Հասմիկ Բաղդասարյան

Հասմիկ Բաղդասարյան
Ծնվել է	հունիսի 26, 1970(1970-06-26)
Ծննդավայր	Շուշի, Շուշիի շրջան, ԼՂԻՄ, Ադրբեջանական ԽՍՀ, ԽՍՀՄ
Մահացել է	օգոստոսի 22, 1992(1992-08-22) (22 տարեկան)
Մահվան վայր	Ստեփանակերտ
Քաղաքացիություն	ԽՍՀՄ
Ազգություն	հայ

Հասմիկ Բախշիի Բաղդասարյան (հունիսի 26, 1970, Շուշի, ԼՂԻՄ - օգոստոսի 22, 1992, Ստեփանակերտ, Արցախ), հայ կին ազատամարտիկ, բուժքույր։

Կենսագրություն

Հասմիկ Բաղդասարյանը ծնվել է 1970 թվականի հունիսի 26-ին Շուշի քաղաքում։ Ավարտել է Շուշիի թիվ 2 ռուսական դպրոցը, ուսումը շարունակել է Ստեփանակերտի բժշկական ուսումնարանում։ Աշխատել է մարզային վերականգնողական կենտրոնում՝ որպես բուժքույր։

Կամավորագրվել էր ազգային ազատագրական պայքարին, եղել է բուժքույր և սանիտար։ 1992 թվականին ապրիլից նրանց ջոկատը տեղակայվել է Սղնախ գյուղում, իսկ հունիս-հուլիս ամիսներին տեղափոխվել է Մարտակերտի դաշտային հոսպիտալ։

Զոհվել է 1992 թվականի օգոստոսի 22-ին Ստեփանակերտի հրետակոծության ժամանակ։ Հետմահու պարգևատրվել է Արցախի Հանրապետության «Շուշիի ազատագրման համար» մեդալով։ Ամուսնացած չէր։ Հուղարկավորված է Քարինտակի գերեզմանատանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։