Ձագախոտ Էգինյան

Վիքիպեդիայից՝ ազատ հանրագիտարանից
Jump to navigation Jump to search
Ձագախոտ Էգինյան
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Խաչածաղկավորներ
Տեսակ Ձագախոտ Էգինյան
Լատիներեն անվանում
Erysimum eginense



Ձագախոտ Էգինյան (լատ.՝ Erysimum eginense), խաչածաղկավորների ընտանիքին պատկանող ծածկասերմ բույս։

Նկարագրություն[խմբագրել | խմբագրել կոդը]

Երկամյա խոտաբույս է, որի ցողունը՝ 30-60 սմ բարձրություն ունի։ Տերևները նեղ-գծային են, ամբողջաեզր, ծածկաված 2-3-բաժան մազիկներով։ Պսակաթերթերը դեղին են, 7-8 մմ երկարությամբ։Պտուղները պատիճներ են, որոնք ծաղկաբույլի առանցքից մի փոքր հեռացած են, հավասարաչափ քառանիստ, ծածկաված 3-5-բաժան մազիկներով[1]։

Տարածվածություն[խմբագրել | խմբագրել կոդը]

Հայաստանում հանդիպում է Ապարանի (Արաի լեռ), Գեղամի (Զար և Քյանքան գյուղերի շրջակայք) և Երևանի (Էլար, Արզենի, Քանաքեռ, Ջրաբեր, Ողջաբերդ գյուղերի շրջակայքում) ֆլորիստիկական շրջանում։ Ընդհանուր արեալը, նաև ընդգրկում է Նախիջևանը և Անատոլիան[1]։

Էկոլոգիա[խմբագրել | խմբագրել կոդը]

Աճում է միջին լեռնային գոտում՝ ծովի մակարդակից 1000-1600 մ բարձրությունների վրա, չոր քարքարոտ լանջերին, տափաստաններում։ Ծաղկում է մայիս-հունիս ամիսներին, պտղակալում՝ հունիսին-հուլիսին[1]։

Պահպանություն[խմբագրել | խմբագրել կոդը]

Վտանգված տեսակ է։ Տարածման և բնակության շրջանների մակերեսը 500 կմ²-ից պակաս է։ Տեսակին, կապված անթրոպոգեն գործոնների հետ, սպառնում է անհետացում: Հայաստանի Կարմիր գրքի առաջին հրատարակության մեջ ընդգրկված չեր։ CITES-ի և Բեռնի կոնվենցիաների հավելվածներում բացակայում է։

Պահպանության միջոցառումներ չեն իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6