Հայաստանի գյուղատնտեսական նշանակության հողեր

Հայաստանի գյուղատնտեսական նշանակության հողեր, գյուղատնտեսության համար նախատեսված և այդ նպատակով օգտագործվող հողերը Հայաստանում։ Կազմում են Հայաստանի հողային ֆոնդի 46,8%-ը։

Գյուղատնտեսական նշանակության հողերը բաժանվում են գյուղատնտեսական հողահանդակների (վարելահողեր, բազմամյա տնկարկներ, խոտհարքներ, արոտավայրերի համար օգտագործվող հողեր և այլն) և գյուղատնտեսական արտադրության կազմակերպման ու գործունեության համար անհրաժեշտ հողերի։ Հայաստանում գյուղատնտեսական հողահանդակները ունեն հետևյալ պատկերը․

	Տարածքը
Հողահանդակներ	հզ․ հա	%
Վարելահողեր	441,2	35,9
Բազմամյա տնկարկներ	51,5	4,2
Խոտհարքներ	134,9	10,9
Արոտավայրեր	601	48,9
Խոպան	0,4	0,03
Ընդամենը	128,5	100

Վատագույն հողբարելավման առանձնահատկություններով հատկապես աչքի են ընկնում Վայքի և Զանգեզուրի կիսաանապատային և չոր տափաստանային գոտիների հողերը։ Զգալի տարածք են գրավում նաև անտառային տափաստանացված հողերը, որոնք հարմար են տեխնիկական մշակաբույսերի, կարտոֆիլի, բազմամյա խոտաբույսերի մշակման համար։

Տես նաև

• Հողբարելավում
• Հողի որակական գնահատում

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։