Հովիվների երկրպագությունը (նկար, Կորեջիո)

Հովիվների երկրպագությունը; The Holy Night
տեսակ	գեղանկար
նկարիչ	Կորեջիո
տարի	մոտ. 1530
բարձրություն	256
լայնություն	188
ժանր	հոգևոր արվեստ
նյութ	տախտակ
գտնվում է	Դրեզդենի պատկերասրահ
հավաքածու	Դրեզդենի պետական գեղարվեստական հավաքածու
հիմնական թեմա	Հովիվների երկրպագություն
	պատկերված են
	կայք
	Ծանոթագրություններ;
	Adoration by the shepherds (Correggio) Վիքիպահեստում

«Հովիվների երկրպագությունը» (իտալ.՝ Adorazione dei pastori) նկարը պատկանում է Վերածննդի ժամանակաշրջանի իտալացի նկարիչ Կորեջիոյի վրձնին, որը ավարտին է հասցվել մոտավորապես 1530 թվականին։ Դրված է Դրեզդենի պատկերասրահում։

Նկարագրություն

Ղուկասի ավետատարանի համաձայն՝ հրեշտակը երևում է հովիվներին և հայտնում Փրկչի ծննդյան մասին։ Նկարում պատկերված են լույսի շողերով համակված թռչող հրեշտակներ։ Հովիվը արդեն գոմում է։ Նա ցնծում է, քանի որ սեփական աչքերով տեսնում է նորածին Քրիստոսին։ Հովվի շունը զգուշորեն հոտոտում է մսուրը, որտեղ Մանուկն է, և կարծես հենց նրանից է արձակվում կախարդական լույսը՝ ողողելով երջանիկ Աստվածածնի դեմքը։ Աղախիններից մեկը կուրացած է լույսից, մյուսը ցնծում է հովիվների հետ։ Հովսեփը չի մասնակցում համընդհանուր գործողությանը, նա պատկերված է երկրորդ պլանում ավանակին խնամելիս։

Նկարը Ալբերտո Պրատոների կողմից պատվիրվել էր 1522 թվականի հոկտեմբերին Սուրբ Պրոսպերո եկեղեցու ընտանեկան մատուռի համար, որտեղ նկարը տեղադրվել է 1530 թվականին։ 1640 թվականին դուքս Ֆրանչեսկո I դը Էստեն այն տարել է իր անձնական պատկերասրահ, իսկ 1746 թվականին նկարը տեղափոխվել է Դրեզդեն։

Կորեջիոյի ստեղծագործությունը առանձնանում է լույսի և ստվերի նորարական մոտեցմամբ։ Իր աշխատանքում նկարիչը օգտագործել է լույսը՝ հավասարակշռություն ստեղծելու ձախ կողմից կենդանացող տեսարանի և աջից նկատվող լուռ ուրախության միջև։ Պատահական չէ, որ այս նկարը անվանել են առաջին նշանավոր գիշերային տեսարանը եվրոպական գեղանկարչության մեջ^[2]:Այստեղ Քրստոսի ծնունդը վերածվում է հրաշք լույսի, թեև Կորեջիոն առաջինը չէր, որ մեկնաբանում է Հիսուսի կերպարը որպես «աշխարհի լուսատու»։ «Հովիվների երկրպագությունը» նկարը ազդել է Լոմբարդյան դպրոցի շատ նկարիչների աշխատանքների վրա։ Այն նմանօրինակելու առիթ է եղել այնպիսի վարպետների համար, ինչպիսիք են Կամիլո Պրոկաչինին, Լուկա Կամբիազոն, Գվիդո Ռենին, Դոմենիկինոն, ավելի ուշ Ֆեդերիկո Բարոչին և Կառլո Մարատան։

Գրականություն

Patrick de Rynck How to Read a Painting — Decoding, Understanding And Enjoying The Old Masters. — Thames & Hudson, 2004. — С. 166-167. — ISBN 978-0-500-51200-5
Valerio Terraroli, Correggio, Elemond Arte, 1992
Cecil Gould, The paintings of Correggio, Londra 1976, pp. 182–183.
Luigi Pungileoni, Memorie istoriche di Antonio Allegri detto il Correggio, II, Parma 1818, p. 212.
Adolfo Venturi, La R. Galleria Estense in Modena, Modena 1882—1883, pp. 318–323.
Arthur Ewart Popham, Correggio’s Drawings, London 1957, cat. n. 72.
Giuseppe Adani, Correggio pittore universale, Silvana Editoriale, Correggio 2007. ISBN 9788836609772

Ծանոթագրություններ

↑ ^1,0 ^1,1 https://skd-online-collection.skd.museum/Details/Index/243576
↑ Patrick de Rynck. How to Read a Painting — Decoding, Understanding And Enjoying The Old Masters. — Thames & Hudson, 2004. — С. 166—167. — ISBN 978-0-500-51200-5.

Արտաքին հղումներ

Նկարի նկարագրությու(անգլ.)

Վիքիպահեստն ունի նյութեր, որոնք վերաբերում են «Հովիվների երկրպագությունը (նկար, Կորեջիո)» հոդվածին։

[_492699abeed5b6b7-1] 1,0 ^1,1 https://skd-online-collection.skd.museum/Details/Index/243576

[2] Patrick de Rynck. How to Read a Painting — Decoding, Understanding And Enjoying The Old Masters. — Thames & Hudson, 2004. — С. 166—167. — ISBN 978-0-500-51200-5.

[1]

[2]