Իր կարիերան սկսել է «Պոլոնիա Բիդգոշ» ակումբում։ 1957—1960 թվականներին եղել է «Լոձ» ակումբի ֆուտբոլիստ, որտեղ էլ 1957 թվականին նվաճել է Լեհաստանի ֆուտբոլի Գավաթը, իսկ մեկ տարի հետո դարձել է նաև Լեհաստանի ֆուտբոլի առաջնության չեմպիոն։ 1960 թվականին, Ռոման Կորինտին զիջել է Լեհաստանի տարվա խաղացողի մրցանակը, «Sport» թերթի կարծիքով[4]։ 1961 թվականին տեղափոխվել է «Օդրա Օպելե» ֆուտբոլային ակումբ, որտեղ էլ 1963/64 սեզոնում զբաղեցրել է երրորդ տեղը (լավագույն առաջնության արդյունքը, ակումբի պատմության մեջ)։ Այդ թիմի գույները նա պաշտպանեց մինչև 1967 թվականը։
1957 թվականի սեպտեմբերի 29-ին նա իր դեբյուտն է նշում Լեհաստանի հավաքականում, խաղալով ընկերական խաղ՝ Բուլղարիայի հավաքականի դեմ, որը կայացավ Սոֆիայում և խաղը ավարտվեց խաղաղ 1:1 հաշվով։ Նա մասնակցել է նաև Հռոմում կայացած 1960 թվականի Օլիմպիական խաղերին։ Շեպանսկին հավաքականում վերջին խաղը անցկացրել է 1965 թվականի նոյեմբերի 1-ին, խաղալով Հռոմում կայացած Իտալիայի հավաքականի դեմ, 1966 թվականի աշխարհի առաջնության նախընտրական փուլի շրջանակներում, իսկ այդ խաղում նրա թիմը տարավ ջախջախիչ պարտություն 6:1 հաշվով։ Ընդհանուր առմամբ նա Լեհաստանի հավաքականում խաղաց 45 պաշտոնական հանդիպում, այդ թվում 24 խաղ խաղաց, որպես ավագ[5]։
Սպորտից հեռանալուց հետո Շեպանսկին սկսեց զբաղվել մարզչական աշխատանքով, մասնավորապես նա աշխատեց մայրաքաղաքային «Գվարդիայում»[6]։