Հոռոմ գյուղի ազգագրական հավաքածու
Հոռոմ գյուղի ազգագրական հավաքածու | |
---|---|
Տեսակ | հավաքածու |
Երկիր | Հայաստան |
Վայր | Հոռոմ |
Պատկանում է | Նարեկ Դավթյան |
Հոռոմ գյուղի ազգագրական հավաքածու, մասնավոր պատմամշակութային արժեք ունեցող հավաքածու, որը գտնվում է Հայաստանի Հանրապետության Շիրակի մարզի Արթիկի տարածաշրջանի Հոռոմ գյուղում[1]։
Պատմություն[խմբագրել | խմբագրել կոդը]
Հավաքածուի ստեղծող` Հոռոմ գյուղի բնակիչ Նարեկ Դավթյանը առաջին նմուշը ձեռք է բերել 2011 թվականին. առաջին նմուշը եղել է կճուճ։ Հավաքածուն կազմված է 18-20-րդ դարերի ազգագրական կենցաղային նմուշներից։ Իր մեջ ներառում է թրեր, դաշույններ, ժամացույցներ, արծաթյա զարդեր, պղնձյա սպասք, աղամաններ, դաղդղաններ և տարբեր գործացության խոհանոցային կարասիներ, արծաթե գոտիներ, կճուճներ, կշեռքներ, ինքնաեռներ, սկուտեղներ, կաթսաներ, ճախարակներ, գաթանախշեր, թեյամաններ, սայլերի մասեր և այլն[2]։ Թրերը և դաշույնները 1800-ականներին գործածվել են իշխանների և զորապետերի կողմից։ Արծաթյա գոտիները տարբեր տարածաշրջանների ՝ Մուշի, Վանի, Շիրակի, Սյունիքի, վարպետների աշխատանքներն են։ Կան 1915 թվականի Եղեռնի հիշատակին փորագրված փայտյա արձաններ, որում արտահայտվում է թուրքի վայրագությունը, կանացիակերպ աղամաններ, որում պահվել է մի ամբողջ տարվա աղի պաշարը, գաթանախշեր, որոնք զարդարել են մեծ մայրերի պատրաստած գաթաները։
Ծագում[խմբագրել | խմբագրել կոդը]
Հոռոմ գյուղի ազգագրական հավաքածուի նմուշները գտնվել են Հոռոմից, Գյումրիից, Վանաձորից, Իջևանից և այլ տարածաշրջաններից։ Հավաքածուի մեջ տեղ են գտնում նաև մի քանի պարսկական և ռուսական ծագում ունեցող իրեր[3]։
Հետաքրքիր փաստեր[խմբագրել | խմբագրել կոդը]
Հավաքածուի մեջ տեղ է գտել 8 կգ կշռող ջրի ամանը, որը 20 լիտր ջուր է տանում։ 1800-ականներին հայ կանայք այս ամաններով էին աղբյուրից ջուր տանում։ Ջրամանները հստակ կեցվածքով կրելու ձևը հայուհիները սովորում էին վաղ տարիքից։ Սկուտեղների շարքում կան 3-4 կգ կշռող սկուտեղներ, որոնցով հայկական ավանդական հարսանիքների ժամանակ խնձորներ են տարել փեսայի տուն[3]։
-
Փոքր հատված Հոռոմ գյուղի ազգագրական հավաքածուից
-
Հոռոմ գյուղի ազգագրական հավաքածու
-
Հայկական հին ավանդական գոտի
-
Արձանիկների հավաքածու
Ծանոթագրություններ[խմբագրել | խմբագրել կոդը]
- ↑ ՄԱՄՈՒԼ․ամ. «Հոռոմ գյուղում ապրող կոլեկցիոների յուրահատուկ հավաքածուի համար թանգարան կստեղծվի». ՄԱՄՈՒԼ․ամ. Վերցված է 2023 թ․ հունվարի 18-ին.
- ↑ hushardzantest. «ԶԲՈՍԱՎԱՐՆԵՐԸ ԱՅՑԵԼԵԼ ԵՆ ՀՈՌՈՄ ԳՅՈՒՂԻ ԱԶԳԱԳՐԱԿԱՆ «ԹԱՆԳԱՐԱՆ»». Պատմամշակութային արգելոց-թանգարանների և պատմական միջավայրի պահպանության ծառայության (ամհարերեն). Վերցված է 2023 թ․ հունվարի 18-ին.
- ↑ 3,0 3,1 «Պղնձյա հնաոճ իրերի սիրահար Նարեկի ցանկությունը հարազատ գյուղում թանգարան բացելն է». Hetq.am. Վերցված է 2023 թ․ հունվարի 18-ին.