Հակոբ Կարնեցի

Հակոբ Կարնեցի
Ծնվել է	փետրվար 1618; Կարին, Օսմանյան կայսրություն
Մահացել է	մոտ 1673; ենթդ․ Կարին, Օսմանյան կայսրություն
Մասնագիտություն	ժամանակագիր, պատմաբան, աշխարհագրագետ և քահանա
Գործունեության ոլորտ	աշխարհագրություն

Հակոբ Կարնեցի (Գևորգի որդի, փետրվար 1618^[1], Կարին, Օսմանյան կայսրություն^[1] - մոտ 1673, ենթդ․ Կարին, Օսմանյան կայսրություն), պատմիչ-ժամանակագիր, աշխարհագրագետ։ 1641 թվականին Էջմիածնում ձեռնադրվել է քահանա։

Նրա «Ժամանակագրությունը» ընդգրկում է 1662 —1672 թվականներին Հայաստանում կատարված կարևոր իրադարձությունները։ Նրա «Տեղագիր Վերին Հայոց» երկը (հրատարակվել է 1903 թ., թարգմանվել է նաև ֆրանսերեն) պատմաաշխարհագրական և ազգագրական կարևոր տեղեկություններ է պարունակում Կարնո գավառի, օսմանյան բռնակալության հարկային համակարգի վերաբերյալ և այլն։ Ընդօրինակել է ձեռագրեր։ Նրան է վերագրվում «Երգ երգոցի» մի մեկնություն։

Հակոբ Կարնեցու երկերը շարադրված են բարբառային տարրերով հագեցած գրաբարով։ Հավանաբար մահացել և թաղվել է Կարինում։

Աշխատություններ[խմբագրել | խմբագրել կոդը]

Գրականություն[խմբագրել | խմբագրել կոդը]

Միքայել Մալխասյան, Հակոբ Կարնեցու «Տեղագիր Վերին Հայոց» երկը՝ որպես պատմաաշխարհագրական հետազոտությունների աղբյուր (Էրզրումի նահանգը 17-րդ դարում), Ս. Էջմիածին, 2009։ ISBN 978-9939-53-480-0

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 6. — էջ 68.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 68)։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_84699b0a40e85335-1] 1,0 ^1,1 ^1,2 ^1,3 ^1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 6. — էջ 68.

[1]