Հրեա երեխաների թանգարան
Հրեա երեխաների թանգարան | |
|---|---|
 | |
| Տեսակ | հրեական թանգարան և մանկական թանգարան |
| Երկիր |  ԱՄՆ |
| Տեղագրություն | Eastern Parkway? |
| Հասցե | 792 Eastern Pkwy, Brooklyn |
| Հիմնադրվել է | 2004[1] |
| Կայք | jcm.museum(անգլ.) |
 | |
 | |
Հրեա երեխաների թանգարան (անգլ.՝ Jewish Children's Museum) հրեաների թեմայով երեխաների ամենամեծ թանգարանն ԱՄՆ-ում։ Այն նպատակ ունի բոլոր կրոների և տարբեր նախապատմություն ունեցող երեխաների համար ապահովել տեղեկատվություն հրեական ժառանգության մասին` քաջալերելով հանդուրժողականություն և փոխըմբռնում։ Մշտական հավաքածուն նպատակ ունի լինել ինչպես կրթական, այնպես էլ` զվարճալի երեխաների համար, հաճախ ներգրավելով նաև ինտերակտիվ մուլտիմեդիա։ Օրինակ, տանիքում տեղակայված գոլֆի փոքրիկ դաշտի յուրաքանչյուր անցքը ներկայացնում է հրեական պատմության մի փուլ։
Թանգարանը գտնվում է Չաբադ Լյուբավիթչի Հասիդական հուդայականության համայնքում, Քրոուն Հեիթսում, Բրուքլինում (Նյու Յորք)։ Կառուցվել է ճարտարապետ Սթիվ Վիկովսկու կողմից և բացվել է 2004 թվականին։ 2005 թվականին թանգարանը եղել է Նյու Յորք քաղաքի արվեստի և սոցիալական ծառայությունների այն 406 ինստիտուտների ցանկի մեջ, որոնք Քարնեգի ընկերության կողմից ստացել են 20 միլիոն դրամաշնորհի մի մասը, որը հնարավոր է դարձել Նյու Յորք քաղաքի քաղաքապետ Մայքլ Բլումբերգի շնորհիվ[2]։
Պատմություն
[խմբագրել | խմբագրել կոդը]Ի պատասխան Քրոուն Հեիթսի 1991 թվականի տխրահռչակ երթի և 1994 թվականի 16-ամյա հրեա աշակերտ Արի Հալբերսթամի` Բրուքլինյան կամրջի վրա ահաբեկչական սպանության[3], թանգարանը կառուցվել է` սովորեցնելու տեղացի երեխաներին ավելի լավ հասկանալ իրենց հարևաններին։
Թանգարանի ցուցադրությունը կազմելիս օգտագործվել են տարբեր կրոնական և աշխարհիկ ուղեցույցներ, և վերջին խոսքն ասվել է թանգարանի ուղղափառ տնօրինության կողմից։
Համայնքային ակտիվիստ Դևորահ Հալբերսթամը` Արիի մայրը, կարևոր դեր է խաղացել թանգարանի ստեղծման գործում։ Թանգարանը պաշտոնապես նվիրված է Արիի հիշատակին[4]։
Թանգարանի առջևի մասում ցուցադրվում է երեխաների նկարների հսկա կոլաժ։ Հեռվից նայելիս նկարների կոլաժը ստեղծում է մի երեխայի պատկեր։
Ծանոթագրություններ
[խմբագրել | խմբագրել կոդը]- ↑ http://www.jcm.museum/inTheNews.asp?ID=248
- ↑ NY Times article. Carnegie Corporation Article Արխիվացված Մարտ 10, 2008 Wayback Machine.
- ↑ The Justice Department formally classified the incident as an act of terrorism.[1]
- ↑ [2] "Devorah Halberstam Honored at Director’s Community Leadership Award Ceremony at FBI New York", December 10, 2009.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Հրեա երեխաների թանգարան» հոդվածին։ |
