Հակոբ Տատրյան բեյ

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Հակոբ Տատրյան բեյ
Ծնվել է1853
ԾննդավայրԿեսարիա, Թուրքիա
Մահացել է1936
Մահվան վայրԿադը
ՔաղաքացիությունFlag of Turkey.svg Թուրքիա
Ազգությունհայ
ԿրթությունԿ. Պոլ­սի Կայ­սե­րա­կան զին­վո­րա­կան բժշկա­կան վար­ժա­րա­ն
Մասնագիտությունբժիշկ
ԱշխատավայրԹրա­կի­ա­յի Քրքլա­րե­լիի, Չոր­լո­ւի և Ու­զուն քե­ոփ­րյո­ւի զին­վո­րա­կան հի­վան­դա­նոց­նե­ր


Հակոբ Տատրյան բեյ (1853, Կեսարիա - 1936, Կադը), հայ բժիշկ, վիրաբույժ, մանկաբարձ և ներքին հիվանդությունների մասնագետ։

Կենսագրություն[խմբագրել | խմբագրել կոդը]

Ծնվել է 1853 թվականին, Ան­կա­րա­յի նա­հան­գի Կեսարիայի գավառի կենտրոն Կե­սա­րիա քաղաքում։

Ավարտել է Կեսարիայի պետական վարժարանը։ 1878 թվականին ավարտել է Կ. Պոլսի Կայսերական զինվորական բժշկական վարժարանը։

Եղել է փոքր վիրահատությունների վիրաբույժ, մանկաբարձ և ներքին հիվանդությունների մասնագետ։

1888-1898 թվականներին հատուկ ծառայության («հըզ­մե­թի մախ­սու­սե») մեջ է եղել Բաղ­դա­դում, Մու­սու­լում, Բաս­րայում և դրանց շրջակայքում։

1898 թվականին վերադարձել է Կեսարիա, ամուսնացել և մեկ որդի ու երկու դուստր է ունեցել։

Պաշտոնավարել է Թրակիայի Քրքլարելիի, Չորլուի և Ուզուն քեոփրյուի զինվորական հիվանդանոցներում։ Եղել է Մարմարա-Էրեյլիի զինվորական հիվանդանոցի բժշկապետը։

1912-1913 թվականներին Բալ­կա­նյան պա­տե­րազ­մի ժամանակ զինվորական բժիշկ է ծառայել Յանիայում, որտեղ և վիրավորվել է և գերի ընկել։ Պատերազմն ավարտվելուց հետո ազատվել է և Կ. Պոլիս եկել։

1914 թվականին Առաջին աշխարհամարտի ժամանակ կրկին զորակոչվել է օսմանյան բանակ։ 1914-1916 թվականներին եղել է Սելիմիեի զորանոց-հիվանդանոցի բժշկապետը։ 1916 թվականին զորացրվել է և թոշակի անցել գնդապետի (միրալայ-ալբայ) աստիճանով։ Որոշ ժամանակ Կ. Պոլսի Կադըգյուղ թաղամասի քաղաքային բժիշկ է աշխատել։ Եղել է փորձառու բժիշկ և հարգված քաղաքացի։

Մահացել է 1936 թվականին, Կադը գյուղում՝ 83 տարեկանում։ Հուղարկավորությունը կատարվել է զինվորական պատիվներով։

Պար­գև­ներ[խմբագրել | խմբագրել կոդը]

  • Պարգևատրվել է արքունիքի և սպայակույտի շքանշաններով։

Գրականություն[խմբագրել | խմբագրել կոդը]

Շիկահեր Վարդ, Կիսադարեան պատմութիւն թրքահայ բժշկութեան, 1923-1975, Իսթանպուլ, 1975։

Աղբյուրներ[խմբագրել | խմբագրել կոդը]

  • Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։