Կրթության ազգային թանգարան
Կրթության ազգային թանգարան | |
|---|---|
 | |
| Տեսակ | թանգարան |
| Երկիր |  Ալբանիա |
| Տեղագրություն | Կորչա |
| Վայր | Կորչա |
| Հիմնադրվել է | 1967 |
Կրթության ազգային թանգարան (ալբ․՝ Muzeu Kombëtar i Arsimit), ազգային թանգարան, որը գտնվում է Ալբանիայի Կորչա քաղաքում։ Թանգարանը գտնվում է 1887 թվականի մարտի 7-ին բացված Աբանիայի առաջին դպրոցի շենքում, այլ կերպ հայտնի է Mësonjëtorja անունով։ Այնտեղ պահվում է Ալբանիայի գրերի և հրապարակումների պատմությունը, այնպիսիք, ինչպիսին են Ալբանիայի առաջին այբուբենը, որի հեղինակն է Նաում Վեքիլխարջին և երկրորդ ալբանական այբուբենը` գրված Կոնստանդին Քրիստոֆորիդիի կողմից։ Այնտեղ կան նաև նշանավոր հայրենասերների նկարներ և լուսանկարներ, որոնք նպաստել են դպրոցի բացմանը, այնպիսիք, ինչպիսիք են Պանդելի Սոտիրին, Պետրոննի Լուարասին և Նուչի Նաչին[1][2]։
Շինություն[խմբագրել | խմբագրել կոդը]
Կրթության ազգային թանգարանը գտնվում է 1887 թվականի մարտի 7-ին բացված ալբանական առաջին դպրոցի շենքում, որը հայտնի է "Mësonjëtorja e Parë Shqipe" (Ալբանական առաջին դպրոց) անունով[3]։ Շենքը թվագրվում է 1840-ականների վերջերին, տունը պահպանել է իր առաջնային տեսքի հիմնական մասը և այսօր համարվում է Ալբանիայի կրթական հուշարձան[4]։ Կառուցումից ի վեր շինությունը մշտապես հասարակական գործառույթ է իրականացրել։ Կառույցը եղել է Կորչայի հայրենասեր Դիամատի Տարպոյի տունը, ով նվիրաբերել է կառույցը Ալբանիայի դպրոցին։ 1887-1902 թվականներին այստեղ եղել է առաջին դպրոցը, որը կառավարվել է Օսմանյան կայսրության կողմից՝ օգտագործվելով որպես բանտ մինչև Երիտթուրքերի հեղաշրջումը, երբ տեղի ալբանացիները վերցրել են շենքի վերահսկողությունը, վերաբացել են ալբանական դպրոցը և կազմավորել են "Banda e Lirisë անունով երաժշտական բենդը 1908 թվականի հոկտեմբերի 1-ին[5][4]։ Որպես դպրոց կառույցը ծառայել է մինչև 1967 թվականը, դրանից սկսած այն գործել է որպես Կրթության ազգային թանգարան, ինչպես որ այն կոչվում է մինչև օրս։
Ցուցադրություններ և հավաքածուներ[խմբագրել | խմբագրել կոդը]
Թանգարանը իր այցելուներին առաջարկում է հետաքրքիր նյութ, պատմական ակնարկ ալբանական առաջին դպրոցի հիմնադիրների, աջակիցների, տնօրենների, աշակերտների տարբեր տարիների լուսանկարները։ Այստեղ կան նաև ցուցադրված տեքստեր և գրքեր, որոնք օգտագործվել են առաջին դպրոցի աշակերտների և շրջանավարտների կողմից, որոնք օգտագործվել են ալբանացի այն հայրենասերների և լեզվաբանների կողմից, որոնք եղել են դպրոցի պատմության մասը։ Թանագարանում վերականգնվել է առաջին դպրոցի տնօրենի գրասենյակը, որը վավերագրված է դպրոցի առաջին տնօրեններից մեկի` Նուչի Նաչիի ձեռագիր հուշերում։ Գրասենյակաային տարածքը ծառայում է որպես առանձին տաղավար, որտեղ գտնվում է այցելուների գիրքը, որտեղ այցելուները և զբոսաշրջիկները կարող են կիսվել թանգարանի մասին տպավորություններով։ Թանգարանում ցուցադրվում են ալբանական այբուբենի երկու ամենաառաջին խմբագրումները, որոնք հրատարկվել են Նաում Վեքիլխարջիի կողմից[6][7]։ Այս այբուբենները տարածված են եղել Հարավային Ալբանիայում, հատկապես` Կորչայի և Պարմիտի շրջաններում։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «- Bashkia Korce»։ bashkiakorce.gov.al։ Վերցված է 2018-03-01
- ↑ «Nuçi Naçi – Agjencia Telegrafike Shqiptare»։ www.ata.gov.al (sq-AL)։ Արխիվացված է օրիգինալից 2018-03-02-ին։ Վերցված է 2018-03-01
- ↑ «Muzeu Kombëtar i Arsimit | Korca.al»։ korca.al (sq-AL)։ Արխիվացված է օրիգինալից 2018-03-02-ին։ Վերցված է 2018-03-01
- ↑ 4,0 4,1 Moderator։ «KosovariMedia.com - Portal informativ dhe edukativ Shqiptar - Niko Kotherja: Muzeu Kombëtar i Arsimit është vendosur në godinën ku u hap shkolla e parë shqipe»։ kosovarimedia.com (en-gb)։ Արխիվացված է օրիգինալից 2018-03-03-ին։ Վերցված է 2018-03-02
- ↑ «Banda e Lirisë dhe shoqëritë muzikore të grekomanëve të Korçës (pjesa e parë) - Te Sheshi»։ Te Sheshi (en-US)։ 2017-01-22։ Վերցված է 2018-03-02
- ↑ «Mësonjëtorja e Parë Shqipe në Korçë, jo një muze i thjeshtë»։ KOHA.net (անգլերեն)։ Արխիվացված է օրիգինալից 2018-03-02-ին։ Վերցված է 2018-03-01
- ↑ «Muzeu Kombëtar i Arsimit - Mësonjëtorja e Parë Shqipe, Korça 2018»։ www.gluseum.com (անգլերեն)։ Վերցված է 2018-03-01