Հնագիտական թանգարան (Զագրեբ)

Հնագիտական թանգարան
Տեսակ	հնագիտական թանգարան
Երկիր	Խորվաթիա
Տեղագրություն	Զագրեբ
Վայր	Zrinjevac (local board)?
Հասցե	Nikola Šubić Zrinski Square? (19)
Հիմնադրվել է	1836
	45°48′39.59″N 15°58′38.36″E / 45.8109972°N 15.9773222°E
Կայք	amz.hr

Զագրեբի հնագիտական թանգարան (խորվ.՝ Arheološki muzej u Zagrebu), քաղաքային հնագիտական թանգարան Խորվաթիայի մայրաքաղաք Զագրեբում։ Հավաքածուն ներառում է տարբեր ժամանակաշրջանի հնագիտական բազմաթիվ, այդ թվում և եզակի ցուցանմուշներ։

Ընդհանուր տեղեկություն

Զագրեբի հնագիտական թանգարանը գտնվում է Վրանիչան-Գաֆների նախկին պալատում՝ մի մեծ պատմական ճարտարապետական հուշարձան-շինությունում (խորվ.՝ Vranyczany-Hafner na Zrinjevcu)։

Հնագիտական թանգարանի աշխատանքային ռեժիմ.

երեքշաբթի, չորեքշաբթի և ուրբաթ՝ 10։00 - 17։00
հինգշաբթի՝ 10։00 - 20։00
շաբաթ և կիրակի՝ 10։00 - 13։00
երկուշաբթի օրերը փակ են։

Թանգարանի տնօրենն է պրոֆեսոր Անտե Ռոնդիչ-Միոչևիչը (խորվ.՝ Ante Rendić-Miočević)։

Պատմություն

Զագրեբի հնագիտական թանգարանը, որպես անկախ թանգարանային կառույց, սկսել է գործել 1939 թվականից։ Մինչ այդ այն գործել է որպես Ազգային թանգարանի բաժին։

Թանգարանի հավաքածուն ներկայումս ներառում է մոտ 400 հազար տարբեր արտեֆակտներ։ Ցուցանմուշներն իրենց հերթին բաժանվում են ըստ ժամանակաշրջանների՝ նախապատմական, հին (հունական և հռոմեական հուշարձաններ) և միջնադարյան։

Թանգարանն ունի նաև հին եգիպտական հավաքածու, որը տարածաշրջանում միակն է իր տեսակի մեջ։ Ունի նաև դրամագիտական հավաքածու, որը Եվրոպայում և ամբողջ աշխարհում համարվում է խոշորագույններից մեկը։

Զագրեբի հնագիտական թանգարանում է պահպանվում էտրուսյան հուշարձանների յուրահատուկ հավաքածու։ Ամենահայտնի, և անշուշտ, ամենաարժեքավորը հանդիսանում է «Liber linteus Zagrabiensis» գիրքը՝ էտրուսյան լեզվով մինչև այժմ պահպանված ամենաերկար գրությունը։

Ծանոթագրություններ

↑ ROR Data — v1.19 — 2023. — doi:10.5281/ZENODO.7644942

Արտաքին հղումներ

Թանգարանի վեբ-կայք (խորվ.) (անգլ.)

[_e6a2aff9c941464f-1] ROR Data — v1.19 — 2023. — doi:10.5281/ZENODO.7644942

[1]