Հիֆումի Աբե
| Հիֆումի Աբե ճապ.՝ 阿部 一二三 | |
|---|---|
 | |
| Ծնվել է | օգոստոսի 9, 1997 (26 տարեկան) |
| Ծննդավայր | Կոբե, Ճապոնիա |
| Քաղաքացիություն |  Ճապոնիա |
| Կրթություն | Nippon Sport Science University? |
| Մասնագիտություն | ձյուդոիստ |
| Պարգևներ և մրցանակներ |  |
 Hifumi Abe Վիքիպահեստում | |
Հիֆումի Աբե (ճապ.՝ 阿部一二三), ճապոնացի ձյուդոյիստ, ձյուդոյի 5-րդ դանի տիրապետող, չորսակի աշխարհի չեմպիոն 66 կգ քաշային կարգում: Երկու անգամ օլիմպիական չեմպիոն 66 կգ քաշային կարգում (2020 և 2024 թվականներին): 2020 թվականի օլիմպիական չեմպիոն՝ Ուտա Աբեի եղբայրը:
Կենսագրություն
[խմբագրել | խմբագրել կոդը]Նա սկսել է զբաղվել ձյուդոյով 6 տարեկան հասակում Hyogo Boys Kodamakai ակումբում, այն բանից հետո, երբ տեսավ ձյուդոյի մրցումները հեռուստացույցով: [1]
Աբեն նվաճել է երկու արծաթե մեդալ երիտասարդական աշխարհի առաջնություններում. նախ 2014 թվականին՝ մինչև 18 տարեկանների մրցաշարում, իսկ հետո՝ մինչև 21 տարեկանների մրցաշարում Ֆորտ-Լոդերդեյլում նույն թվականին: Մի քանի շաբաթ անց, նույն տարում, նա հաղթեց իր առաջին խոշոր միջազգային մրցաշարում՝ նվաճելով Ջիգորո Կանոյի գավաթը, որտեղ հաղթեց Մասաշի Էբինումային, ով Լոնդոնի Օլիմպիական խաղերի բրոնզե մեդալակիր էր և երեք անգամ աշխարհի չեմպիոն:
2016 թվականին կայացած Ճապոնիայի առաջնությունում նա կրկին հաղթեց Մասաշի Էբինումային կիսաեզրափակչում և այնուհետև նվաճեց տիտղոսը: Չնայած այս հաղթանակին, Ռիո դե Ժանեյրոյի Օլիմպիական խաղերում Ճապոնիայի դրոշը պաշտպանելու համար ընտրվեց Մասաշի Էբինուման։[2] Հուլիսին Աբեն հաղթեց Տյումենում անցկացվող «Մեծ սլեմ» նոր մրցաշարում, իսկ տարեվերջին կրկին նվաճեց Ջիգորո Կանոյի գավաթը:
2017 թվականի փետրվարին նա դարձավ Փարիզում անցկացվող մրցաշարի պատմության ամենաերիտասարդ հաղթողը:
2017 թվականին Բուդապեշտում կայացած աշխարհի առաջնությունում նա հաղթեց իր բոլոր մրցակիցներին և նվաճեց ոսկե մեդալը։[3] Տարվա վերջում նա նվաճեց իր երրորդ տիտղոսը Ջիգորո Կանոյի գավաթում:
2018 թվականին նա հաղթեց «Մեծ սլեմ» մրցաշարը Եկատերինբուրգում[4], բայց այնուհետև առաջին անգամ 2015 թվականից սկսած զիջեց Զագրեբի «Գրան Պրի» մրցաշարում մոնղոլ մարզիկ Ալտանսուխի Դովդոնին:
2018 թվականին Բաքվում կայացած աշխարհի առաջնությունում, 66 կգ քաշային կարգում, եզրափակչում նա հաղթեց բոլոր իր մրցակիցներին և նվաճեց երկրորդ ոսկե մեդալը աշխարհի առաջնություններում:[5]
2019 թվականին Տոկիոյում կայացած աշխարհի առաջնությունում նա նվաճեց բրոնզե մեդալը՝ բրոնզե մեդալի համար պայքարում հաղթելով իտալացի մարզիկ Մանուել Լոմբարդոյին:
2021 թվականին Տոկիոյի Օլիմպիական խաղերում նա դարձավ օլիմպիական չեմպիոն:
2023 թվականի մայիսին, Քաթարի մայրաքաղաքում կայացած աշխարհի առաջնությունում, 66 կգ քաշային կարգում, ճապոնացի ձյուդոյիստը դարձավ չեմպիոն՝ եզրափակչում հաղթելով իր հայրենակից Ջոսիրո Մարույամային:
2024 թվականի ամառային Օլիմպիական խաղերում, որոնք տեղի ունեցան Փարիզում, 66 կգ քաշային կարգում նա նվաճեց օլիմպիական ոսկե մեդալը՝ դառնալով երկու անգամ օլիմպիական չեմպիոն: Եզրափակիչ մենամարտում նա հաղթեց բրազիլացի Վիլլյամ Լիմուին:
Նա ավարտել է Ճապոնիայի սպորտի գիտության համալսարանի մենամարտերի ֆակուլտետը: 2019 թվականին նա արժանացել է Asahi TV-ի հատուկ մրցանակին՝ մեծ սպորտային նվաճումների համար, ինչպես նաև Կոբեի հատուկ սպորտային մրցանակին:
Նրա կուռքը ձյուդոյիստ Տադահիրո Նոմուրան է: Ձյուդոյիստի սիրելի հնարքը սեոյինագեն է։
Ծանոթագրություններ
[խմբագրել | խմբագրել կոդը]- ↑ «Judo ABE Hifumi - Tokyo 2020 Olympics». Արխիվացված է օրիգինալից 2021-07-26-ին. Վերցված է 2021-07-26-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Japan announces team for Rio, Ono is in». www.100judo.com. Արխիվացված է օրիգինալից 2016-06-13-ին. Վերցված է 2018-10-21-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Hifumi Abe en or en -66 kg, quatre sur quatre pour le Japon». Eurosport. 2017-08-29. Արխիվացված է օրիգինալից 2018-10-02-ին. Վերցված է 2018-10-21-ին.
- ↑ «Le Japon voit double au Grand Slam d'Ekaterinbourg». euronews (ֆրանսերեն). 2018-03-17. Արխիվացված է օրիգինալից 2018-10-02-ին. Վերցված է 2018-10-21-ին.
- ↑ «Mondiaux 2018 - Après sa soeur Uta, Hifumi Abe (-66 kg) en or aussi». Eurosport. 2018-09-21. Արխիվացված է օրիգինալից 2018-10-02-ին. Վերցված է 2018-10-21-ին.
Աղբյուրներ
[խմբագրել | խմբագրել կոդը]- Профиль на сайте Международной федерации дзюдо