Ձմռանը (նկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Ձմռանը
Зимой
Korovin Winter 1894.jpg
տեսակբնանկար
նկարիչԿոնստանտին Կորովին
տարի1894
բարձրություն37,2
լայնություն52,5
ստեղծման երկիրՌուսաստան
ժանրբնանկար
նյություղաներկ և կտավ
գտնվում էՏրետյակովյան պատկերասրահ
հավաքածուՏրետյակովյան պատկերասրահ
քաղաքՄոսկվա
կայք

«Ձմռանը» (ռուս.՝ Зимой), ռուս գեղանկարիչ, թատերական նկարիչ, մանկավարժ և գրող Կոնստանտին Կորովինի նկարներից: Այս ստեղծագործությունը հեղինակը վրձնել է 1894 թվականին[1][2]: Յուղաներկով կտավի չափերն են 37,2 × 52,5 սմ[1][3][4], ըստ որոշ տվյալների 37,3 × 52,7 սմ[5][6]: Այսօր «Ձմռանը» ստեղծագործությունը պահպանվում և ցուցադրվում է Տրետյակովյան պատկերասրահում (Մոսկվա, Ռուսաստան):

Պատմություն[խմբագրել | խմբագրել կոդը]

1894-ից 1895 թվականներն ընկած ժամանակահատվածում Կոնստանտին Կորովինը նկարում է հյուսիսային բնանկարների մի շարք, որոնց թվին են պատկանում նաև «Ձմեռը Լապլանդիայում» (1894) և «Համերֆեսթ: Բևեռափայլ» (1894-1895 թվականներ): «Ձմռանը» նկարը նույնպես հեղինակի այս շարքին է պատկանում:

Կորովինի այս կտավն առաջին անգամ («Ձմեռ» անվանումով) ցուցադրվել է Մոսկվայի նկարիչների ընկերակցության վեցերորդ ցուցահանդեսին, որը կայացել է 1899 թվականին: Մեկ տարի անց՝ 1900 թվականին «Ձմռանը» ստեղծագործությունը հեղինակից գնվել է Տրետյակովյան պատկերասրահի խորհրդի կողմից:

«Ձմռանը» նկարը ցուցադրության է ներկայացվել նաև «Կոնստանտին Կորովին: Գեղանկարչություն: Թատրոն: Ծննդյան 150-ամյակ» ցուցահանդեսի ժամանակ: Վերջինս տեղի ունեցավ 2012 թվականի մարտի 29-ից մինչև օգոստոսի 12-ը Տրետյակովյան պատկերասրահում[7][8]:

Նկարագիր[խմբագրել | խմբագրել կոդը]

Նկարում Կորովինը պատկերել է ձի, որին լծած է սահնակ: Ձին հանգիստ կանգնած է ձյան վրա՝ գյուղական խրճիթի դիմաց: Նրա հարևանությամբ նկարված են ձմեռային մերկ ծառեր, ինչպես նաև խարխլված ցանկապատ: Հեռվում, հորիզոնի մոտ, մռայլ երկնքի ներքո երևում է անտառաշերտի մուգ ուրվագիծը[9]:

«Ձմռանը» կտավի գունային երանգում հիմնականում օգտագործված են մոխրագույնի և սպիտակի երանգները, որոնց մեջ կարելի է զանազանել և՛ տաք, և՛ սառը երանգներ, որոնք ստեղծում են սադափափայլ ճառագայթման տպավորություն: Ի դեպ, մոխրագույնը Կորովինը չի ստացել սպիտակ և սև գույների միախառնումից, այլ ցայտագույն երանգների միախառնումից:

Ծանոթագրություններ[խմբագրել | խմբագրել կոդը]

  1. 1,0 1,1 Государственная Третьяковская галерея — каталог собрания / Я. В. Брук, Л. И. Иовлева. — Москва: СканРус, 2005. — Т. 5: Живопись конца XIX — начала XX века. — С. 174. — 528 с. — ISBN 5-93221-089-3
  2. «Константин Коровин. Галерея картин и рисунков художника — Зимой. 1894» (HTML)։ Сайт, посвящённый Константину Коровину — kkorovin.ru։ Վերցված է 04.10.2014 
  3. ««Константин Коровин. Живопись. Театр» — Галерея» (HTML)։ Сайт выставки ГТГ «Константин Коровин: живопись, театр», korovin.tretyakov.ru։ Արխիվացված օրիգինալից-ից 01.10.2012-ին։ Վերցված է 04.10.2014 
  4. «Константин Алексеевич Коровин — Зимой» (HTML)։ www.rodon.org։ Վերցված է 04.10.2014 
  5. «Коровин Константин Алексеевич — Зимой» (HTML)։ Государственная Третьяковская галерея, www.tretyakovgallery.ru։ Վերցված է 04.10.2014 
  6. «Константин Коровин — Зимой. 1894» (HTML)։ Сайт выставки ГТГ «Константин Коровин: живопись, театр», korovin.tretyakov.ru։ Վերցված է 04.10.2014 
  7. «Выставка «Константин Коровин. Живопись. Театр. К 150-летию со дня рождения»» (HTML)։ Государственная Третьяковская галерея, www.tretyakovgallery.ru։ Արխիվացված օրիգինալից-ից 2012-10-01-ին։ Վերցված է 04.10.2014 
  8. «Масштабная выставка Константина Коровина открывается в Москве» (HTML)։ РИА Новости, www.ria.ru։ Արխիվացված օրիգինալից-ից 2012-10-01-ին։ Վերցված է 04.10.2014 
  9. В. Мамонова Константин Алексеевич Коровин (Великие художники, том 58). — Москва: Директ-Медиа и Комсомольская правда, 2010. — 48 с. — ISBN 978-5-74750-035-8

Արտաքին հղումներ[խմբագրել | խմբագրել կոդը]