Հատակ

Վիքիպեդիայից՝ ազատ հանրագիտարանից

Հատակ, շենքի (կառույցի) կոնստրուկցիայի տարր, որը կրում է մարդկանց տեղաշարժվելուց, բեռների տեղափոխումից. ինչպես նաև շենքում գտնվող կահույքից և սարքավորումներից փոխանցվող ներգործությունները։ Ժամանակակից շինարարության մեջ hատակի կոնստրուկցիան, որպես կանոն, բազմաշերտ է։ Այն կազմված է հատակի հիմքից (միջհարկային ծածկեր կամ գրունտ) և ծածկից (հատակի վերին շերտը)։ Հատակի ծածկը կարող է լինել միաձույլ կամ հոծ (ցեմենտե, ասֆալտ-բետոնե ), թերթային և գլանափաթեթային նյութերից (լինոլեում, սինթետիկ խավոտ ծածկեր են), հատային նյութերից (մանրահատակ, խեցե սալիկներ ևն)։

Ձևավորված հատակ

Հատկություններ[խմբագրել | խմբագրել կոդը]

Հատակների վրա են ընթանում բազմապիսի գործընթացներ, այդ իսկ պատճառով պետք է ունենան հետևյալ հատկությունները.

  1. մեխանիկական բավարար ամրություն՝ ստատիկ և դինամիկ բեռնվածքների նկատմամբ
  2. փոքր մաշելիություն
  3. հարթ և ողորկ մակերես
  4. առաձգականություն
  5. չաղմկող
  6. ջերմակլանման փոքր գործակից
  7. անսայթաքելի
  8. հեշտ մաքրվող և վերականգնվող
  9. չհրկիզվող
  10. դիմացկուն և անջրաթափանց
  11. քիմիապես կայուն
  12. որոշ դեպքերում փոքր էլեկտրահաղորդունակ:

Հատակների տեսակները[խմբագրել | խմբագրել կոդը]

Քաղաքացիական և արտադրական շենքերում կիրառում են 2 տեսակի հատակածածկույթ.

  1. հոծ (հողե, բետոնե, ասֆալտե և այլն),
  2. հատանյութերից (քար, սալիկ, փայտ և այլն):

Ստորադիր շերտի համար օգտագործում են կոշտ շինանյութեր (բետոն, երկաթբետոն) և չկապակցված նյութեր (ավազ, կոպիճ, խիճ): Գերադասելի են չկապակցված նյութերից իրականացված ստորադիր շերտերը, քանի որ լավ խլացնում են հարվածները, ինչպես նաև համեմատաբար էժան են: Դրանց հաստությունը լինում է 150-200 մմ: Մետաղե հատակները թանկության պատճառով կիրառվում են խիստ անհրաժեշտության դեպքում:

Փայտե հատակներ[խմբագրել | խմբագրել կոդը]

  1. Ճակատափայտի հատակ- պատրաստվում է սոճու ուղղանկյուն կամ վեցանկյուն հականեխված կոճղերից, բարձրությունը 60-100 մմ է, լայնությունը՝ 60-70 մմ, երկարությունը՝ 150-160 մմ, ստորադիր շերտը պատրաստվում է կավաբետոնից, խճից և սակավ ցեմենտաբետոնից
  2. տախտակե հատակ- կիրառվում են թաց և հրդեհավտանգ պրոցեսների բացակայության և փոքր բեռնվածքների դեպքում, գետնի վրա հատակ պատրաստելիս օգտագործում են 40 մմ հաստության և 80-140 մմ լայնության տախտակներ, որոնք դրվում են տափագերանների վրա:

Աղբյուրներ[խմբագրել | խմբագրել կոդը]

1.Վ.Մ. Տեր-Ավագյան «Քաղաքացիական և արդյունաբերական շենքերի Ճարտարապետություն»

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 271 CC-BY-SA-icon-80x15.png