Հալոնգ ծովախորշ
| Հալոնգ ծովախորշ | |
|---|---|
.jpg) | |
| Տեսակ | ծոց և տեսարժան վայր |
| Երկիր |  Վիետնամ |
| Մակերես | 150 000 հեկտար |
 | |
 | |
Հալոնգ ծովախորշ (վիետ․՝ Vịnh Hạ Long), Վիետնամում ՅՈՒՆԵՍԿՕ-ի համաշխարհային ժառանգության օբյեկտ։ Գտնվում է Կուանգին նահանգում, հայտնի զբոսաշրջավայր է։ Ծովախորշը գտնվում է Հարավչինական ծովի Տոնկինի ծոցում[1]։
Ծովախորշի վարչական կղզիները պատկանում են Հալոնգ, Կամֆա քաղաքներին և Վանդոն գավառին (վիետ․՝ Vân Đồn)։
Անվանում[խմբագրել | խմբագրել կոդը]
Հալոնգ բառը թարգմանվում է որպես «վայր, որտեղ վիշապն իջել է ծովը»։ Ըստ լեգենդի՝ Հալոնգ կղզին ստեղծվել է հսկա վիշապի կողմից, ով ապրում էր լեռներում։ Լեռները լքելու ժամանակ պոչով ծակծկել է հովիտներն ու լեռնագոգերը, և ծով ընկղմվելու ժամանակ ճոչով բացված հատվածը լցվել է ջրով, մնացել են երկրի մի քանի փոքրիկ կղզիներ։ Տեղացիները մինչև այժմ էլ ասում են, որ ծովածոցում վիշապ է ապրում։
Նկարագրություն[խմբագրել | խմբագրել կոդը]
Ծովախորշը ներառում է ավելի քան 3000 կղզի, ինչպես նաև փոքր ժայռեր, քարաժայռեր և քարանձավներ։ Տարածքը կազմում է 1500 կմ քառ․։ Ինչպես երկրային, այնպես էլ ստորջրյան աշխարհը բնութագրվում է բարձր կենսաբազմազանությամբ։
Ամենաբնակեցված կղզին Տուանչուն է։ Հենց այստեղ է տեղակայված Հո Շի Մինի նախկին նստավայրը։
Կատաբան Հալոնգ ծովածոցի ամենամեծ կղզին է։ 1986 թվականին կղզու մոտավորապես կեսը հռչակվեց ազգային պարկ։ Կղզում կան բազմաթիվ լճեր, ջրվեժներ և քարանձավներ, ափամերձ կորալային խութեր։ Կղզու հայտնի քարանձավներն են Բոնաուն, Աղջկան և Երկնային Պալատը։ Ինչպես նաև հայտնի է Թմբուկ միշակայմի մեծ առագաստը, որն իր անվանումը ստացել է թմբուկի հարվածային ձայներից։ Ամենագեղեցիկ քարանձավը Դաուգոն է։
Կլիմա[խմբագրել | խմբագրել կոդը]
Կլիման արևադարձային է, խոնավ, երկու եղանակներով՝ շոգ խոնավ ամառ և չոր ցուրտ ձմեռ։ Միջին ջերմաստիճանը 15-ից 25 °C է։ Տարեկան տեղումների քանակը 2000—2200 մմ է։ Ծովախորշի ջրի աղիությունը չոր սեզոնում 31-34,5 ‰ է։
Բնակչություն[խմբագրել | խմբագրել կոդը]
Մոտավորապես 1600 մարդ ապրում է լողացող տնակներում՝ չորս ձկնորսական գյուղերում՝ Կըավան (Cửa Vạn), Բահանգ (Ba Hang), Կոնգտաու (Cống Tàu) և Վոնգվիենգ (Vông Viêng)։
1994 թվականին Հալոնգ ծովածոցն ընդգրկվել է ՅՈՒՆԵՍԿՕ-ի համաշխարհային ժառանգության օբյեկտների ցանկում։
Պատկերասրահ[խմբագրել | խմբագրել կոդը]
«Համբուրվող ժայռերը»
Տեսարան ծովախորշից
Ծովախորշի վրա տեղակայված բազմաթիվ կղզիներից մեկը
Զբոսաշրջային նավ՝ խարսխված ծովախորշի մոտ
Մայրամուտը Հալոնգ ծովախորշից
Հալոնգ ծովախորշի մոտ գտնվող նավահանգստային գյուղակ
Եվս մեկ մայրամուտ
Բազմազան նավակներով լի ափ
Հալոնգն արևոտ օրը
Արտաքին հղումներ[խմբագրել | խմբագրել կոդը]
- UNESCO’s World Heritage Convention: Halong Bay (անգլ.)
- UNESCO: Հալոնգ ծովախորշ Archived 2009-10-16 at the Wayback Machine.
Ծանոթագրություններ[խմբագրել | խմբագրել կոդը]
| ||||||||||
