գիշերները։ Զոհվել է 1992 թ. սեպտեմբերի 19-ին Ասկերանի շրջանի Քարագլուխ գյուղի պաշտպանության համար մղված մարտում։ Ամուսնացած էր, ունի երեք երեխա։ Հանգչում է Խնձրիստանի գերեզմանատանը։

Պարգևներ

Հետմահու պարգևատրվել է ՀՀ «Արիության համար» մեդալով։