Շուշան Պետրոսյան

Շուշան Սամվելի Պետրոսյան;
Ծնվել է	սեպտեմբերի 23, 1967 (59 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	երգչուհի, երաժիշտ, դերասանուհի և քաղաքական գործիչ
Գործունեություն	Ազգային ժողովի պատգամավոր
Աշխատատու	Ազգային ժողով
Ամուսին	Արման Հարությունյան
Ծնողներ	հայր՝ Սամվել Պետրոսյան, մայր՝ Արաքս Մանսուրյան
Զբաղեցրած պաշտոններ	Հայաստանի Ազգային ժողովի պատգամավոր, Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն
Պարգևներ և ; մրցանակներ

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Շուշան Սամվելի Պետրոսյան (սեպտեմբերի 23, 1967(1967-09-23), Երևան, Հայկական ԽՍՀ, ԽՍՀՄ), հայ երգչուհի, Հայաստանի վաստակավոր արտիստ^[1], Հայաստանի Ազգային ժողովի նախկին պատգամավոր^[1]։

Կենսագրություն

Շուշան Սամվելի Պետրոսյանը ծնվել է 1967 թվականի սեպտեմբերի 23-ին Երևանում^[1]։ 1987 թվականին ավարտել է Թերլեմեզյանի անվան գեղարվեստի ուսումնարանի գեղանկարի ֆակուլտետը^[1]։ 1993 թվականին ավարտել է Երևանի գեղարվեստի պետական ակադեմիայի գրաֆիկայի ֆակուլտետը^[1]։ 1989-1991 թվականներին աշխատել է «Արձագանք» թատրոն-ստուդիայում (Մետրո թատրոն) որպես թատերական նկարիչ։ Ձևավորել է 3 ներկայացում՝ «Առասպելական հավերժություն», «Անտիգոնե», «Տերն ու ծառան»^[1]։ 1994-1997 թվականներին աշխատել է Երգի պետական թատրոնում^[1]։ 1996 թվականից Հայաստանի պետական ֆիլհարմոնիայի մենակատար է^[1]։ 2002-2003 թվականներին աշխատել է Երևանի կինոյի և թատրոնի պետական ինստիտուտում որպես դասախոս^[1]։ 2005 թվականից Բնության և հասարակության մասին միջազգային ակադեմիայի ակադեմիկոս է^[1]։ 2006 թ.-ին արժանացել է Հայաստանի վաստակավոր արտիստի կոչման։ 2007, 2008 և 2009 թվականներին մասնակցել է Հայաստանի հանրային հեռուստաընկերության «Երկու աստղ» երաժշտական նախագծին^[1]։

Ամուսնալուծված է և ունի երկու զավակ^[1]։

Երաժշտական գործունեություն

Շուշան Պետրոսյանը հայաստանյան էստրադային երգարվեստի ոլորտում բավականին հայտնի երգչուհի է։ Նա մասնակցել է Հայաստանում և արտասահմանում հայկական սփյուռքի ներկայացուցիչների համար կազմակերպված համերգների, հանդես է եկել մենահամերգներով։ Հատկապես հայտնի է նրա երգած «Երազ իմ երկիր հայրենի» և «Սպարապետ» երգերը։ Վերջին երգը երգչուհին նվիրել է Վազգեն Սարգսյանին։ Իր երաժշտական գործունեության ընթացքում արժանացել է բազմաթիվ մրցանակների, այդ թվում՝

1993 թ. գլխավոր մրցանակ («Շարմ Շոու» միջազգային փառատոն),
1996 թ. «Տարվա լավագույն երգչուհի» («Ասուպ» մրցանակաբաշխություն),
2000 թ. «20-րդ դարի հայ աստղ» («Աստղ» փառատոն),
2000 թ. «Լավագույն կին կատարող» («Անուշ» մրցանակաբաշխություն, ԱՄՆ),
2004 թ. «Անկախ Հայաստանի լավագույն ձայն» («Կռունկ» փառատոն),
2009 թ. «Դիվա» մրցանակ (երգի ամենամյա փառատոն, ԱՄՆ)^[1]։

Սկավառակագրություն

Իմ անուշ հայրենիք (2001)
Await Us Ararat (2003)
Մտորումներ (2003)
Հանրապետություն 15 (2006)
The Best (2007)

Տեսաերիզներ

Հանրապետություն 15 (2006)

Քաղաքական գործունեություն

Պատգամավորական աշխատանք

2012 թվականի մայիսի 6-ին Շուշան Պետրոսյանը Հայաստանի Հանրապետական կուսակցության նախընտրական ցուցակով ընտրվել է ՀՀ ԱԺ պատգամավոր^[1]։ Հանդիսացել է ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի անդամ։ Որպես պատգամավոր աշխատել է մինչև 2018 թվականը^[1]։

Հասարակական կարծիք

Հայաստանյան հասարակության որոշակի հատված բացասաբար է վերաբերվում Շուշան Պետրոսյանի քաղաքական գործունեությանը^[2]^[3]^[4]։ Սակայն հանրության մյուս հատվածի համար Շուշան Պետրոսյանը մնում է բազմավաստակ արտիստ և հայրենասեր քաղաքացի։

Ծանոթագրություններ

1 2 3 4 5 6 7 8 9 10 11 12 13 14 15 Բաղդասարյան, Մհեր (22.10.2023). «Tete A Tete 92 Շուշան Պետրոսյան». YouTube. Mher Baghdasaryan I Tete A Tete.
↑ Երազ իմ երկիր, Ռուսաստան. ակտիվիստները ծաղրեցին Շուշան Պետրոսյանին:
↑ «Բարեւ Գյումրի» քաղաքացիական շարժման «Էրթաս Բարովը»` Շուշան Պետրոսյանին:
↑ «Շուշան Պետրոսյանը կո՞ղմ է, թե՞… »:

Վիքիդարանն ունի նյութեր, որոնք վերաբերում են «Շուշան Պետրոսյան» հոդվածին։

[avproduction-1] 1 2 3 4 5 6 7 8 9 10 11 12 13 14 15 Բաղդասարյան, Մհեր (22.10.2023). «Tete A Tete 92 Շուշան Պետրոսյան». YouTube. Mher Baghdasaryan I Tete A Tete.

[2] Երազ իմ երկիր, Ռուսաստան. ակտիվիստները ծաղրեցին Շուշան Պետրոսյանին:

[3] «Բարեւ Գյումրի» քաղաքացիական շարժման «Էրթաս Բարովը»` Շուշան Պետրոսյանին:

[4] «Շուշան Պետրոսյանը կո՞ղմ է, թե՞… »:

[1]

[2]

[3]

[4]