Սուրբ Պողոս-Պետրոս եկեղեցի (Չեռնովցի)
| Սուրբ Պողոս-Պետրոս եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Ուկրաինա |
| Տեղագրություն | Ուկրաինա Չեռնովցի |
| Դավանանք | Հայ Կաթողիկէ Եկեղեցի |
| Օծման թվական | 1875 |
| Ներկա վիճակ | Գործող |
| Ժառանգության կարգավիճակ | Architectural Heritage of National Importance of Ukraine? |
| Ճարտարապետ | Յոզեֆ Գլավկա |
| Ճարտարապետական ոճ | ռոմանական, գոթական, ուկրաինական բարոկկո |
| Կառուցման սկիզբ | 1869 |
| Կառուցման ավարտ | 1875 |
 | |
 | |
 Armenian church, Chernivtsi Վիքիպահեստում | |
Հայկական եկեղեցի (Չեռնովցի) (ուկրաիներեն՝ Чернівці, Вірменська церква), գործող հայկական կաթոլիկ եկեղեցի Ուկրաինայի Չերնովցի քաղաքում՝ նվիրված Սուրբ Պողոս և Պետրոս առաքյալներին։
Պատմություն[խմբագրել | խմբագրել կոդը]
Եկեղեցին նախագծել է չեխ ճարտարապետ Յոզեֆ Գլավկան։ Եկեղեցու շինարարությունն սկսվել է 1869 թվականին և ավարտվել 1875 թվականի հոկտեմբերին։ Եկեղեցին օծվել է 1975 թվականի հոկտեմբերին Սուրբ Պողոս և Պետրոս առաքյալների պատվին։ Եկեղեցու ճարտարապետությանը միահյուսված են ռոմանական և գոթական ճարտարապետության տարրեր, ինչպես նաև ուկրաինական բարոկկո ոճի տարրեր։ Գլխավոր մուտքն ունի եռանկյունաձև ելուստ, խորանը կիսաշրջանաձև է, ճակատային մասն ավարտվում է երկու աշտարակ-զանգակատներով։
Հայկական եկեղեցին կառուցվել է Չերնովցի հայկական համայնքին միավորելու նպատակով։ Եկեղեցուն կից գործել է ծխական դպրոց։ Գերազանց ակուստիկայի պատճառով ի սկբանե երեկոները եկեղեցին օգտագործվել է եկեղեցական երաժշտության դասերի համար. տեղադրված է եղել նաև երգեհոն[1]։
Խորհրդային իշխանության տարիներին եկեղեցում ծիսական արարողակարգերը դադարեցվել են։ 1944 թվականին եկեղեցին փակվել է, իսկ հայ-կաթոլիկների մեծամասնությունը լքել է քաղաքը։ Եկեղեցու գույքը հանձնվել է քաղաքային կազմակերպություններին։ Որոշ ժամանակ եկեղեցու շենքն օգտագործվել է որպես պահեստ։ Ավելի ուշ շենքը դարձել է ճարտարապետական հուշարձան։
1986 թվականին եկեղեցու շենքը հանձնվել է Չեռնովցի ֆիլհարմոնիային որպես երգեհոնային երաժշտության դահլիճ օգտագործելու համար։ 1988 թվականին եկեղեցին վերանորոգվել է։ 1992 թվականին այստեղ բացվել է կամերային երաժշտության սրահ, որտեղ հանդես են գալիս ուկրաինացի և օտարերկրացի կատարողներ։
Հետաքրքիր փաստեր[խմբագրել | խմբագրել կոդը]
- Ի լրումն ժամերգությունների՝ եկեղեցում անցկացվում են հարսանեկան և կնունքի արարողություններ
- Հայկական եկեղեցին Բուկովինայի միակ եկեղեցին է, որի կառուցման համար գումար հատկացրել է ցիսարյան ընտանիքը։ Ավստրիայի թագավոր Ֆրանց Յոզեֆ I-ը հատկացրել է 1000 կորոն
- Եկեղեցու մուտքի մոտ տեղադրված են եղել Սուրբ Պողոսի և Պետրոսի արձանները, որոնք խորհրդային տարիներին անհայտ կորել են։ Հետազոտող Վ. Կվիտկոյի ջանքերով Ուկրաինայի անկախության տարիներին քանդակները գտնվել և վերականգնվել են քանդակագործներ Պ. Լեմսկու, Ն. Լիսակովսկու, Դ. Գորշովսկու և նկարիչ Վ. Խրիպկոյի կողմից[2]
Ծանոթագրություններ[խմբագրել | խմբագրել կոդը]
- ↑ «Армянская церковь описание и фото. Украина: Черновцы». www.votpusk.ru. Վերցված է 2016 թ․ սեպտեմբերի 6-ին.
- ↑ «Армянская церковь в Черновцах». travelloon.com. Արխիվացված է օրիգինալից 2016 թ․ հոկտեմբերի 11-ին. Վերցված է 2016 թ․ սեպտեմբերի 6-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Պողոս-Պետրոս եկեղեցի (Չեռնովցի) կատեգորիայում։ |