Կոլյա (ֆիլմ)
.svg){kind=small}
Կոլյա (չեխ․՝ Kolja), չեխական գեղարվեստական ֆիլմ՝ նկարահանված ռեժիսոր Յան Սվերակի կողմից 1996 թվականին։ Արժանացել է «Օսկար»[11] և Ոսկե գլոբուս մրցանակների Օտարալեզու լավագույն ֆիլմ անվանակարգում, ինչպես նաև Չեխական առյուծ մրցանակի լավագույն ֆիլմի համար։
Ֆիլմի գլխավոր դերում նկարահանվել է Յան Սվերակի հայրը՝ Զդենեկ Սվերակը, ով նաև հեղինակել է ֆիլմի սցենարը[12] (Պավել Թոսիգի ստեղծագործության հիման վրա)։
Սյուժե
[խմբագրել | խմբագրել կոդը]Ֆիլմի գործողությունները տեղի են ունենում 1980-ական թվականների վերջին Չեխոսլովակիայում։
Ֆիլմի գլխավոր հերոսը՝ թավջութակահար Ֆրանտիշեկ Լոուկան, երդվյալ ամուրի է, ով հակասություններ ունի իշխանությունների հետ և ապրելու միջոցներ է վաստակում թաղումներում նվագելով ու շիրմաքարեր վերանորոգելով։
Ֆինանսական ծանր դրությունից դուրս գալու համար նա համաձայնում է ձևական ամուսնության ռուս երիտասարդ մի կնոջ հետ, ով փորձում էր մեկնել Արևմուտք։ Շուտով կինը տեղափոխվում է Արևմուտք՝ իր ազգականուհի Թամարայի մոտ թողնելով իր հինգամյա որդուն՝ Կոլյային։ Շուտով Թամարան մահանում է, և Լոուկան ստիպված է լինում երեխային տանել իր մոտ։ Երեխան չեխերեն չի խոսում, և սկզբնական շրջանում բազմաթիվ խնդիրներ են առաջանում նրանց միջև։ Սակայն անախորժություններն ի վերջո նրանց ստիպում են ընդհանուր լեզու գտնել։
Լոուկայի ամուսնության հանգամանքներով սկսում են հետաքրքրվել Չեխոսլովակիայի ազգային անվտանգության գործակալները, իսկ Կոլյային պատրաստվում են ուղարկել ԽՍՀՄ՝ մանկատուն։
Թավշե հողափոխությունից հետո՝ 1989 թվականին, Կոլյայի մայրը վերադառնում է և տանում որդուն, իսկ Լոուկան սկսում է նվագել ֆիլհարմոնիայում։
Դերերում
[խմբագրել | խմբագրել կոդը]- Զդենեկ Սվերակ - Ֆրանտիշեկ Լոուկա
- Անդրեյ Խալիմոն - Կոլյա
- Իրինա Բեզրուկովա - Կոլյայի մայրը
- Ստելլա Զազվորկովա - Ֆրանտիշեկի մայրը
- Լիբուշե Շաֆրանկովա - Կլարա
- Լիլիան Մալկինա - Թամարա
- Իրժի Սովակ - Ռուժիչկա
- Լադիսլավ Սմոլյակ - Խոուդեկ
- Սլավկա Բուդինովա - Բուշտիկովա, հարևանուհի
Պարգևներ
[խմբագրել | խմբագրել կոդը]Ֆիլմն արժանացել է քննադատների դրական գնահատականներին[13][14][15][16] և մեծ հաջողություն է ունեցել ինչպես Չեխիայում, այնպես էլ նրա սահմաններից դուրս։ Այն ցուցադրվել է աշխարհի շուրջ 40 երկրներում (1997 թվականի հուլիսի 28-ից մինչև սեպտեմբերի 29-ը Գերմանիայում վաճառվել է ֆիլմի ցուցադրության ավելի քան 3,25 միլիոն տոմս[17])։
- Օսկար լավագույն օտարալեզու ֆիլմի համար[18]
- Ոսկե գլոբուս օտարալեզու լավագույն ֆիլմի համար
- Չեխական առյուժ
- Լավագույն ֆիլմ
- Լավագույն ռեժիսոր (Յան Սվերակ)
- Լավագույն դերասանուհի (Լիբուշե Շաֆրանկովա)
- Երկրորդ պլանի լավագույն դերասան (Անդրեյ Խալիմոն)
- Լավագույն սցենար (Զդենեկ Սվերակ)
- Լավագույն մոնտաժ (Ալոիս Ֆիշարեկ)
- Տոկիոյի միջազգային կինոփառատոնի գրան պրի
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 https://web.archive.org/web/20200403095455/https://europeanfilmawards.eu/en_EN/film/kolya.5412
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 2,20 2,21 2,22 2,23 2,24 2,25 2,26 2,27 2,28 2,29 2,30 ČSFD (չեխերեն) — 2001.
- ↑ Unifrance — 1949.
- ↑ http://www.kinokalender.com/film204_kolya.html
- ↑ 5,0 5,1 http://stopklatka.pl/film/kola
- ↑ http://www.allocine.fr/film/fichefilm_gen_cfilm=10437.html
- ↑ 7,0 7,1 7,2 7,3 7,4 7,5 http://www.imdb.com/title/tt0116790/fullcredits
- ↑ 8,0 8,1 https://web.archive.org/web/20180316151736/https://www.europeanfilmacademy.org/1996.112.0.html
- ↑ Česká televize: Kolja - Co možná nevíte
- ↑ worldwideboxoffice: Kolya
- ↑ «The 69th Academy Awards (1997) Nominees and Winners». oscars.org. Վերցված է 2015 թ․ հոկտեմբերի 5-ին.
- ↑ Thomas, Kevin (1997 թ․ հունվարի 24). «Father and Son Team Up in 'Kolya'». Los Angeles Times. Վերցված է 2012 թ․ հունիսի 3-ին.
- ↑ Maslin, Janet (1997 թ․ հունվարի 24). «What a Difference a Boy Makes». The New York Times. Վերցված է 2012 թ․ հունիսի 3-ին.
- ↑ «Kolya». Chicago Sun Times. 1997 թ․ հունվարի 27. Արխիվացված է օրիգինալից 2007 թ․ ապրիլի 1-ին. Վերցված է 2012 թ․ հունիսի 3-ին.
- ↑ Guthmann, Edward (1997 թ․ սեպտեմբերի 12). «FILM REVIEW -- Charming `Kolya' Has Magic Touch». San Francisco Chronicle. Վերցված է 2012 թ․ հունիսի 3-ին.
- ↑ Thomas, Kevin (1997 թ․ հունվարի 24). «A Heart-Tugger With a Czech Twist». Los Angeles Times. Վերցված է 2012 թ․ հունիսի 3-ին.
- ↑ Box office / business for Kolya (1996), IMDB, Undated.Retrieved 24 January 2016.
- ↑ «Nominations for the Czech Republic». Academy Awards Database. Academy of Motion Picture Arts and Sciences. Վերցված է 2010 թ․ օգոստոսի 2-ին.
Արտաքին հղումներ
[խմբագրել | խմբագրել կոդը]- Պաշտոնական կայք
- Կոլյա(անգլ.) ֆիլմը Internet Movie Database կայքում
- «Կոլյա»(անգլ.) ֆիլմը allmovie կայքում:
- «Կոլյա»
- Самому успешному фильму Яна и Зденека Свераков исполнилось 10 лет
| ||||||||||
