1980-1985 թթ. սովորել է Երևանի ֆիզիկական կուլտուրայի պետական ինստիտուտի սպորտային ֆակուլտետի ջրային գնդակի բաժնում։ 1987-1988 թթ. եղել է բժշկական սպորտ դիսպանսերի մեթոդիստ։ Այդ տարիներից սկսել է ստեղծագործել, զբաղվել է գեղանկարչությամբ, արծաթագործությամբ, ապա՝ ռեժիսուրայով։ Նկարահանել է հայ էստրադայի անվանի երգիչ, երգչուհիների տեսահոլովակներ, մի շարք կարճամետրաժ տեսաֆիլմեր, գովազդային հոլովակներ։ Հանդես է եկել որպես համերգային շոուների բեմադրող ռեժիսոր։ Եղել է «1+1=1» լիամետրաժ գեղարվեստական ֆիլմի սցենարի համահեղինակը՝ ռուս դրամատուրգ Վադիմ Լևանովի հետ։ 2011 թվականից հիմնադրել է «Արև» ֆիլմ ստուդիան և հանդիսանում է ստուդիայի հիմնադիր տնօրենը[1]։
Հայկական Ազգային երաժշտական մրցանակաբաշխության «Տարվա լավագույն ռեժիսոր» և «Տարվա լավագույն տեսահոլովակ» մրցանակներ՝ Նունե Եսայանի «Շարան» տեսահոլովակի համար, 2000 թ.
Հայկական Ազգային երաժշտական մրցանակաբաշխության «Տարվա լավագույն տեսահոլովակ» մրցանակ՝ Շուշան Պետրոսյանի «Պատրանքի թևով» տեսահոլովակի համար, 2003 թ.
Անվան այլ կիրառումների համար տե՛ս՝ Հրանտ Վարդանյան (այլ կիրառումներ)
