Ձյան լվացում
Ձյան լվացում, հասկացություն, որը վերաբերում է Կանադայում հարկերից խուսափելու նպատակով անօրինական ֆինանսական գործարքների թաքցնելուն[1]։ Տերմինը կազմված է ձյուն և լվացում բառերից․ բացատրվում է Կանադայի ցուրտ ձնառատ ձմեռներով և փողերի լվացմամբ։ Կանադայի օրենսդրությամբ երկրում հեշտ է ընկերություն հիմնելը, նույնիսկ 200 կանադական դոլարից ցածր վճարով՝ դրա հետ մեկտեղ հարկային մարմիններից թաքցնելով ֆիրմայի իրական սեփականատերերի ինքնությունը[2]։ Համաշխարհային վերնախավը, ինչպես նաև հանցագործներն ու օտարերկրացիները, որոնք խուսափում են տնտեսական պատժամիջոցներից, կարող են ստեղծել շելլ-ընկերություններ՝ Կանադայի՝ որպես ֆինանսապես ազնիվ երկրի հեղինակության քողի տակ «կասկածելի գործարքները օրինական դարձնելու նպատակով»[1]։
Կանադական ընկերությունների գրանցման համակարգերը, ինչպես դաշնային, այնպես էլ նահանգային մակարդակով, ծածկված են գաղտնիության քողով, ինչը նշանակում է, որ ընկերության կամ թրաստի իրական սեփականատերը կարող է անձին վարձել որպես տեղակալի՝ բոլոր ֆինանսական փաստաթղթերը վարելու և հաշվետվությունները ներկայացնելու համար[1]։ Այդպիսի պրակտիկան Կանադան փաստորեն դարձնում է հարկային դրախտ այնպիսի երկրների հետ մեկտեղ, ինչպիսիք են Բրիտանական Վիրջինյան կղզիները, Պանաման և Բահամյան կղզիները[1]։ Գործընթացն է՛լ ավելի հեշտացել է այն բանից հետո, երբ Կանադայի կառավարությունը հարկային պայմանագրեր է ստորագրել 115 երկրների հետ[1]։
Կանադական սահմանափակ գործընկերություն կոչվող բիզնես կազմակերպության ձևով, միակ անձինք, ովքեր պետք է իրենց մասին հայտնեն իշխանություններին, գործընկերներն են, և եթե նրանք չեն ապրում Կանադայում, ազատվում են Կանադայում հարկային հայտարարագիր ներկայացնելուց[1]։ Այն ընկերությունների համար, որոնց բաժնետոմսերը հրապարակայնորեն չեն վաճառվում, կանոնները պահանջում են, որ բացահայտվեն միայն դրանց տնօրենները, և այդ տնօրենները պարտավոր չեն բացահայտել, թե արդյոք նրանք գործում են ուրիշի անունից[2]։
The Economist-ում հրապարակվել է մի հոդված, որում ասվում էր, որ կանադական Վանկուվեր քաղաքում մասնավոր սեփականության գերտաքացած շուկան կարող է մասամբ լինել անհայտ անձանց, հնարավոր է՝ օտարերկրյա հանցագործների և կոռումպացված պաշտոնյաների գնումների հետևանք՝ որպես կեղտոտ փողերի լվացման միջոց[3]։
2009 թվականին ազգային ոստիկանության գնահատականներից մեկն այն էր, որ անթափանց բացահայտման պահանջների պատճառով Կանադայում տարեկան լվացվում է 15 միլիարդ դոլար[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 Cribb, Robert; Oved, Marco Chown (2017 թ․ հունվարի 25). «SNOW WASHING: Canada is the world's newest tax haven». Toronto Star. Վերցված է 2018 թ․ փետրվարի 14-ին. «...And the Canadian government has made it easier than ever for criminals and tax cheats to move money in and out by signing tax agreements with 115 countries — the greatest number in the world....»
- ↑ 2,0 2,1 Kassam, Ashifa (2018 թ․ փետրվարի 14). «How Canada became an offshore destination for 'snow washing': The country's opaque jurisdictions allow owners of private companies to remain anonymous and the firms to remain in the shadows». The Guardian. Վերցված է 2018 թ․ փետրվարի 14-ին. «...While publicly traded firms in Canada are required to disclose major shareholders, private companies need only note their directors, allowing those who own, control or benefit from the firm to remain in the shadows....»
- ↑ 3,0 3,1 «Snow washing: Canada frets about anonymously owned firms -- Identity checks to obtain a library card are more onerous than those to form a private firm». The Economist. 2018 թ․ հունվարի 4. Վերցված է 2018 թ․ փետրվարի 14-ին. «... 2009 the national police force estimated that up to C$15bn ($12bn) was being laundered in the country each year (an estimated annual $2trn is laundered globally). ...»