Կուրտ Յաղճյան
Կուրտ Յաղճյան | |
---|---|
Կուրտ Յաղճյանը Ամալի դերում «Ամալը և գիշերային այցելուները» երաժշտական ներակայացման մեջ | |
Ծնվել է | փետրվարի 9, 1951 (73 տարեկան) Դետրոյթ, Միչիգան, ԱՄՆ |
Երկիր | ԱՄՆ |
Մասնագիտություն | երգիչ և դերասան |
Երգչաձայն | սոպրանո |
Գործիքներ | վոկալ |
Կրթություն | Հյուսիսային Կարոլինայի արվեստի դպրոցի համալսարան |
Kurt Yaghjian Վիքիպահեստում |
Կուրտ «Ֆրենկի» Յաղճյան (անգլ.՝ Kurt "Frenchy" Yaghjian, հայտնի է նաև որպես Կուրտ Յահճյան, փետրվարի 9, 1951, Դետրոյթ, Միչիգան, ԱՄՆ), ամերիկահայ դերասան և երգիչ, որը հայտնի է որպես Աննայի դերակատար՝ 1973 թվականի «Հիսուս Քրիստոս՝ գերաստղ» ֆիլմում։
Կուրտ Յաղճյանը ծնվել է Հայաստանից ներգաղթածների ընտանիքում։ Նա հայկական ծագում ունի։ Հայրն անվանի դիրիժոր Հայկ Յաղճյանն է[1]։
Կուրտը մանկուց երգում էր։ 15 տարեկանում ձայնը փոխվելուց հետո պարզվեց, որ նա ունի տղամարդու համար հազվագյուտ ձայն՝ կոնտրտենոր[1]։
Դպրոցական տարիներին Կուրտը երգչախմբի անդամ էր, որը մասնակցել է Ջան Կառլո Մենոտտիի «Բրինդիսի եպիսկոպոսի մահը» ներկայացման 1963 թվականի մայիսին կայացած առաջնախաղին։ Մենոտին, տպավորված լինելով Յաղճյանի դեմքի արտահայտչությունից, 1963 թվականին NBC-ին առաջարկեց նրան հաստատել Ամալի դերում «Ամալը և գիշերային այցելուները» (անգլ.՝ Amahl and the Night Visitors) հեռուստատեսության համար գրված օպերայում։ Յաղճյանի հետ տեսանկարահանված տարբերակը ցուցադրվում էր ամեն տարի մինչև 1966 թվականը[2]։ 1971 թվականին Կուրտն ավարտել է Հյուսիսային Կարոլինայի արվեստի դպրոցը։
Յաղճյանը մասնակցել է այնպիսի ընկերությունների գովազդային արշավներին, ինչպիսիք են Կոկա-Կոլան, Ֆորդ Մոթորսը, Domino’s Pizza-ն, Տոյոտան, Կադիլակը, Chevrolet-ն, Budweiser-ը և Սփրայթը[3]։
Նա հայտնվել է «Հիսուս Քրիստոս գերաստղ» ռոք-օպերայի Բրոդվեյի բնօրինակ բեմադրության մեջ 1971 թվականի հոկտեմբերի 12-ից մինչև 1973 թվականի հունիսի 30-ը բորոտի, թղթակցի և Հուդա Իսկարիովտացու դերում որպես դերասան Բեն Վերինի փոխարինող[4]։ Յաղճյանը որպես բեք-վոկալիստ մասնակցել է Ջոն Լենոնի և Յոկո Օնոյի ալբոմների ձայնագրությանը։
1990-ական թվականների սկզբից մինչև 2001 թվականի սեպտեմբերի 11-ի դեպքերը Յաղճյանը Little Isidore and the Inquisitor խմբում էր։ 2001 թվականի հոկտեմբերին նա միացավ մեկ այլ խմբի, որը կոչվում էր Kenny Vance and the Planotones[3]:
Դերեր[խմբագրել | խմբագրել կոդը]
Կուրտ Յաղճյանի երաժշտական դերերից են Ամալը «Ամալը և գիշերային այցելուները» հեռուստատեսային կինոնկարում (1963), Աննան «Հիսուս Քրիստոս գերաստղ» (1973, կինոնկար և սաունդթրեք) և «Մազեր» կինոնկարում (1979)[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Курт Ягджян: фото, биография, фильмография, новости - Вокруг ТВ». Вокруг ТВ (անգլերեն). Վերցված է 2021 թ․ հուլիսի 23-ին.
- ↑ «The Boy Choir & Soloist Directory». Արխիվացված է օրիգինալից 2013 թ․ դեկտեմբերի 2-ին. Վերցված է 2021 թ․ հուլիսի 23-ին.
- ↑ 3,0 3,1 Կուրտ Յաղճյան Internet Movie Database կայքում
- ↑ Yaghjian on the Internet Broadway Database
Արտաքին հղումներ[խմբագրել | խմբագրել կոդը]
- Կուրտ Յաղճյան Internet Movie Database կայքում
- Յաղճյանը՝ «The Ultimate Jesus Christ Superstar» կայքում Արխիվացված 2017-02-09 Wayback Machine
- Յաղճյանի պատկերները «Ամալը և գիշերային այցելուները»-ում
|